Titulli: Rritet numri i të vdekur nga “Sandy”, Nju Jorku nën pushtetin e ujit

Ja çfarë la “Sandy” pas (Foto):

Sipas shifrave të fundit të zeza, uragani “Sandy” mori jetën e të paktën 52 personave, ndërsa numri i të vdekurve rritet orë më orë, raporton AP. Shumica e tyre ishte viktima të drunjve të shkulur.
Efektet e uraganit i kanë ndjerë banorët e 17 shteteve amerikane. Dëmet momentalisht vlerësohen në 20-25 miliardë dollarë, ndërsa pa rrymë kanë ngelur 8.5 milionë banorë.

“Sandy” është stuhia e parë e cila pas 124 vitesh ia doli të mbyllë tregjet financiare amerikane. Sot pritet të fillojë punën bursa e New Yorkut, “Wall Street”.

Pas një prej stuhive më shkatërrimtare që goditi SHBA-të në dekadat e fundit, jeta në Bregun Lindor ngadalë po i kthehet normales. Po vlerësohen dëmet dhe po riparohen pasojat.

Transporti publik, i cili është ndalur, do të aktivizohet që sot. Ndërsa, metrot po pastrohen nga uji dhe plehrat që ato kanë sjellë. /Telegrafi/