Keshilla mjekesie...

Ky grup ushqimesh permban qumeshtin, kosin, djathin, gjizen, por jo gjalpin, margarinen apo kremin, sepse ato i perkasin grupit te “yndyres dhe sheqerit”. Ushqimet e ketij grupi permbajne shume vlera ushqyese por kryesish jane te pasura me Kalcium.
Rendesia e Kalciumit
Kalciumi eshte minerali i cili forcon dhembet dhe kockat tuaja dhe garanton funksionimin e rregullt te nervave dhe muskujve. Eshte vecanerisht i rendesishem per zhvillimin, rritjen e trupit te njeriut. Kalciumi vazhdon ti forcoje kockat deri ne moshen 30-35 vjecare, kur arrihet masa maksimale e tyre.
Pas kesaj moshe fillon plakja natyrale, dhe kockat fillojne te dobesohen gradualisht dhe te humbasin dendesine e tyre. Ne qofte se deri ne kete pike nuk keni marre kalcium te mjaftueshem ne dieten tuaj, ka nje rrezik qe kockat te mos arrijne te perballojne kete dobesim dhe krijohet nje brishtesi e tyre dhe mund te thyhen shume lehte. Kjo semundje quhet Osteoporoza (osteoporosis).
Kalcium per Veganet dhe per personat qe nuk tolerojne laktozen
Ne qofte se dieta juaj nuk permban qumesht, bulmetra apo ne qofte se trupi nuk honeps dot sheqerin e qumeshtit lactozen, atehere keni disa alternativa te tjera:
Blini qumesht soje, kos dhe djathra te pasuruara me kalcium ne menyre artificiale hani sallatat/barerat jeshile te erret si spinaqi dhe brokoli perdorni bajame ne ushqimet tuaja duke ngrene fruta te thata si (fiq, hurma arabie) merrni nje sasi te konsiderueshme kalciumi Nqs nuk jeni vegane mund te shtoni ne dieten tuaj , karkalecat sardelet, anchovies si burim alternativ Kalciumi
Sa jane masat e kalciumit qe duhen marre?
Doktoret rekomandojne 700mg kalcium ne dite si per meshkujt po ashtu edhe per femrat. E perkthyer ne gjuhen e ushqimeve kjo gje do te thote:
* 2 gota qumesht
* dy tasa kos
* afersisht 80gr djathe
Lajmi i mire eshte se per te mare kalciumin nuk duhet te hash ushqime te yndyreshme. E njejta sasi kalciumi gjendet ne qumeshtin e skremuar dhe ate te pa skremuar, si dhe e njejta sasi ne djatherat me yndyre te reduktuar. >

Regjimi ushqimor eviton tumoret
Rekomandimet e mjekëve këshillojnë se duhen ngrënë më shumë perime, fruta, agrume dhe drithëra, por jo produkte industriale. Perimet e papjekura mirë kanë funksione të ndryshme në mbrojtjen e proteinave dhe stili ushqimor i plotë është në gjendje të ndikojë në hormone dhe metabolizëm. Por një dietë e mirë ndihmon edhe në eliminimin e problemeve të tjera trupore. Ato janë pakësimi i insulinës në gjak, pakësimi i kalorive duke ngrënë më pak se e zakonshmja, pakësimi i ushqimeve që rrisin nivelin e gliceminës, i yndyrnave në gjak dhe proteinave të marra nga produktet prej mishit të kafshëve. Të gjitha këto përkujdesje ndikojnë të kesh një trup më se në formë dhe të shëndetshëm. Në këtë mënyrë luftohen edhe sëmundjet e shumta, si në rastin tonë edhe tumoret malinj. Nëse këto rekomandime bien ndesh me jetën e përditshme, atëherë ndërrimi i mënyrës së ushqyerjes duhet bërë ngadalë, në mënyrë që të arrihet edhe riorganizimi i jetës sonë të përditshme.

Buka e bardhë shton rrezikun për diabetin

Personat që pëlqejnë bukën e bardhë duhet të mësojnë se ky tip ushqimi, ashtu si të gjitha ato që kanë në përbërje të tyre amidonin, shton rrezikun për tu prekur nga diabeti i tipit 2, që është forma më e përhapur e sëmundjes, pasi ndikon në rritjen e nivelit të sheqerit në gjak. Këtë hipotezë e ka hedhur Allison Hodge, i “Cancer Council” në Viktoria, të Australisë që këshillon të preferohen frutat, perimet dhe buka me përzierje gruri. Hodge ka analizuar efektin e glicerinës së këtij ushqimi. Për të studiuar efektin që ka treguesi glicemik në shfaqjen e diabetit të tipit 2, Hodge ka analizuar të dhënat e 36.787 personave për 4 vjet. Këta nuk vuanin nga diabeti dhe ishin me moshë 40- 69 vjeç. Rreth 400 persona janë prekur nga diabeti gjatë këtyre 4 vitevë vëzhgimi dhe ata që kishin ngrënë më shumë bukë të bardhë (gjysma e hanin të paktën 17 herë në javë), ose ushqime të tjera që kishin tregues glicemik të lartë, ishin më të rrezikuar për tu prekur nga diabeti i tipit 2, në disa raste me një propabilitet 30 për qind më tepër. “Ky lloj ushqimi, ka shpjeguar Hodge,-shkakton rritjen e peshës dhe një punë të madhe për pankreasin, gjë që mund të shkaktojë ezaurim të qelizave që u “është delaguar” prodhimi i insulinës, që të dyja shkaqe të rritjes së rrezikut për zhvillimin e diabetit të tipit 2”. Por jo gjithçka është kaq lineare. Studiuesit kanë vërejtur se ata që ndiqnin një dietë me vlera të larta karbohidratesh, sheqernash dhe magnezi, duket të ishin të mbrojtur nga diabeti i tipit 2. Veçse nuk është shumë e qartë se përse ndodh një gjë e tillë. Ka mundësi që niveli i lartë i karbohidrateve mund të sjellë një sasi të vogël yndyrnash, rrethanë që mund të kontrollojë prodhimin e insulinës.

Per Te Kuruar Anoreksine

Sipas statistikave, numrin më të madh të atyre që vuajnë nga anoreksia e zënë femrat, pasi për të mos shtuar peshë, u nënshtrohen dietave ushqimore përtej kufijve ekstremë. Në të shumtën e rasteve kjo sëmundje kalon në një gjendje akoma më të vështirë, në bulemi. Mjekësia popullore, për përmirësimin e situatës, vjen në ndihmë me përdorimin e çajrave bimore. Për të rifituar oreksin e humbur, përdoren çajrat bimore me shije të hidhur, të cilat përbëjnë grupin e medikamenteve të hidhura ose të hidhtinave. Ndër çajrat që rekomandohet është çaji i përgatitur me bimën e kinfushës. Rekomandohet që çaji të përdoret i shoqëruar me ushqime, në të kundërt nuk shtojnë sekretimin e stomakut. &Ccedilaji duhet të merret të paktën 15 deri në 30 minuta para marrjes së ushqimit.

Ccedilajrat

Në sajë të heterocideve të hidhura, bari i kinfushës ndihmon në shtimin e lëngut të stomakut, duke shkaktuar dhe hapje të oreksit. Këshillohet të pihet dy herë në ditë nga gjysmë gote me çajin e përftuar.
Një tjetër bimë, që përdoret për të luftuar anoreksinë është edhe bari i pelinit. Ashtu si kinfusha edhe kjo bimë ndihmon në shtimin e lëngut në stomak, për rrjedhim edhe të oreksit. Për përgatitjen e çajit, këshillohet një lugë me bimën e grimcuar, që hidhet në gjysmë gote me ujë të nxehtë. Lihet për 15 minuta në qetësi dhe më pas pihet disa herë në ditë, por gjithmonë gjysmë ore para buke. Duhet patur kujdes, pasi përdorimi në doza të larta i këtij çaji mund të shkaktojë dëmtime në tru dhe dridhje të trurit. Ky çaj nuk duhet të pihet në asnjë mënyrë nga gratë shtatzëna. Edhe çaji i sanzës është mjaft i mirë për të rifituar oreksin e humbur. Pjesët që përdoren janë rrënjët e bimës. Këshillohet të pihen dy deri 3 filxhanë në ditë, para buke. Rezultate shumë të mira për rikthimin e oreksit ka dhënë edhe çaji i përgatitur me gjethet e arrës. &Ccedilaji të pihet dy herë gjatë ditës, para buke deri në përmirësimin e oreksit.

Përdorimi

Këto substanca duhet të përdoren të shoqëruara me ushqime, përndryshe nuk shtojnë sekretimin e stomakut. &Ccedilajrat bimorë nuk japin efektin e dëshiruar, kur merren gjatë ushqimit ose mbas tij. Barnat e hidhura duhet të përdoren vetëm para ushqimit 15 deri 30 minuta para tij. Po ashtu çajrat nuk duhet të ëmbëlsohen, meqenëse efekti i tyre sigurohet pikërisht prej këtyre substancave të hidhura. Veprimi rritet pikërisht me rritjen e hidhësisë së tyre. Bimët mjekësore me shije të hidhur, krahas substancave të hidhura, përmbajnë edhe elemente të tjera, të dëmshme për shëndetin. Prandaj gjatë përdorimit të tyre duhet pasur kujdes, për të mënjanuar efektet e dëmshme që kanë disa prej tyre.

Ne parandalimin e kancerit

Kanceri është një nga sëmundjet më të rënda, që rrezikojnë jetën e njeriut. Përveç operacioneve dhe kimioterapisë, një ndihmesë të dukshme në moszhvillimin e kësaj sëmundjeje, japin kurat e përgatitura me metoda popullore.

Alkoolin e bimës së brokulës

Një kurë, që ka dhënë rezultate në ngadalësimin e përhapjes së sëmundjes, është përzierja me alkoolin e bimës së brokulës. Një litër alkool 60 gradë ose raki e fortë rrushi hidhet në 100 gramë kalendule. Kjo masë hidhet në një shishe, e cila mbyllet mirë dhe lihet në një vend të ngrohtë, por që të mos e zërë dielli. Pas 10 ditësh kjo masë kullohet. Merren 50 deri në 60 pika nga kjo përzierje dhe hidhen në 200 mililitra ujë. Ky lëng pihet nga pak gjatë gjithë ditës. Gjatë kohës që përdoret kjo kurë rekomandohet dhe ngrënia e tre karrotave çdo ditë. Gjithashtu, mund të përdoren rrënjët e bimës, të cilat pasi të thahen, duhet të bluhen dhe pluhuri i përftuar hidhet në një gotë me lëng frutash ose çaj. Kura me pluhurin e brokulës përdoret 3 herë në ditë.

Bima e Aloe Verës

Po për këtë qëllim përdoret edhe bima e Aloe Verës. Lëngu i nxjerrë nga kjo bimë përzihet me mjaltë. Ky mjekim ka dhënë efekte të përkryera në përmirësimin e të sëmurëve.

Spinaqi

Spinaqi është një nga ushqimet më të rëndësishme në luftën kundër kancerit, si dhe të sëmundjeve të tjera të rënda. Të sëmurët, që vuajnë nga sëmundja e kancerit, duhet të hanë spinaq me oriz dhe vaj ullri, duke i shtuar dhe lëng limoni. Prandaj, për parandalimin e kancerit ky ushqim duhet të konsumohet sa më shpesh.

Kokë-lakra

Edhe kokë-lakra është vërtetuar se ka dhënë efekte pozitive në parandalimin e kancerit. Përqëndrimi i lartë i indolit te lakra bën që sëmundja të mos përparojë më tej. Një studim i kryer nga shkencëtarë amerikanë ka treguar se te personat që konsumonin më tepër lakër, të paktën 2 deri 3 herë në javë, zhvillimi i sëmundjes ka qenë më i ngadaltë se te ata që nuk e përdorin këtë ushqim.

Salca e domates

Edhe salca e domates ka dhënë rezultate mjaft të mira në sëmundjen e kancerit. Konsumimi i shpeshtë i salcës e frenon atë deri në një farë mase. Të sëmurëve me kancer, mjeku u këshillon të pinë sa më tepër qumësht. Qumështi në përbërje të tij ka vitaminën D, armikun numër një ndaj kësaj sëmundjeje. Studimet kanë treguar se njerëzit që konsumojnë çdo ditë qumësht kanë më pak mundësi për tu prekur nga kanceri. Gjithashtu, të sëmurëve me kancer, mjeku ju këshillon konsumimin sa më të shpeshtë të frutave dhe perimeve në veçanti të frutave, që mbështillen me lëkurë të trashë si portokalli, limoni, shega. >

Lëng panxhari për uljen e presionit të gjakut
Një gotë uji me lëng panxhari në ditë mund tiu ndihmojë të luftoni presionin e lartë të gjakut. Këto janë rezultatet e arritura nga kërkimet e vazhdueshme të mjekëve dhe shkencës. Gjatë eksperimenteve të realizuara e tregua se as më shumë e as më pak, por një gotë uji me lëng panxhari në ditë do të ishte i mjaftueshëm për të ulur tensionin e gjakut. Efekti u dallua pas kundërveprimit të përbërësve të lëngut të panxharit ndaj mikrobeve të gjendura në gojën e njeriut. Më pas u vu re se pirja e një gotë uji me lëng panxhari shoqërohej me një sërë ndryshimesh fiziologjike. Përbërësit e lëngut ndikonin në zgjerimin e enëve të gjakut dhe si rrjedhojë qarkullimin e gjakut me më shumë shpejtësi. Kjo ndihmonte në uljen e presionit të gjakut. Po ashtu perime të tjera përmbajnë nitrate në sasi të larta, si panxhari, përfshirë spinaqin dhe marulen (lakra jeshile). Kështu një grup shkencëtarësh në Londër, realizuan një eksperiment; ku disa njerëz duhet të pinin gjysmë litri lëng panxhari, ndërsa disa të tjerë të pinin gjysmë litri ujë. Personat të cilët kishin pirë lëng panxhari filluan të shfaqnin shenja të uljes së presionit të gjakut, vetëm pas pak orësh. Pas dy orëve enët e gjakut ishin zgjeruar dhe gjaku qarkullonte më lehtësisht.

Presioni i lartë i gjakut

Jo çdo rritje e tensionit është sëmundje. Për të kuptuar se çështë presioni i lartë i gjakut duhet më parë të dihen cilat janë vlerat normale të tij. Ato luhaten nga 80-100 mmHg (i larti-i tkurrjes së zemrës) me 50-70 mmHg(i ulëti-i lëshimit të zemrës) te fëmijët, duke arritur në 100-120 mmHg me 60-80 mm Hg tek më të rriturit dhe tek të moshuarit. Presioni i gjakut mund të tejkalojë shifrat normale gjatë një emocioni, pas një sforcimi fizik, pas pirjes së kafes, së alkoolit, duhanit, pas teprimit ushqimor, pas ekspozimit të papritur tek temperatura të ulëta ose qëndrimit të zgjatur të kokës në diell etj. Sidoqoftë, pas disa minutash apo orëve ai mund të rikthehet në normë me ose pa mjekim. Kur ky konstatim është rastësor, në jetën e një personi të kontrolluar rregullisht, bëhet fjalë për ngritje të presionit, por jo për sëmundje të presionit të lartë të gjakut. Kur shifrat e mbinormës janë konstatuar në matje të njëpasnjëshme (çdo vakt për disa ditë ose javë rresht) nuk bëhet më fjalë për çrregullim rastësor, por për sëmundje të presionit të lartë. Kur ngritja e presionit të gjakut pason shfaqjen e një sëmundjeje të veshkës, gjëndrave me derdhje të brendshme etj., ai konsiderohet shqetësim i saj dhe mund të normalizohet pas mjekimit të sëmundjes përkatëse me ilaçe ose në rrugë kirurgjike. Presioni i lartë i gjakut është një sëmundje e cila prek çdo ditë e më shumë njerëz, kryesisht të moshave të rritura. Megjithatë ai nuk përjashtohet as në të rinjtë, bile edhe tek fëmijët. Në ngritjen e tij ndikojnë disa faktorë si dieta, gjendja shpirtërore, kushtet e jetesës etj.

Shkaktarët

Kripa, kafeja, alkooli, duhani dhe droga janë armiqtë më të mëdhenj të shëndetit normal dhe provokatorët më të rrezikshëm të sëmundjes së presionit të lartë të gjakut. Dhjami, gjalpi, djathi dhe ëmbëlsirat, janë të këshilluara të merren në sasi sa më të vogël nga personat që nuk kryejnë veprimtari fizike. Kufizime duhen bërë edhe në brumëra. Mbajtja e peshës në shifra të përafërta me numrin e centimetrave që tejkalojnë 1 metër të lartësisë, do të ishte mjaft e preferuar dhe dobiprurëse në parandalimin e sëmundjes së presionit të lartë të gjakut etj. Angazhimi në veprimtari të ndryshme shoqërore, sportive, artistike etj. këshillohet për të gjitha moshat, sidomos pas daljes në pension dhe në rini.


Simptomat me të cilat shoqërohet presioni i lartë i gjakut:

- Dhimbje koke, sidomos në mëngjes
- Gumëzhitje të veshëve
- Marramendje
- Ndonjëherë del gjak nga hundët
- Depresion pa e ditur shkakun
- Personi është i shqetësuar dhe i irrituar
- Skuqje e fytyrës
- Ndjenja të fikëti

Bimët jeshile pastruese të gjakut

Për të pastruar gjakun nga përbërësit dhe elementet e dëmshme, mund të jenë të nevojshme një sërë kurash mjekësore. Një kurë e efektshme për të luftuar sëmundjet e gjakut është edhe ajo e përgatitur nga 250 gramë gjethe hithre, 10 gramë uthull dhe 10 gramë gjethe delli. Të gjitha këto vendosen në 1 litër ujë të ftohtë, ku qëndrojnë 12 orë. Pastaj zihen për 10 minuta, ëmbëlsohen sipas dëshirës me mjaltë dhe pastaj sërish mbyllen dhe qëndrojnë të mbyllura për 20 minuta. Kullohen dhe pihen gjatë tërë ditës me lugën e kafesë. Fiku është një frut, që përmban shumë karbohidrate, albuminë, yndyrë. Përdoret i freskët, i tharë dhe i përpunuar në produkte të ndryshme.

Shenjat tipike të presionit të lartë

Sëmundja e presionit të lartë të gjakut mund të mos japë asnjë shqetësim për pacientin edhe pse mund të jetë një vuajtës për kohë të gjatë. I vetmi kriter diagnostikues është matja me aparat të posaçëm me merkur (zhivë). Herë pas here vuajtësi mund të ndjejë shqetësime nga më të ndryshmet (si marramendje, trokitje të shpejta në bark dhe në kraharor, dhimbje koke, skuqje ose zbehje në fytyrë, pagjumësi, ankth, urinim të shpejtë etj), por jo tipike për këtë sëmundje. Këto bëhen më të shpeshta dhe më serioze në format e ndërlikuara, kur preken organe dhe sisteme si zemra, truri, veshkat etj. Dhimbja në brendësi të kraharorit, lodhja e shpejtë, çrregullimet e ritmit, të kujtesës, të gjumit. >

Bimët që mjekojnë bajamet e inflamuara

Sipas mitologjisë së vjetër greke, thuhet, që bleta "i ka shpëtuar" jetën Zeusit të Ri, pas një sëmundjeje, që ai pati. Zeusi ia dinte bletës, saqë për të shprehur respektin që ai kishte, e kultivoi atë edhe më tej. Megjithëse produktet e ëmbla shpesh nuk janë të rekomandueshme për shëndetin, mjalti mbetet ende ushqim i veçantë për shkak të vitaminës B, që përmban. Mjalti ka veti kuruese dhe dezinfektuese, jo vetëm ndaj infeksioneve të bajameve, por edhe ndaj sëmundjeve të tjera. Shumë mjekë popullorë e rekomandojnë mjaltin në përzierje me bimë të tjera mjekësore siç është sherebela. Çaji përftuar nga zierja e bimës së sherebelës ëmbëlsohet me mjaltë sipas dëshirës. Kjo kurë vazhdon deri në përmirësim të bajameve. Mjalti këshillohet nga mjekët edhe në gërvishtje të vogla të lëkurës, pasi përmban veti dezinfektuese për plagën. Mjalti përmban 14-20% ujë, sheqer, materie azotike, vitamina. Ndërkohë që 300 gramë sheqer, mund të krahasohen me 250 gramë mjaltë.

Bimet e sherebeles, këputja e arrave dhe boçet e hormoqit:

Një tjetër mënyrë për kurimin e acarimit të bajameve është edhe përzierja e disa bimëve. Në një raport 1 me 1, përzihen bimët e sherebelës, këputja e arrave dhe boçet e hormoqit. Nga këto përgatitet çaji, i cili ëmbëlsohet me mjaltë sipas dëshirës. Me çajin e përgatitur shpëlahet fyti (gargarë) për çdo 15 minuta.

Mëllaga e bardhë:

Një tjetër bimë që shërben për kurimin e bajameve është edhe mëllaga e bardhë. Pjesët që përdoren për këtë qëllim janë rrënjët e bimës. Pasi thahen, ato copëtohen dhe me to përgatitet çaji. Edhe ky çaj përdoret në formë gargare për shpëlarjen e fytit. Mund të përdoret sa më shpesh, në mënyrë që edhe efekti të jetë më i shpejtë.

Lule pjeshke:

Për përgatitjen e mjekimit të inflamacionit të bajameve, nevojiten 15 deri 30 gramë lule pjeshke, që më pas duhen zier në 500 ml ujë. Kjo masë pihet në formë çaji ose përdoret si gargarë. Për këtë qëllim përdoret edhe pluhuri i luleve të thara e të imtësuara të pjeshkës, i cili merret me majë të lugës për çdo përdorim.

Angjinarja:

Një tjetër mjekim për inflamacionin e bajameve është edhe përdorimi i bimës së angjinares. Angjinarja zihet mirë me gjithë gjethe. Me lëngun e përftuar prej tyre bëhen kompresa të ngrohta nga jashtë fytit. Kjo mënyrë përdoret për çdo 20 minuta. Shpesh acarimi i bajameve mund të shoqërohet me ngjirje të zërit dhe dhimbje të fytit. Për të sjellë sërish zërin në gjendjen e mëparshme, mjekësia popullore sjell një prej mënyrave të saj. Për këtë qëllim, merren 1 deri në 2 pika vaj dafine. Këto hidhen në shurup dhe më pas pihen. Shumë shpejt do të vihet re një përmirësim i dukshëm.

Kamomili:

Një nga bimët mjekësore, që ka gjetur edhe përdorim të shpeshtë për shërimin e disa sëmundjeve, është kamomili. Edhe në rastin e bajameve të acaruara ai mund të përdoret, duke u përgatitur me mjaltë. Masa e përftuar më pas mund të pihet në formë çaji deri në tri herë në ditë.


Duhanpirja pasive në fëmijëri lë shenjë gjithë jetën

Një grup shkencëtarësh kanë arritur të tregojnë se pirja pasive e duhanit, sidomos gjatë viteve të para të jetës së njeriut, shkakton probleme serioze në aparatin e frymëmarrjes. Studimi është kryer në Singapor dhe është punuar mbi një kamp prej 35.000 individësh në moshë madhore, që nuk pinin duhan. Nga analizimi i të dhënave ka rezultuar se të gjithë ata persona, që gjatë fëmijërisë kishin jetuar me prindër që pinin duhan, vuanin nga probleme që prekin aparatin e frymëmarrjes. Por ajo që duhet nënvizuar, është përfundimi se ata persona që kishin përdorur shumë fruta, sojë dhe ushqime të tjera që përmbanin fibra, kishin rezultuar më të mbrojtur nga disa efekte të dëmshme për shëndetin, që kishin si burim ekspozimin e parakohshëm ndaj tymit te duhanit. Studimi është kryer nga një grup studiuesish të « National Institute of Environmental Health Science » (NIEHS), « National Institute of Health », Universiteti i Minesotes dhe të « National University of Singapore » dhe është publikuar në faqen e Internetit në « Thorax ».“Ky studim sjell fakte të reja për tezën se, pirja pasive e duhanit gjatë viteve të para të jetës, shkakton probleme serioze mbi shëndetin, të cilat lënë shenëe gjatë gjithë jetës”, komenton David Schëarz, drejtor i “NIEHS”. Sipas studiuesve, një sasi prej 7,5 gramë fibrash në ditë (baraz me dy mollë), ndihmon për të lehtësuar kollën kronike, e shkaktuar nga ekspozimi ndaj tymit të duhanit, falë aftësisë së tyre për të ulur përqëndrimin e glukozit në gjak, për të ulur inflamacionin dhe favorizuar proceset antioksidante, duke mbrojtur organet e aparatit të frymëmarrjes. >

Llojet e çajit sipas shkakut të kollës

Kolla mund të jetë akute dhe kronike. Kolla akute zgjat deri në tri javë, ndërsa ajo kronike shkon deri në tetë javë. Kolla shkaktohet nga sëmundje të ndryshme si ftohja në mushkëri, bronkiti kronik, astma bronkiale ose sëmundjet alergjike. Lëngjet e frutave dhe çajrat e shumëllojshëm me prejardhje bimore japin efekte lehtësuese në rrugët e frymëmarrjes dhe në fyt, duke bërë që kolla të zbutet. Mjekët rekomandojnë pirjen në sasi të mëdha të këtyre lëngjeve, 2 deri në 3 litra në ditë. Gjithashtu ata këshillojnë që, të sëmurët që kanë kollë, të pijnë ujë të ëmbëlsuar me mjaltë. Sipas tyre kjo është një kurë mjaft e mirë për të larguar kollën.

Çaji i lulëkuqes:

Një bimë mjaft frytdhënëse në luftën kundër kollës së shkaktuar nga mushkëritë dhe pezmatimi i bronkeve është edhe lulëkuqja. Nga kjo bimë përdoren vetëm petalet e saj. Çaji i lulëkuqes pihet i ëmbëlsuar me mjaltë, sepse ai jo vetëm i jep ëmbëlsi çajit, por ndihmon edhe në përmirësimin e fytit. Petalet e bimës, pasi janë tharë, hidhen në gjysmë gote me ujë. Lihen për 30 minuta dhe nga lëngu i përftuar pihet 1 e treta e masës. Këto çajra shërbejnë edhe në rastet, kur kolla shoqërohet me gëlbazë, pasi e bëjnë më të lehtë nxjerrjen jashtë të saj përmes kollitjes.

Lulja e Blirit:

Një tjetër bimë që përdoret kundër kollës është edhe lulja e blirit. Mjekët këshillojnë të pihet 3 deri në 4 gota me çaj bliri në ditë nga njerëzit që kanë kollë. Efektet do të jenë të menjëhershme.

Fieri i Gurit:
Një tjetër mënyrë që përdoret nga mjekësia popullore për largimin e kollës është fieri i gurit. Çaji i përftuar nga fieri pihet çdo mëngjes nga një gotë.

Çokollata më e mirë se kodeina

Një grup shkencëtarësh kanë vërtetuar se çokollata është një ushqim mjaft e mirë kundër disa sëmundjeve. Merita i takon teobrominës, një substancë që ndodhet në farat e kakaos, e cila ka rezultuar se është më efikase se kodeina, një nga qetësuesit më të mëdhenj të kollës kronike. Kjo substancë vepron duke bllokuar aktivitetin e “nervit endacak”, që luan një rol kyç për shkaktimin e kollës. Studiuesit e kanë eksperimentuar substancën në 10 vullnetarë të shëndetshëm, ndërsa një grup tjetër ka marrë një dozë pa këto efekte. Për të vlerësuar efektin, më pas kanë matur nivelin e kapsaikinës, që shërben për të shkaktuar kollën, te grupet e ndryshme. E për të bërë të mundur që vullnetarët që kishin marrë teobrominën, të kolliteshin, është nevojitur një sasi më e madhe kapsaikine në krahasim me të tjerët. “Ky përbërës i çokollatës duket mjaft i mirë ndaj kollës dhe ajo që duhet nënvizuar, është fakti se nuk ka efekte anësore si trajtimet e tjera tipike që janë përdorur deri më sot”,- thonë studiuesit.

Cilat ushqime do t’ju mbrojnë nga gripi

Karota si truprojë
Duke marrë sasi të madhe të pemëve dhe perimeve të freskëta ngjyrë portokalli dhe të gjelbër, sikur që janë karota, kungulli, spinaqi dhe lakra, do të keni nivel optimal të vitaminës A në organizëm, i cili ruan integritetin e lëkurës dhe mukozës, duke penguar hyrjen në trup të mikrobeve, viruseve dhe shkaktarëve të tjerë të sëmurjeve.

Mishi i kuq forcon mukozën
Gjësendet ushqimore të pasura me proteina ndihmojnë në ruajtjen e funksionit normal të mukozës së veshëve, fytit dhe hundës, që paraqesin mbrojtjen e parë kundër sulmit të virusit. Mishi i kuq, ai i pulës, peshqit, vezët, produktet e qumështit, perimet, bishtajat, pemët me gëzhojë, farat dhe produktet nga soja përmbajnë të gjithë përbërësit e nevojshëm që e forcojnë epitelin e qelizave të mukozës, prandaj duhet të konsumohen të paktën një herë në ditë.

Speci, antioksiduesi më i fortë
Nëse tashmë ju ka sulmuar virusi, duhet ta dini se organizmi lufton kundër tij me rruaza të bardha të gjakut, ku prodhimin e tyre
e përshpejton vitamina C. Meqë kjo vitaminë nuk ruhet në organizëm, duhet që ta merrni në sasi të mëdha me ushqime. Speci, majdanozi, lulelakra, perimet me fletë, bizelet, portokalli, mandarina... janë disa nga ushqimet me vitaminë C.
Sardelet mbrojnë nga
ftohja
Qelizat T janë, po ashtu, të rëndësishme për luftimin e viruseve. Zinku është elementi kyç për krijimin e këtyre qelizave. Sapo të bjerë niveli i zinkut në organizëm, organizmi bëhet më i ndjeshëm ndaj infeksioneve, ftohjes dhe gripit.
Burim natyror i zinkut janë sardelet, mishi i lopës, spinaqi, etj.

Të kuqtë e vezëve forcojnë organizmin
Hekuri është minerali i dytë për nga rëndësia, kur bëhet fjalë për imunitetin. Pa praninë e tij, organizmi nuk mund ta absorbojë oksigjenin. Mungesa e tij shkakton dëmtim të sistemit imunitar.
Ushqimet që kanë zink, kanë edhe hekur, por ky mineral më së shumti gjendet në të kuqtë e vezëve, në bukën e vrugtë, lakër, etj.

Hudhra mbyt viruset
Hudhra përmban substancën e quajtur alicinë, e cila lirohet me
rastin e shtypjes, apo grirjes së hudhrës. Studime të shumta kanë treguar se kjo substancë eliminon aftësinë e virusit që t’i sulmojë qelizat e organizmit, apo që t’i dëmtojë ato. Hudhra, po ashtu, forcon edhe imunitetin.

Turshitë, të shëndetshme
Me gjithë disa studime që më parë thoshin se turshitë nuk janë ushqim i preferuar, kohëve të fundit gjithnjë e më shumë ka ekspertë që thonë se ato janë burim i dobishëm i vitaminave gjatë dimrit. Natyrisht, kjo vlen për turshitë që nuk përmbajnë konservues, apo aditivë.
Po ashtu edhe sasia e kripës nuk guxon të jetë e madhe. Apo, turshitë shpëlajini para se t’i hani, ngase kripa shkakton ngritjen e shtypjes së gjakut. >

Ripërtëritja e gjakut me hurma dhe karota
Mungesa e hekurit është shkaku më i shpeshtë i anemisë, madje e rastet shfaqjes së saj janë më të shpeshta tek femrat dhe kjo për shkak të menstruacioneve (që natyrisht shoqërohen me humbje gjaku dhe me humbje hekuri). Në moshat e mëdha, anemia nga mungesa e hekurit ka mundësi të jetë pasojë e kancerit në gjak, ndërkohë që tek fëmijët mundet që mungesa e hekurit të jetë pasojë e sasisë të pamjaftueshme në dietë.

Shenjat

Lodhje, takikardi, zbehje, gjuhë e lëmuar, thonj të deformuar dhe të thyeshëm (koilonychia). Në ekzaminimin e gjakut periferik shihen eritrocite të vogla dhe me pak hemoglobinë. Niveli i hekurit në serum është i ulët. Niveli i transferinës (njihet edhe si TIBC - angl: total iron binding capacity) është i rritur. Biopsia e palcës të kockave është analiza më e besueshme për sasinë e hekurit në organizëm. Mjekët këshillojnë që në këtë rast, kjo mungesë të trajtohet me sulfat hekuri, 325 mlg 3 herë në ditë. Efekti fillon e shfaqet pas 1 jave dhe niveli i hemoglobinës normalizohet brenda 2 muajsh. Anemia mund të jetë sideroblastike dhe në këtë rast karakterizohet nga prania e sideroblasteve. Sideroblastet janë qeliza eritrocitike që kanë një unazë “prej hekuri” në citoplazmë. Ajo shkaktohet nga eritropoeza joefektive. Shkaqet kryesore të shfaqjes së sëmundjes janë alkoolizmi kronik, barnat (shpesh izoniazidi) dhe defektet gjenetike. Si çdo anemi tjetër shenjat më të dukshme janë lodhje, takikardi, zbehje, etj. Diagnoza kryesore është niveli i hekurit në serum është i rritur. Niveli i transferinës (TIBC) mund të jetë normal ose i rritur. Niveli i ferritinës është i rritur. Në biopsinë e palcës të kockave shihen sideroblastet. Sipas mjekëve specialistë, kjo sëmundje mund të trajtohet me piridoksinë (vitaminë B6).

Këshillat për mënyrën e ushqyerjes

Këtyre të sëmurëve u këshillohet përdorimi i frutave të freskëta, që përmbajnë vitaminë C, e cila ndihmon në absorbimin ose marrjen e hekurit. Nëse pinë kafe, çaj, kakao apo edhe lëngje të tjera, që përmbajnë kafeinë, duhet ti marrin dy orë para ose pas ushqimit, sepse vështirësojnë absorbimin e hekurit. Për kurimin e kësaj sëmundjeje, në mjekësinë popullore përdoren pothuajse të gjitha pjesët e bimës, frutat, gjethet, degët, rrënjët etj. Në vendet arabe është ushqim kryesor, i cili shuan urinë për shkak të përbërjes së celulozës. Hurmat kanë gjetur përdorim të mirë kundër Anemisë. Gjithashtu karota është e pazëvendësueshme për shëndetin e njeriut. Lëngu ditor i karotës në sasi prej 50-150 gr. është ilaç efikas te të sëmurët, që vuajnë nga Anemia. Karota në periudhë rekord e rregullon pastrimin e gjakut. Rrepa e kuqe, u këshillohet pirja çdo ditë e 150 ml. lëng të rrepës së kuqe, para buke, apo të konsumohet sa më shpesh domatja. Duhet të marrin, gjithashtu, çdo ditë 10 - 15 fruta të mandarinës për një kohë prej 20 - 25 ditë.

Anemia shfaqet 7 muajt e parë të jetës

Simptomat shfaqen pas muajit 6-7 të jetës (në 6 muajt e parë bebja ka akoma hemoglobinë fetale alfa2gama2). Tiparet e tjera klinike përfshijnë splenomegalinë, hemopoezën ekstramedulare. Lëng shalqiri dhe mjaltë për të luftuar sëmundjen, sipas mjekësisë moderne, një tjetër mënyrë për kurimin e të sëmurëve me anemi është edhe pirja e tri lugëve të vogla në ditë nga masa e përftuar me shalqi, karafil, mastikë dhe sheqer. Disa prej kurave të përgatitura me bimë mjekësore përdoren edhe për shërimin e sëmundjes së anemisë ose pagjakësisë. Anemia vjen shpesh pas një gjakderdhjeje të madhe dhe të fuqishme, mirëpo çrregullime mund të vijnë edhe si pasojë e ushqimit të dobët dhe të keq. Të sëmurët anemikë duhet të konsumojnë ushqime të shumëllojshme dhe të pasura me hekur, si mish, peshk, vezë, perime, fruta etj.


Shenjat e sëmundjes

1-Lodhje
2-Takikardi
3-Zbehje

Ushqimet

1-Anemikët duhet të konsumojnë fruta më vitaminë C
2-Anemikët duhet të konsumojnë spinaq dhe barëra jeshile
4-Anemia shkaktohet si pasojë e një ushqimi të keq
5-Anemikët duhet të pinë 150 gram lëng karotash në ditë
6-Çajin, kakaon dhe kafen duhet ti marrin tri orë përpara se të hanë, pasi ndryshe vështirëson tretjen.
7-Pacientët duhet të pinë çdo ditë 150 ml. lëng të rrepës së kuqe, para buke.
8-Këshillohet të konsumohet sa më shpesh domatja
9-Të sëmurët duhet të marrin, gjithashtu, çdo ditë 10 - 15 fruta të mandarinës për një kohë prej 20 - 25 ditë.

Zbulimi Lulelakra dhe lakra e bardhë mbrojnë nga kanceri në prostat
Zbulohet arsyeja se përse lulelakra dhe lakra e bardhë mbrojnë nga kanceri në prostat. Duket se veprimi i tyre varet nga një substancë, indolokarbinoli (I3C), e cila trasformohet gjatë tretjes në diindolilmetano (DIM). Ky produkt është eksperimentuar mbi qelizat tumorale të prostatës të rritura në pruvet, dhe ka treguar se arrin të përthithë proliferazionet.Sipas studiuesve që janë marrë me këtë studim, efekti anti-kancerogjen i DIM varet nga aftësia e tyre për tiu kundërvënë hormoneve seksuale mashkullore. Leonard Bjeldanes dhe Gary Firestone, i “College of Natural Resources” pranë Universitetit të Kalifornisë të Berkeley, kanë eksperimentuar DIM mbi qelizat tumorale të prostatës njerëzore. Rezultatet kanë treguar se përthithej me rreth 70% dyfishimi i qelizave të hequra nga tumori, të ndjeshme ndaj androgjenit. Ndërkohë, nuk ka patur asnjë lloj efekti nëse qelizat merreshin nga tumori i prostatës të pandjeshëm ndaj hormoneve mashkullorë. Aftësia anti-androgjene e DIM është konfirmuar nga pjesa e dytë e studimit, që ka zbuluar se si DIM arrin të ulë prodhimin e antigjeneve specifikë të prostatës (PSA), një proteinë që prodhohet si përgjigje ndaj diidrotestosterone (DHT) që stimulon zhvillimin e kancerit në prostat. E, sipas studiuesve, DIM vepron drejtpërdrejt në ADN. Studiuesit kanë nënvizuar se DIM është përbërja e parë me origjinë bimore, që është në gjendje ti kundërvihet androgenic

Kura më natyrale e kollës tek fëmijët



Keni lexuar informacione të panumërta në lidhje me efektet anësore të ilaçeve anti-grip që u jepen fëmijëve. Kjo është dhe arsyeja që shumë nëna dhe baballarë preferojnë të zgjedhin alternativa të mbështetura tek bimët për të kuruar kollën e fëmijëve.
Sipas një lajmi të dhënë në adresën Ehow.com theksohet se kurat natyrale shërbejnë njëlloj si ilaçet në kurimin e kollës. Në shkrimin në të cilin theksohet se për të mësuar arsyen e kollës së fëmijës suaj dhe para se të përdorni metodat natyrale e mira është që ta kontrolloni tek doktori, në të njëjtën kohë thuhet se kurat natyrale nuk janë për ta shëruar krejtësisht kollën, por përdoren për të qetësuar fëmijën.
Ja ç’mund të bëni për të zbutur kollën e fëmijës suaj:

1- Jepini fëmijës shumë lëngje:
Për të ekuilibruar nivelin e ujit jepini çaj të ngrohtë, supë, ujë dhe lëngje frutash. Kjo gjë e ndihmon fëmijën tuaj që nëpërmjet lëngjeve të konsumuara të nxjerrë jashtë sa më lehtë sekrecionet. Në të njëjtën kohë ndihmon në mbrojtjen e trupit nga toksinat.

2- Zbutjani fytin me një përzierje të mjaltit me qepë:
Kjo përzierje ka efekt anti-inflamator duke lehtësuar bllokimin në mushkëri të fëmijës dhe ngadalëson të kollën e shpeshtë. Për të përgatitur këtë përzierje merrni një qepë të thatë , ndajeni në copa të vogla dhe përziejeni me një lugë mjaltë dhe një lugë kafe gjethe trumëze. Përzierjen vendoseni në tenxhere dhe ngroheni derisa të zbutet. Pjesën tjetër vendoseni në frigorifer dhe përdoreni kur të doni. Kjo kurë është për fëmijë të rritur. Foshnjave nën moshën një vjeç mos i jepni asnjëherë mjaltë për arsye se mund të shkaktojë botulizmin tek ato.

3- Pakësoni infeksionet në mushkëri duke përdorur kurat bimore për kollën:
Një lloj myshku (alge) I cili gjendet vetëm në oqeanin Atlantik dhe Paqësor ndihmon në ruajtjen e lagështirës në mushkëri dhe pakëson krijimin e sekrecioneve. Bambu është një bime tjetër e cila pastron mushkëritë duke penguar ballgamin dhe pakësuar infeksionin. Qershia dhe mani përdoren shumë si kurime bimore në shërimin e ftohjes dhe kollës.

4- Njomeni ajrin për të pakësuar të kolliturat:
Bëni të mundur që fëmija juaj të thithë ajër të lagësht duke hapur dushin apo njomësin. Përveç kësaj mbylleni derën e banjës dhe mbajeni në ajër të lagësht për disa minuta.

Shumëkush nga ne duhet të tregojë kujdesin e duhur për shëndetin e tij. Kështu mund të shmangni probleme të ndryshme shëndetësore dhe të shtoni disa vjet në jetën tuaj. Në qoftë se ndiheni të lodhur nga dietat për të rënë nga pesha dhe për të mbajtur trupin në formë duhet të ndaloni duhanin dhe t’i përkushtoheni gjimnastikës.

1- Piqni një biftek
Mund të mendoni se kjo do të ishte e dëmshme për zemrën tuaj, por nuk është e vërtetë. Bifteku përmban elemente që rrisin imunitetin e organizmit, sepse përmbajnë selenium dhe vitaminë Be, e cila ul rrezikun e ndonjë sëmundjeje. Nëse ai nuk është shumë i yndyrshëm, atëherë është i shëndetshëm për zemrën, duke i siguruar organizmit yndyrat e ngopura në masën e nevojshme pa e tepruar.

2- Hidhni cigaret
Njerëzit të cilët janë të ekspozuar ndaj duhanit apo gjenden shpesh në ambiente ku pihet duhan, qoftë edhe për vetëm 30 minuta tre herë në javë, janë 26 për qind më të rrezikuar për të shfaqur sëmundje të zemrës, të cilat mund të shfaqen edhe te personat duhanpirës të dorës së dytë, por me një rrezikshmëri më të ulët.

3- Merrni aspirina
Konsumimi i rregullt i aspirinës ul dhe zvogëlon rrezikun e shfaqjes së sëmundjeve koronare të zemrës. Ajo shfaqet si mbrojtëse në 28 për qind të rasteve tek personat të cilët kanë kaluar atak kardiak.

4- Pini më shumë çaj
Meshkujt të cilët pinë dy filxhanë çaj në ditë janë 25 për qind më të mbrojtur nga sëmundjet e zemrës dhe vdekja e parakohshme për shkak sëmundjesh të ndryshme apo ataku kardiak, sesa ata meshkujt të cilët nuk konsumojnë çajin. Kjo ndodh për faktin se te çaji gjenden përbërës, të cilët jo vetëm rrisin aftësinë e qelizave për t’u relaksuar dhe për t’u ulur tensioni i gjakut, por shmang dhe redukton mpiksjen e gjakut.

5- Prekni partnerin/en
Dhjetë minuta kontakt i drejtpërdrejtë lëkurë më lëkurë me partnerin apo partneren tuaj, ndihmon për të mbajtur presionin e gjakut në nivele normale dhe pulsin normal, qoftë edhe gjatë situatave stresonte, kohës kur ju jeni i mërzitur, apo kur ndiheni në ankth. Një prekje duarsh, një përqafim, një puthje, do ngrinte nivelin e hormoneve në gjak.

6- Konsumoni peshkun
Mishi i peshkut përmban omega-3, e cila forcon muskujt e zemrës, ul presionin e gjakut, parandalon mpiksjen e gjakut, duke shmangur vdekjen nga inflamacioni apo dëmtimi i enëve të gjakut apo muskujve të zemrës.

7- Martohuni
Meshkujt e martuar kanë më pak mundësi të vdesin nga sëmundjet e zemrës, në krahasim me beqarët. Shkencëtarët kanë treguar se gjatë vëzhgimit të një burri të martuar me nivel normal të presionit të gjakut, pas tre vjet martese të lumtur, ai kishte një zemër më të shëndetshme se më parë, po ashtu krahasuar edhe me një mashkull të pamartuar i gjendur në të njëjtat parametra të presionit të gjakut.
8- Konsumoni fibra
Nëse doni të jeni energjikë gjatë gjithë ditës, filloni me “fibra” që në mëngjes. Është provuar se fibra rrit nivelin e energjive, ka një efekt pozitiv në funksionimin e organeve. Ju mban në formë për një kohë të gjatë dhe gjithashtu nuk ndikon në shtim të peshës.

9- Kujdesuni për dhëmbët
Nëse doni të shmangni sëmundjet e zemrës filloni nga kujdesi për dhëmbët. Eksperti amerikan i dhëmbëve, Dr. Kennet Bueltman, thotë se femrat që bëjnë “floos” në dhëmbët e tyre më shumë se dy herë në ditë, kanë një buzëqeshje të bukur. Një infeksion i gojës, nënkupton bakterin i cili futet në gjak, kontribuon jashtëzakonisht në sëmundjet e zemrës, diabetin dhe në rrugët e frymëmarrjes. Një rrezik përbën edhe kur je shtatzënë.

10- Konsumoni acid folik
Nëse doni të mbroni trurin tuaj, konsumoni acid folik. Nëse nuk keni një nivel normal të acidit folik në dietën tuaj, jeni të rrezikuar nga shfaqja e Alzheimerit, thekson shkencëtari amerikan Xhudi Adams. “Acidi folik gjithashtu redukton rrezikun e kancerit, si dhe rregullon nivelin e homocisteinës, një aminoacid që lufton sëmundjet e zemrës dhe e forcon atë. Agrumet janë një ushqim po aq i dobishëm sa dhe buka apo brumërat.

Çfarë duhet të bëni për të pasur një zemër të shëndetshme

Sipas një lajmi të revistës “Reader’s Digest”, thuhet se për të kontrolluar faktorët e sëmundjeve të zemrës duhet të ndryshoni në drejtim pozitiv zakonet ose veset tuaja negative.
1. Stresi dhe agresiviteti: Shumë njerëz nuk ia kanë idenë faktit se dëmtojnë shëndetin e zemrës duke u stresuar shumë. Stresi kronik është shok i sëmundjes koronare të zemrës. Stresi është shkaktar i një niveli të pakontrolluar të kolesterolit dhe hipertensionit. Nëse shpeshherë ndiheni keq, atëherë ka ardhur koha të luftoni me stresin tuaj. Studimet tregojnë se edhe agresiviteti është një lajmëtar i sëmundjeve të zemrës.
2. Konsumimi i duhanit: duhani është shkaktar i një ndër pesë vdekjeve nga sëmundjet kardiovaskulare. Duke ulur kolesterolin, vështirëson qarkullimin e gjakut dhe dëmton damarët e tij duke ndikuar në presionin e gjakut. Përveç kësaj theksohet se konsumimi i duhanit është e lidhur me rezistencën e insulinës dhe sindromën metabolike.
3. Mungesa e ushtrimeve: Për të pasur një zemër të shëndetshme duhet të lëvizni më shumë. Nëse trupi nuk djeg kaloritë e duhura atëherë ata kthehen tek ju si kile të tepërta. Dhe kjo nënkupton një triglicerid më të lartë dhe një kolesterol jo të mirë. Ky është një lajm i keq për zemrën tuaj. Fondacioni Amerikan për shëndetin e zemrës mbështet ushtrimet aerobike dhe thekson se bërja e 20-30 minuta ushtrimeve në ditë ul rrezikun e sëmundjeve kardiovaskulare.
4. Kujdes të ushqyerit: Një ushqim i shëndetshëm nuk është vetëm porositja e një sallate për drekë. Studiuesit na tërheqin vëmendjen se për një zemër të shëndetshme duhet të konsumohen drithërat, lajthitë, lëngjet e frutave, madje dhe çokollatë. Duke u informuar më shumë rreth zgjedhjeve për një ushqim të shëndetshëm, mund të formoni një mur mbrojtës ndaj ushqimeve me kripë, sheqer apo yndyrë.
5. Kujdes nga kilet e tepërta: Sipas Fondacionit Amerikan për shëndetin e zemrës, problemi i kileve të tepërta të shfaqur në vend është shkaktar i vdekjes së 112 mijë personave në vit. Sëmundjet e zemrës shfaqen më shumë tek personat me kile të tepërta ose obezë. Kilet e tepërta rrisin presionin e gjakut , trigliseridin tuaj, ulin kolesterolin dhe rrisin rrezikun e shfaqjes së sëmundjeve serioze për shëndetin si diabeti apo kanceri. Nëse në peshore shihni një numër problematik kilogramësh, atëherë duhet të ndryshoni menjëherë mënyrën e të ushqyerit dhe të filloni ushtrimet. Nëse do të keni nevojë për ndihmë, kontaktoni doktorin apo dietologun.

Vitamina D i jep trupit forcëVitamina D i jep trupit forcë

Të gjithë e dimë se sa janë për ne të domosdoshme vitaminat, por ajo që tani studiuesit kanë zbuluar për vitaminën D është thjesht e pabesueshme. Nga të gjitha vitaminat ai na ofron mbrojtjen më të mirë, nga koka deri te thembra. Për fat të keq, 90 për qind e femrave nuk kanë sasi të mjaftueshme në gjak. Depresioni i vjeshtës shpesh është pasojë e mungesës së kësaj vitamine, e cila nuk është vështirë të konstatohet.

Na përmirëson
gjendjen shpirtërore
Më së shumti vitaminë D krijohet në lëkurë, nën ndikimin e rrezeve ultravjollce nga drita e diellit. Sa më shumë vitaminë D lëkura prodhon, aq më mirë do të jemi me disponimin. Arsyeja: kjo substancë e rëndësisë jetësore nxit prodhimin e hormonit të lumturisë, siç është serotonina.

Jep forcë
Pa vitaminë D nuk do të mundnim të lëviznim. Muskujve tanë i nevojitet kjo vitaminë, në mënyrë që të mundë të zhvillojnë forcën. Pa këtë super-vitaminë muskuj nuk do të mundë të zhvilloheshin. Për organizmin tonë është i domosdoshëm në mënyrë që të prodhojë albumina nga të cilat krijohen qelizat e muskujve.

Jep vitalitet
Një studim i ri amerikan tregon se përkrah sasisë së mjaftueshme të vitaminës D më me efikasitet humben kilet e tepërta. Studiuesit supozojnë se vitamina D e mundëson këmbimin optimal të sheqerit dhe yndyrës. Pjesëmarrësit e studimit kanë djegur më shumë kalori nëse kanë pasur më shumë vitaminë D në gjak. Kjo vitaminë, para se gjithash, kontribuon në shkrirjen e dhjamit të pashëndetshëm në stomak.

Mbron nga
shumë sëmundje
Kanceri: Vitamina D pengon zgjerimin e pakontrolluar të qelizave dhe e ngadalëson rritjen e qelizave të rrezikshme. Nëse tumori tashmë është paraqitur, pengon krijimin e enëve të gjakut që e furnizojnë tumorin me gjak. Përveç kësaj, vitamina D e vështirëson zgjerimin e tumorit (metastazën). Mbrojtje efikase është treguar në rastet e kancerit të gjirit, qafës së mitrës, lukthit dhe zorrëve.
Diabeti: Falë vitaminës D, qelizat absorbojnë më mirë sheqerin si burim i energjisë. Në këtë mënyrë ai e rregullon nivelin e sheqerit në gjak dhe e ul rrezikun nga diabeti për 80 për qind.
Infarkti: Edhe enët e gjakut reagojnë në vitaminën D. Ajo u jep elasticitet dhe i mbron muret e brendshme nga inflamacionet. Përveç kësaj, mund ta përmirësojë edhe qarkullimin e gjakut. Në këtë mënyrë pengon mbylljen e enëve të gjakut dhe shtypjen e lartë të gjakut dhe me këtë e zvogëlon edhe rrezikun nga infarkti

Perime dhe arra për të ndaluar Parkinsonin


Rendesia e Vitamines E.... Nuk kanë vetëm efekt antioksidant. Efekti mbrojtës i fruta-perimeve ndaj sëmundjes së Parkinsonit, nuk lidhet vetëm me praninë e vitaminës E dhe ndaj efektit të përgjithshëm antioksidant, por dhe prej disa substancave të tjera. Një studim i kryer nga një grup studiuesish amerikanë, i kryer mbi një kampion prej më tepër se 100 mijë personash të ndjekur për gati 13 vjet, i publikuar në revistën “Neurology”, hedh hipotezën se perimet mbrojnë neuronet falë disa substancave që lidhen me vitaminën E. Shumin Zhang, specialist pranë “Harvard School of Public Health” në Boston, ka ekzaminuar dietën e një kampioni prej 77 mijë grash dhe 47 mijë burrash, prej të cilëve 371 vuanin nga Parkinsoni. Analizat kanë treguar se përdorimi i integratorëve dietikë që përmban vitamina E (edhe në doza të mëdha), vitamina C ose karotenoidet, nuk kishin asnjë efekt mbi rrezikun e zhvillimit të sëmundjes së Parkinsonit. Ndërsa probabiliteti për tu sëmurur ulej ndjeshëm nëse përdoreshin perime që përmbanin vitamina E, ose arra (që janë burim i vitaminës E). Kush konsumonte të paktën 5 herë në javë këto produkte kishte një propabilitet më të ulët për tu prekur nga sëmundja sesa ata që i konsumonin vetëm një herë në muaj. Sipas Zhang, këto të dhëna sugjerojnë se efekti mbrojtës i këtyre perimeve nuk varet nga antioksidantët që përmbajnë, por lidhet me substanca të tjera, ende të paidentifikuara, që nuk lidhen me vitaminën E. Ky rezultat duket të kundërshtojë hipotezën e hedhur nga studime të mëparshme, se Parkinsoni shkaktohet nga shtimi i proceseve oksidante.

Ushqimet që forcojnë kujtesën

Pas kalimit të moshës 50- 60-vjeçare shfaqen edhe problemet e para me kujtesën dhe me lidhjen mes imazheve e mendimeve. Këto probleme mendore janë në një masë edhe të trashëguara, por mund të ndikojnë edhe një sërë faktorësh. Për të shmangur humbjen e kujtesës dhe për të pasur mendje të freskët studiuesit sjellin gjashtë këshilla praktike për tu zbatuar.
1- Frekuentoni palestrën
Më tepër se 60 për qind e njerëzve nuk i praktikojnë ushtrimet dhe aktivitetin fizik. Ky është rezultati i publikuar nga qendra Disease Control. Ky veprim është i dëmshëm sepse mungesa e ushtrimit fizik do të shfaqej me pasoja negative për shëndetin. Probleme do të shfaqeshin jo vetëm në mirëqenien fizike, por edhe atë mendore. Palestra dhe aktiviteti fizik bëjnë që organizmi të nxit disa neurone të reja të cilat ndikojnë në pjesë të veçanta të trurit dhe janë përgjegjëse për kujtesën.
2- Përdorni kompjuterin
Mjetet programuese dhe kompjuterët tashmë kanë hyrë në përdorim të gjerë thuajse nga të gjitha grupmoshat. Nga studimet e bëra ka rezultuar se përdorimi i kompjuterit ka ndihmuar shumë persona që kanë kaluar dëmtime të trurit apo probleme me kujtesën. Loja Sudoku ndihmon të mbani të freskët mendjen dhe kujtesën tuaj.
3- Faktorët ushqimorë
Edhe ushqimi dhe dieta e përditshme luan një rol të pazëvendësueshëm në mirëqenien mendore. Studimet kanë treguar se Omega-3, janë përbërës të yndyrshëm të cilët gjenden me bollëk tek farat e lirit, arrat, lajthitë, salmoni, soja dhe shumë ushqime të tjera; janë të njohur jo vetëm si stimulues të gjendjes së humorit por edhe ndihmojnë në përqendrim në punë dhe aktivitete të ndryshme mendore.
4- Konsumoni Acid Folik
Kërkimet e publikuara vitin e kaluar në British Medical Journal, treguan se personat e rritur të moshës nga 50 deri në 70 vjeç, të cilët konsumojnë rreth 800 mg acid folik në ditë për rreth tre vjet, kanë një kujtesë më të freskët dhe nuk rrezikojnë të humbin kujtesën.
5- Konsumoni alkoolin në masën e duhur
Shpesh herë ndjeni që truri juaj është i lodhur, madje një sërë mendimesh sillen turbull në kokën tuaj, atëherë nuk është keq që të pini një gotë pijë alkoolike në masën e duhur. Pas studimeve të bëra më një grup personash mbi moshën 50 vjeç me probleme me kujtesën dhe aftësitë njohëse, rezultoi se ata persona të cilët konsumonin një gotë verë në ditë kanë një progres më të ngadaltë të humbjes së kujtesës në krahasim me ata persona që ishin antialkool. Megjithatë është e këshillueshme të mos kalohet masa në konsumimin e alkoolit sepse përdorimi i tepërt i tij kthehet në faktor rreziku për shëndetin.
6- Relaksohuni
Të gjithë ata persona që gjenden nën ndikimin e theksuar të stresit kanë nevojë për relaks, për të larguar hormonet të cilët shkaktojnë këtë gjendje të padëshiruar. Relaksi është një mënyrë e suksesshme për të menaxhuar dhe shmangur stresin.

Personat që kanë probleme me kujtesën

Me kalimin e moshës shfaqen simptoma të ndryshme të cilat tregojnë se një person ka probleme me kujtesën. Këto simptoma nuk janë të qarta sepse mund të duken krejt normale në disa situatat ose duke u bazuar në faktin se ka të bëjë mosha. Rreth 85 për qind e gjashtëdhjetëvjeçarëve në të gjithë botën vuan nga humbja e kujtesës. Kjo përbën një nivel epidemiologjik shumë të lartë. Ka raste kur sëmundja e kujtesës e njohur si sindroma Alzheimer lind edhe para moshës 65-vjeçare, por këto raste janë të rralla dhe karakterizohen nga histori të veçanta. Sistemet shëndetësore të vendeve perëndimore kanë humbje shumë të mëdha prej kësaj sëmundjeje.

Kujtesa jonë dhe marrja e informacioneve

Disa gjëra nuk mundemi ti kujtojmë sikur të mos kishin qenë kurrë, kurse të tjerat na ndjekin dhe është e pamundur të lirohemi prej tyre. Si funksionon kujtesa jonë? Së pari zhvillohet futja e informacioneve të reja. Është vështirë të kujtohet informata, të cilën e kemi perceptuar keq. Shumë njerëz ankohen për kujtesë të dobët, për shkak të mangësive të disa shqisave. Shikimi i keq ose të dëgjuarit e dobët mund të jenë faktorë kufizues për marrjen cilësore të informacioneve. Kujtesa e mirë, përveç të tjerash, kërkon gjumë të mirë. Shkenca ende nuk i ka zbuluar fshehtësitë lidhur me trurin dhe funksionimin e tij, kurse kujtesa e jashtëzakonshme, deri në hollësitë më të vogla, është njëra prej fshehtësive të tilla. >

Stresi, si e godet zemrën dhe sistemin imunitar

Stresi mund të ketë një ndikim serioz në shëndetin tuaj, sidomos nëse ai bëhet kronik. Ai godet zemrën dhe qarkullimin e gjakut, sistemin nervor dhe atë imunitar. Shkakton dhimbje gjymtyrësh, ankth e vështirësi në të kuptuar. Të gjitha këto shkaktojnë probleme të dobësimit të arterieve të gjakut, diabetit, astmës, probleme në marrëdhëniet me njerëzit dhe sjellje e vakët në shkollë apo punë. Kur ju jeni të stresuar, trupi juaj çliron hormone që shpeshtojnë frymëmarrjen dhe rrahjet e zemrës, dhe japin një vërshim energjish. I gjithë trupi përgatitet të përballet me rrezikun. Kjo njihet si "lufta për luftë", reagimi në gjendje stresi. Ky reagim në fakt varet nga situata ku ndodheni, kur situata stresuese kalon, trupi kthehet në gjendjen e tij normale.
Pagjumësia mund të shkaktojë ndalimin e qelizave të reja në tru, sipas sugjerimit të një studimi. Një grup studiuesish zbuloi se pagjumësia ndikon në atë që në gjuhën mjekësore quhet Hipocampus dhe shpjegohet të jetë rajon i trurit që ka të bëjë me krijimin e memories. Studimet e kryera rreth formimit të trurit tregojnë se ato që sjellin efekte në tru janë pikërisht hormonet e stresit. Një ekspert anglez tha se do të ishte shumë interesante të shihej se si edhe gjumi shumë i shkurtër ka të njëjtin efekt. Studimet treguan se niveli i rritur i hormoneve të stresit, i krijuar nga pagjumësia ose gjumi i pjesshëm, shpjegon reduktimin e prodhimit të qelizave në trurin e të rriturve. Megjithatë, niveli i nervave nuk prishet edhe për një periudhë pagjumësie.

Lëndët e nevojshme ushqimore për trup pa sëmundje

Disa ushqime është e këshillueshme të konsumohen vazhdimisht, e disa prej tyre më rrallë sepse mund të sjellin shëndet të tepërt. Gjatë ditës me anë të ushqimit merren gati 3000 kalori dhe këto bëjmë që të keni një bark jo estetik. Por kaloritë mund të kontrollohen. Disa ushqime përmbajnë më tepër kalori e disa më pak. Nga studimet është vërtetuar se gratë të cilat konsumojnë 400 kalori më pak se normalja dhe zgjedhin produkte sa me të ushqyeshme kanë rrezikun më të lartë për obezitet, sesa ato gra të cilat hanë më shumë por në variante sa më të ndryshme ushqimesh. Mungesa e varieteteve në konsumimin e ushqimit rrit rrezikun e prekjes nga shumë sëmundje shëndetësore shumë serioze, siç janë dy tipat e diabetit, sëmundjet e ndryshme të zemrës etj. Por, jo gjithmonë është e nevojshme të praktikohet një dietë me sa më pak ushqime. Trajtimi i mbipeshës apo obezitetit duhet të synojë rënien e masës dhjamore të depozituar në trup. Dietat e shpejta të pakontrolluara shkaktojnë rënien e masës muskulore dhe ruajnë të paprekur masën dhjamore. Nga ana tjetër, dietat e pakontrolluara krijojnë në organizëm një suficiencë me përbërës të tjerë ushqyes, për të cilat organizmi ka nevojë të kryejë të gjitha funksionet e tij jetësore, çka bën që të shkaktohet mosfunksionimi korrekt i tij. Një nga rastet e një mënyre të tillë të ushqyeri jokorrekt, është edhe ideja e mospërzierjes së karbohidrateve dhe proteinave. Mjafton që të konsumohen përherë ushqimet e duhura, sipas një strategjie të caktuar për të pasur një trup sa më perfekt dhe një jetë sa më të shëndetshme.

1- Konsumoni fruta dhe perime
Është e shëndetshme që të konsumohen çdo ditë sa më shumë fruta dhe perime. Veçanërisht portokallet. Shpesh herë konsumimi i drithërave, brumërave dhe sheqerit sjell një mbingopje të organizmit me karbohidrate. Prandaj këshillohet ët konsumohem frutat dhe perimet të paziera mirë, duke qenë të pasura me vitamina dhe betakarroten, ato janë antioksidantë të fuqishëm që ndihmojnë në uljen e barkut. Pjepri, pjeshka, karota dhe kungulli janë të pasur më betakarroten, ndërsa portokalli, kivi janë të pasura me vitaminë K.

2- Merrni sa më shumë selen
Minerali i selenit është një ndihmës i mirë në luftën kundër kancerit, obezitetit dhe mbipeshës. Personat të cilët kanë të ulët nivelin e selenit në gjak apo antioksidantëve të tjerë, kanë një bel më të trashë se ata persona që kanë një nivel më të lartë seleni. Seleni gjendet te shumë ushqime por është e vështirë të dihet nëse konsumohen 55 mcg e rekomanduara në ditë. Kështu seleni gjendet të drithërat, djathi dhe arrat.

3- Shtoni ushqimet e pasura me proteina
Të hani një ushqim sa më të pasur me proteina ju jep shumë energji. Por konsumimi i tepruar mund të sjellë dhe mungesë kalciumi. Është e nevojshme që 25 për qind e kalorive të merret nga proteinat. Nëse ju konsumoni 2000 kalori në ditë 500 prej tyre duhet të jenë proteina. Produkte të nevojshme janë qumështi, kosi, peshku, mishi etj.

4- Pini një gotë verë në ditë
Një gotë verë në darkë është shumë e shëndetshme, po ashtu nuk lejon të kini një bark të fryrë. Studime të ndryshme shkencore kanë treguar se një gotë verë në ditë ndihmon gratë për të pasur një mes të hollë dhe një trup perfekt.

5- Konsumoni yndyrnat e duhura
Disa studime kanë treguar se për të pasur një trup sa më elegant duhet të konsumohen yndyrna të pangopura të gjendura te vaji i ullirit, Omega-3 i gjendur te peshku në forma vajore, yndyrnat Omega-6 që gjenden te vaji i misrit, te vezët etj. Produktet të cilat janë të pasura me yndyrna të shndërruara dhe duhet të eliminohen plotësisht janë patatet e skuqura, dhjamërat etj.


Disa këshilla për një dietë të shëndetshme:

1- Edhe pse frutat e thata nuk përmbajnë yndyrë dhe kalori, është mirë të konsumohen
2- Buka bën pjesë tek karbohidratet te cilat janë një burim shumë i rëndësishëm energjie për organizmin
3- Gjatë ditës duhet të konsumohen tre vaktet kryesore: mëngjesi, dreka dhe darka dhe dy deri në tre vakte të ndërmjetme: paradite, zemër
4- Dietat e shpejta nuk janë zgjidhja e duhur për tu dobësuar
5- Është e shëndetshme të përzihen karbohidratet me proteinat

Uji një komponent që shmang shëndoshjen

Një nga gjërat më të rëndësishme që ne shpesh e harrojmë është uji. Çdo njeri i rritur duhet të pijë 1 e gjysmë deri 2 litra ujë në ditë në varësi të peshës së tij. Jo vetëm që trupi ka nevojë për ujë, por uji gjithashtu pengon shëndoshjen. Një njeri që pi ujë në mënyrë të vazhdueshme gjatë ditës, nuk ndien shumë uri. Ngrënia e frutave dhe e zarzavateve të freskëta, mundësisht të pagatuara, përdorimi i kufizuar i karbohidrateve si: buka, sheqernat kthehen shpejt në dhjamë, zgjedhja me kujdes e ushqimeve sidomos atyre të gatuara, mënjanimi i ushqimeve “të shpejta” e të skuqura, aktiviteti, etj. të cilat ndihmojnë shumë në rënien e peshës.

Dieta dhe roli i kripërave minerale

Vitaminat dhe kripërat minerale e ndihmojnë trupin që të ruajë një formë sa më të mirë. Një dietë e mirë duhet të sigurojë të gjitha vitaminat dhe kripërat minerale që janë shumë të nevojshme për organizmin. Edhe pse duhen në sasi të vogla ato janë të pazëvendësueshme. Ato veprojnë së bashku. Kripërat minerale ndihmojnë në strukturat kockore, krijimin e një ekuilibri të sistemit ujor të organizmit, nervat dhe reagimet muskulore. Materiale të rëndësishme janë: kalciumi, fosfori, magnezi, hekuri, sulfuri, sodiumi, potasi dhe zinku. Disa vitamina si A,E, D, K mund të magazinohen, ndërsa vitaminat C dhe B kompleks duhen marrë rregullisht. Nëse frutat dhe perimet gatuhen, vitaminat dhe kripërat minerale humbasin shumë nga cilësitë e tyre. Mjaft vitamina përmbajnë dhe lëkurat e frutave.

Obeziteti, shkaktar sëmundjesh

Obeziteti dhe mbipesha janë probleme që prekin një numër gjithnjë e më të madh të njerëzve në ditët e sotme. Janë një sërë faktorësh që shkaktojnë këtë problem, çrregullimet e ushqimit, jeta sedentare, probleme të metabolizmit etj. Por mbipesha nuk përbën më vetëm një problem estetik, por shkakton shumë probleme në lidhje me shëndetin. Obeziteti dhe depozitimi i masës dhjamore në pjesën e barkut përbëjnë faktorë rreziku për shumë sëmundje si: veshkat, diabeti, sëmundje kardiovaskulare etj. Korrigjimi i këtyre problemeve për të shmangur pasojat e tyre në lidhje me shëndetin bëhet vetëm nëpërmjet një dietë të ekuilibruar, që do të thotë një dietë që duhet të përmbajë të gjithë ushqimet, por në sasi të caktuara sipas nevojave fiziologjike të gjithsecilit. Rënie e shëndetshme është rënia graduale 4 deri në 5 kile në muaj.

Varietetet dhe “kombinimet” e ushqimeve

Ka disa lloje ushqimesh që duhet të hahen të shoqëruara me të tjera, sepse kështu bëhen më të dobishme për organizmin tonë. Studimet e bëra kanë treguar se, nëse konsumohen karotat e grira në formë sallate, pa i hedhur vaj ulliri, pakësohet sasia e kalorive që merr, por humb edhe marrjen e betakarrotinës që është shumë e dobishme për trupin. Viatamina A, sikurse vitaminat D, E, K absorbohen nga organizmi vetëm në prani të yndyrnave. Më përpara konsiderohej e papërshtatshme të bashkoheshin proteinat me karbohidratet. Sot mendohet se po ti shtosh llojeve të ndryshme të brumërave pak fasule, bizele apo thjerrëza plotësohen më mirë nevojat e trupit për proteina. Por ka dhe ushqime të cilat këshillohet të mos konsumohen bashkë. Kështu kur djathi hahet bashkë me mishin, pengon absorbimin e hekurit nga zorrët.

Karrota kuron mëlçinë e zezë
Edhe karrota, një nga perimet e pazëvendësueshme për shëndetin e njeriut, ndihmon në kurimin e sëmundjeve të ndryshme. Karrota ka përmbajtje të lartë në elemente ushqyese. Karrota është burim i vitaminës A, që ndodhet në lëkurën e saj. Për këtë arsye, karrota duhet larë mirë dhe nuk duhet qëruar. Përdoret gjerësisht në supë për parandalimin e sëmundjeve të ndryshme, sidomos për mjekimin e sëmundjeve të mëlçisë së zezë, tëmthit, veçanërisht të cerozës së mëlçisë. Të sëmurëve u këshillohet të hanë karrota çdo ditë.

MENDRA

Është mjaft e përhapur në natyrë. Në Shqipëri njihet me emrat: mendër, dhjozmë, mendërz, nane, mendër e butë. Mendra shtëpiake është bimë shumëvjeçare. Gjethet e saj kanë formë vezake, ndërsa lulet janë në majë të kërcellit, të formuara nga lulëzat e vogla. Karakterizohet për nga aroma e mentolit, për këtë kultivohet dhe nëpër kopshte. Në mjekësinë popullore është mjaft i përhapur përdorimi i kësaj bime. Çaji nga gjethet e kësaj bime, të cilat duhen mbledhur para se të lulëzojë, përdoret edhe kundër dhembjes së mëlçisë, sëmundjeve të lëkurës, kundër tendosjeve psikike, streseve, kundër reumatzmës.

SHEREBELA

Një bimë tjetër për kurimin e sëmundjeve të mëlçisë është edhe sherebela. Bima e sherebelës rritet kryesisht në shpate gëlqerore, në kullota. Gjethet e saj përmbajnë vaj esencial, saponinë, alkaloide, lëndë regjëse, rrëshirë. Në gjethe e saj janë gjetur edhe acid fumarik, glukozë dhe pentozë, vitamina B1 e C. Në mjekësi ekstrakti i fituar nga gjethet përdoret si mjet për kurimin e mëlçisë së zezë e të tëmthit. Ai merret në formë ekstrakti të lëngët, 1 deri 3 gramë në ditë, në formë infuzi 4 lugë kafeje. Vaji esencial i përftuar nga gjethet përdoret në industrinë e parfumerisë dhe në kozmetikë. Përqindje më e lartë vaji esencial nga gjethet e sherebelës mjekësore mund të përfitohen para lulëzimit të saj. Edhe frutat luajnë një rol të rëndësishëm në kurimin e kësaj sëmundjeje.

RRUSHI

Rrushi rekomandohet për të sëmurët, që vuajnë nga mëlçia. Rrushi pëmban sasi të konsiderueshme sheqeri, kripëra të kalçiumit, hekur, vitamina B dhe C. Për shkak të sasisë së përbërësve të tij, lëngu i rrushit është ilaç efikas te sëmundjet e mëlçisë. >