Argoneta Krasniqi, modelja shqiptare e pornografisë

Është 30 vjeçe e megjithatë ka gjykuar se mund të bëjë ende karrierë në modelim. Argoneta Krasniqi, modelja shqiptare që jeton në Zyrih të Zvicrës, i ka hyrë botës së modës duke pozuar për revistën zvicerane “Blick” në pozicione shumë erotike. Sipas shtypit të huaj, biondina shqiptare synon industrinë e pornos në këtë shtet, madje, ajo në profilet e saj, në rrjetet sociale poston herë pas here kërkesa që miqtë dhe fansat ta votojnë si modelen më të klikuar të javës, nëpër klasifikimet e ndryshme mes modeleve erotike. Fotot e saj mund të vizitohen nga personat e rritur në moshë, ndërsa linjat XXX tani janë edhe më të nxehta falë pjesëmarrjes së Argonetës, e cila figuron me emrin e saj të vërtetë, pasi mesa duket nuk ka asnjë lloj kompleksi për punën që bën. Gjykuar nga fotot e saj, do të thonim se profili i saj është më tepër erotik sesa pornografik, edhe pse në internet ajo është cilësuar rëndom si “modele e pornografisë”. Vetëm pak kohë më parë ju kemi shkruar për një aktore shqiptare të pornos në Amerikë, Breanne Benson, e cila ka xhiruar shumë filma hard dhe është shprehur se ndjehet shumë mirë me punën që bën. Pasi u shkrua në shtypin shqiptar për të, ajo mori shumë kërcënime nga bashkëkombës të saj, por Breanne e irrituar është shprehur se “do vijojë edhe më fort punën e saj”.