Barcoleta per te gjithe

nga **Ylli** Thu Apr 18, 2013 7:29 am

Dënimi

Mbrëmë, nuk kishte asnjë minutë që hyra në furrë të blej bukë, kur e shoh një polic duke e vendosur një gjobë mbi veturë.
- Largoje atë – i thashë.
- Nuk ju kam faj që jeni parkuar keq – ma ktheu.
- Por, unë sapo hyra në furrë...
- Nuk më intereson, zotëri! – më tha.
- O kalë – i bërtita.
- Për këtë e keni edhe një dënim...
- Shko ha m...
- Ja edhe një!
E shava përsëri dhe më tha se nuk kishte kohë të merrej me mua gjithë natën. I la të gjitha ato dënime mbi veturë dhe shkoi.
Mendoj se polici u nevrikos vërtet, por mua sinqerisht nuk ma ndien, unë kisha ardhur në këmbë të blej bukë...

Burri

Aeroplanit përplot pasagjerë duke fluturuar i prishen motorët dhe ngadalë fillon të bie poshtë. Një grua çohet në këmbë dhe thotë:
- Nëse këto janë minutat e fundit të jetës sime dua t’i shijoj në maksimum. Kam pasur shumë të dashur, por asnjëri nuk më ka bërë të ndjehem grua e vërtetë. Këtë e dua! A ka dikush këtu të më tregojë se jam grua e vërtetë?
Pas një qetësie, çohet në këmbë një mashkull, i cili ec nëpër aeroplanin që dridhet në drejtim të femrës. Heq këmishën, ndërsa muskujt në trup e befasojnë gruan. I afrohet, ia kap dorën dhe i pëshpërit në mënyrë urdhërore:
- Hekurose këmishën!

nga **Ylli** Tue Apr 23, 2013 7:26 am

Tipike femërore

I dashuri i dërgon sms partneres së tij:
“Zemër, isha me Fjollën duke pritur rend në bankë dhe hynë hajnat. Njëri më goditi me kondak në kokë, kam gjakderdhje, jam në emergjencë, mjekët po më bëjnë teste, nuk e di çfarë po ndodh. Eja... Të dua”.

Vjen sms nga e dashura:
“E kush është Fjolla?”.

nga **Goc Tirone** Fri Nov 08, 2013 12:50 am

Një dite një polic shkon tek berberi për tu qethur.

Duke bere muhabet berberi i thotë:
- E dini ju ca e kam djalin e gruas?
- Polici: djalë halle – jo i thotë berberi
Djalë daje – jo i thotë berberi
Djalë teze – jo i thotë berberi
Berberi: është djali im
Polici: aha e kuptova thotë polici, dhe shkon ne komisariat.
Kur arrin aty pyet koleget e tij: A e dini ju ca e kam djalin e gruas?
Koleget: djalë halle, djalë daje, djalë teze
Polici: Jo, është djali berberit.

nga **TIRONCI** Mon Dec 30, 2013 5:37 pm

nga **Ylli** Tue Jan 28, 2014 7:40 am

Kërkoj punë

Një mashkull kërkon punë. Duke lexuar gazetën i thotë shokut:
- Shiko, policia po kërkon një person të moshës 25-30 vjeç, të gjatë 1.75-1.85 m, me flokë të zeza, që shëtit natën në park dhe i ngacmon femrat.
- Edhe?
- Mendoj të paraqitem, ndoshta është rroga e mirë...

Shpenzimet

Bisedojnë dy të dehur. Njëri thotë:
- Unë kam shumë pak shpenzime. Gjatë ditës më duhet një litër raki, një litër qumësht dhe një mace.
- E çfarë të duhet macja?
- Që të pijë qumështin.

nga **Ylli** Tue Jan 28, 2014 7:41 am

Komplimenti

Pas një zënke plot bërtitje dhe sharje, burri i thotë gruas:
- Ti je si droga!
- Shuaj, tash po përpiqesh të më marrësh me fjalë të mira. Do të thuash se jam si droga, që nuk mundesh pa mua e gjëra të tilla...
- Jo, jo. Dua të them se ma ke shkatërruar jetën...

Në flagrancë

Gruaja e zë burrin të krevat me një femër tjetër dhe fillon ta godasë e ta rrahë...
- Ashtu zemër, rrahe kudrën. Po do me na prish martesën...

nga **Ylli** Tue Jan 28, 2014 7:42 am

Kur shkon te mjeku

Një burrë duke ecur rrugës takon një mik të tijin.
- Ku je, si je? – pyet ai.
- Asgjë. Po kthehem nga mjeku.
- Dhe, çfarë tha?
- 200 euro.
- Nuk po pyes për atë, po çka ke?
- 50 euro.
- Jo, jo, çfarë të mundon?
- 150 euro.

Kur ia bën vetes varrin

- Nënë, përsëri u zura me burrin. Nuk mund ta duroj më. Do të vi të jetoj me ty.
- Jo, zemër. Ai duhet të paguajë për gabimet e tij. Do të vi unë të jetoj me ju...

Si të shpëtosh nga gruaja

Një hajn vjedh bankën dhe në dalje e pyet njërin:
- A më ke shikuar?
- Po – thotë ai.
Hajni e vret dhe e pyet tjetrin:
- Ti, a më ke shikuar?
- Unë jo, por të ka parë gruaja ime...

Basti

I tregon burri-gruas:
- Vura bast me një koleg pune me 1.000 euro se 10 ditë nuk do të ha dhe 10 net nuk do të fle.
- Pse more ashtu, na paske fikur, po nuk mund të durosh aq gjatë!
- Jo, kësaj radhe e fitova bastin.
- E si?
- Natën haja e ditën flija...

nga **Ylli** Tue Feb 04, 2014 4:18 pm

Komplimenti

Pas një zënke plot bërtitje dhe sharje, burri i thotë gruas:
- Ti je si droga!
- Shuaj, tash po përpiqesh të më marrësh me fjalë të mira. Do të thuash se jam si droga, që nuk mundesh pa mua e gjëra të tilla...
- Jo, jo. Dua të them se ma ke shkatërruar jetën...

Në flagrancë

Gruaja e zë burrin të krevat me një femër tjetër dhe fillon ta godasë e ta rrahë...
- Ashtu zemër, rrahe kudrën. Po do me na prish martesën...

Kur shkon te mjeku

Një burrë duke ecur rrugës takon një mik të tijin.
- Ku je, si je? – pyet ai.
- Asgjë. Po kthehem nga mjeku.
- Dhe, çfarë tha?
- 200 euro.
- Nuk po pyes për atë, po çka ke?
- 50 euro.
- Jo, jo, çfarë të mundon?
- 150 euro.

Kur ia bën vetes varrin

- Nënë, përsëri u zura me burrin. Nuk mund ta duroj më. Do të vi të jetoj me ty.
- Jo, zemër. Ai duhet të paguajë për gabimet e tij. Do të vi unë të jetoj me ju...

nga **Ylli** Tue Feb 04, 2014 4:18 pm

Kërkoj punë

Një mashkull kërkon punë. Duke lexuar gazetën i thotë shokut:
- Shiko, policia po kërkon një person të moshës 25-30 vjeç, të gjatë 1.75-1.85 m, me flokë të zeza, që shëtit natën në park dhe i ngacmon femrat.
- Edhe?
- Mendoj të paraqitem, ndoshta është rroga e mirë...

Shpenzimet

Bisedojnë dy të dehur. Njëri thotë:
- Unë kam shumë pak shpenzime. Gjatë ditës më duhet një litër raki, një litër qumësht dhe një mace.
- E çfarë të duhet macja?
- Që të pijë qumështin.

nga **Ylli** Tue Feb 04, 2014 4:18 pm

Shëruesi

Ecin dy të dashuruar rrugës dhe femra i thotë:
- Zemër, më dhemb këtu.
Mashkulli e puth në atë vend dhe ajo fillon të qesh

ë, pastaj ankohet se i dhemb në një vend tjetër. I dashuri e puth sërish dhe ajo qesh

...
Një plak i sheh nga dritarja dhe bërtet:
- Djalosh, a shëron hemorroide?

Rruga më e shpejtë

Një banor i një qyteti tjetër shkon në Prishtinë dhe e pyet personin e parë që takon:
- Ju lutem, si mund të arrij më shpejt te spitali?
- Vetëm kaloje rrugën ku nuk ka zebra dhe je atje për 10 minuta...

nga **Ylli** Tue Feb 04, 2014 4:19 pm

Korrupsioni

A është e vërtetë se gjysma e zyrtarëve nëpër postet e rëndësishme janë të korruptuar?
Në asnjë mënyrë! Gjysma e tyre nuk janë të korruptuar!

Liria e shprehjes

A është e vërtetë se liria e shprehjes në Kosovë është e njëjtë si në vendet e përparuara të rajonit, të themi si në Kroaci?
Në fakt, PO. Në Kroaci, mund të dalësh në qendrën “Ban Jelacic” në Zagreb dhe të bërtasësh: “Poshtë Josipovici!” dhe nuk dënohesh. Edhe në Kosovë, mund të dalësh në sheshin “Nënë Tereza” në Prishtinë dhe të bërtasësh: “Poshtë Josipovici!” dhe nuk do të dënohesh.

Kaosi

Gjatë një interviste, gazetari bisedon me një ekspert.
Gazetari: Çfarë nënkuptoni me fjalën kaos?
Eksperti: Ju lutem, mos më bëni pyetje për ekonominë e vendit...

nga **Ylli** Mon Feb 10, 2014 8:29 am

Pesimisti dhe optimisti

Çfarë është më keq se një pesimist i ri?
Një optimist i moshuar.

Progresi

A është e vërtetë se vendi ynë është vendi më progresiv në rajon?
Padyshim! Që dje jeta ishte shumë më e mirë saqë ka me qenë nesër.

Shkëmbim idesh

Çfarë nënkuptoni me termin shkëmbim idesh?
Kur hyni në zyrën e shefit me një ide tuajën në mendje dhe largoheni nga atje me idenë që ofron ai.

nga **Ylli** Tue Feb 11, 2014 7:19 am

Një ditë pune
- 5:00h – “Paskam kohë për të fjetur”.
- 6:00h – “Po fle edhe pak”.
- 6:30h – “Koha për t’u zgjuar”.
- 6:57h – “U zgjova, vetëm sa të numëroj deri në tre: Një, dy...”
- 10:00h – “Alo, shef, jam shumë i sëmurë sot, nuk mund të vi në punë...”.

Filmi
Një burrë më në fund arrin ta bindë gruan që të shikojnë bashkë një film pornografik. Duke shikuar filmin, gruaja i thotë:
- Ndale filmin, ktheje, edhe pak, ndale eh aty... Atë perde dua të ma blesh!

nga **Ylli** Tue Feb 11, 2014 12:56 pm

Martesat

Si quhet kur marton tri gra:
-Poligamia

Si quhet kur marton dy gra:
-Bigamia

Si quhet kur marton nje grua:
-Monotonia

nga **Ylli** Tue Feb 11, 2014 12:58 pm

Plaka dhe Plaku

Ziheshin me fjale plaka dhe plaku
Plaku po i thote plakes: Nese ti vdes e para, mbi varrin tend do te shkruaj: Ketu pushon gruaja ime e ftohet, ashtu sikur gjithmone ka qene
Ndersa plaka ia kthen: Nese ti vdes i pari mbi varr do te te shkruaj: ketu pushon burri im, per here te pare i ngurte!

Me thellë

Takohen burri i perparem dhe ai aktual i nje gruaje.
Burri i perparem po pyet: Si eshte me mallin e perdorur?

Burri aktual ia kthen: 5 cm e para ashtu-ashtu, por me thelle eshte si i ri....

nga **Ylli** Tue Feb 18, 2014 7:30 am

Eksporti
- Pse ekspertët dhe njerëzit me përgatitje të lartë janë të gatshëm të ikin nga vendi?
- Është e kuptueshme se produktet më të mira zgjidhen për eksport.

Opsione
- Doktor, a është mirë të fle me dritaren hapur?
- Gjithsesi. Por, është akoma më mirë të flesh me një femër.

E nëse dua të punoj?
Çfarë të bëjmë nëse rastësisht na lind dëshira për të punuar?
Thjesht, shtrijuni në një krevat dhe pushoni. Do t’ju kalojë (se punë nuk ka)...

nga **Ylli** Mon Feb 24, 2014 8:45 am

Një byrek me mish

- Një byrek me mish për me vete ju lutem – thotë një myshteri.
Shitësi ia jep, ai e merr byrekun dhe niset. Por, kthehet menjëherë.
- Ku e mbani mishin? – myshteriu pyet byrekxhiun.
- Në frigorifer – përgjigjet ai me habi.
- Po qitni pak edhe në byrek nganjëherë...

Tipat e grave

Gratë ndahen në dy grupe: shtëpiaket dhe romantiket.
Nëse shohin pluhur mbi tavolinë, shtëpiaket e fshijnë menjëherë, kurse romantiket vizatojnë zemër...

nga **Ylli** Mon Mar 03, 2014 7:50 am

E vërteta e hidhur
Kam mjaftueshëm para që pjesën e mbetur të jetës ta kaloj në mënyrë komode, nëse vdes deri në fund të ditës...

Vozitja
- A e kalove provimin e vozitjes?
- Nuk e di, pres përgjigjen e instruktorit... pasi të dalë nga spitali.

Kam humbur...
Një i dehur qëndron shtrirë në rrugë. I afrohet një polic.
- Çfarë po bën aty?
- Kam humbur diçka.
- Çka ke humbur ashtu?
- Baraspeshën...

Përrallat
Ku është dallimi ndërmjet përrallave të perëndimorëve dhe përrallave tona?
Përrallat e tyre fillojnë me “Na ishte njëherë...”, kurse përrallat tona fillojnë me “Së shpejti do të jetë...”.

nga **Ylli** Wed Mar 05, 2014 7:38 am

Martesa

Bir, dëshiron që ta shpjegoj se çfarë është martesa?
Imagjino të kesh internet të shpejtë, pa pagesë, pa limit, i cili hap vetëm një faqe interneti...

Zemra
Nxënësit mësonin për zemrën dhe qarkullimin e gjakut. Arsimtarja i drejtohet një nxënëseje:
- Prej çfarë përbëhet zemra?
- Arsimtare, zemra i ka dy barkushe.
- Shumë bukur... Pra, zemra i ka dy barkushe dhe... – ia drejton pyetjen një nxënësi tjetër.
- ...dhe një fustan.
- E si fustan?
- Po arsimtare, pas orës së dytë kalova kah zyra e drejtorit dhe e dëgjova duke thënë: “Hajde zemër, hiqe tash fustanin”...

nga **TIRONCI** Wed Mar 05, 2014 8:07 am

Nje cift shkonin mire gjithmone ky mashkulli I drejtohej femres se vet ne zemra e shpirti.
Nje dite vjen xhebraili dhe I bie deres.
Kur e hao deren xhebraili I thote .
Kam ardh me te more shpirtin.
Ky, I drejtohet gruas shpirti dil pak jashte se po te kerkojn.

nga **Ylli** Wed Mar 12, 2014 10:27 am

Anketa

Në gjithë botën është bërë një anketë. Njerëzit nga vendet e ndryshme është dashur t’i përgjigjen të njëjtës pyetje: “Cili është mendimi i juaj për mungesën e ushqimit në pjesët tjera të botës?”.
Anketa dështoi, duke qenë se:
- Në Evropën Perëndimore nuk e kuptonin se çfarë është ‘mungesa’.
- Në Afrikë nuk e dinin çfarë është ‘ushqimi’.
- Në Evropën Lindore s’e kuptonin çfarë do të thotë ‘mendimi personal’.
- Në Amerikë nuk e dinin cila është ‘pjesa tjetër e botës’.

I varfri dhe presidenti

Një i varfër i dërgon një letër ankese kreut të shtetit.
- I nderuar president, punëdhënësi im me gruan dhe një fëmijë jetojnë në një vilë të madhe me bazen, ndërsa unë me gruan dhe pesë fëmijë jetojmë në një kolibë. A është kjo në rregull?
Merr letër nga presidenti:
- Jo, nuk është aspak në rregull. Thuhet ‘pishinë’ dhe jo ‘bazen’, dhe thuhet kasolle, jo ‘kolibë’...

nga **Ylli** Wed Mar 12, 2014 10:28 am

Gruaja dhe mushkonja

Cili është dallimi ndërmjet gruas dhe mushkonjës?
Mushkonja ta pi gjakun vetëm gjatë verës.

Fati

I ankohet shoqja-shoqes se akoma nuk ka të dashur. Ndërsa shoqja e ngushëllon:
- Sharon Stone ka 55 vjet, ndërsa i dashuri i saj 25; Jennifer Lopez ka 44 vjet, kurse i dashuri i saj 26; Madonna ka 55 vjet, kurse i dashuri i saj 26; dhe ti ankohesh se nuk ke të dashur... Prit, i yti akoma nuk ka lindur!

Dita e gruas

Gruaja: Ku është dhurata ime?
Burri: Zemër, e sheh at ‘Golf V’ të kuq?
Gruaja: Pooo, edheeee...
Burri: Ta kam ble... një karmin pikërisht me atë ngjyrë...

nga **Ylli** Thu Mar 13, 2014 8:48 am

Zgjedh kancerin para impotencës

Shkon një duhanpirës në dyqan për të blerë cigare. Teksa i hap për të nxjerrë një, vëren mbishkrimin: “Duhanpirja shkakton impotencë”. Kthehet në dyqan dhe i thotë shitësit:
- Dua t’i ndërroj cigaret. Më jep nga ato prej të cilave fitohet kanceri...

nga **Ylli** Wed Mar 26, 2014 8:47 am

Statistikë

Të dhënat tregojnë se 45% e shqiptarëve jetojnë në stres të vazhdueshëm, 35% jetojnë me shkallë të lartë depresioni, kurse pjesa tjetër jetojnë në Gjermani, Zvicër, Danimarkë, Francë...

Dhurata e gruas?!

Gruaja: Zemër, çfarë dëshiron të të blej për ditëlindje?
Burri: E dashur, nuk ka nevojë, mos më blej asgjë, se edhe ashtu këtë muaj jam ngushtë me paratë...

Fitoi zgjedhjet

Kthehet një politikan në shtëpi.
- Fitova! U zgjodha! – i thotë gruas.
- Vërtet? Nuk gënjen? – pyet gruaja.
- Jo, tashmë nuk është nevoja...

Kufijtë e Rusisë

Me cilin shtet kufizohet Rusia?
Me cilin të dojë...

nga **Ylli** Mon Mar 31, 2014 7:57 am

Bionde?
Ajo: Ti mendon se unë jam budallaqe.
Ai: Jooo... Prit të shkoj ta ushqej gjarprin, pastaj flasim.
Ajo: Në rregull, po pres, mos u vono...

Martesa
Ka çifte që afrohen aq shumë në martesë, saqë duhet të intervenojë policia që t’i ndajë!

Aborti
- Babi, çfarë është aborti?
- Pyete motrën tënde.
- Po, babi, unë nuk kam motër.
- Për këtë pra po flas...

Vikendi i bukur
Burri: Grua, pse nuk e kalojmë të dy një vikend të bukur?
Gruaja: Ide shumë e mirë!
Burri: Në rregull, pra, shihemi të hënën...

nga Sponsored content

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Barcoleta per te gjithe

Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

Re: Barcoleta per te gjithe

MENU

SHTYPI I DITES

REVISTA

FAQET PARTNER