Tiranë, arrestohet pas dy vrasjeve në Shkodër, i shumëkërkuari Admir Tafili

Admir Tafili, shtetas i shumëkërkuar pas arratisjes në 3 tetor 2010 u arrestua sot në Tiranë pa mbushur

ende 24 orë nga vrasja e dy personave ne Shkodër.
Policia e shtetit ka pohuar se i dyshuari Admir Tafili ra në pranga në Tiranë pas një aksioni të organizuar për kapen e tij.
I arratisuri ishte personi nr.1 i dyshuar për vrasjen e dy vëllezërve të ish-shefit të krimeve të Malësisë së Madhe në Shkodër, vrasje e ndodhur sot në ora 07:30 të mëngjesit.

I meparshem:

Dy persona, vëllezër mes tyre u vranë me armë zjarri sot në mëngjes në dalje të banesës së tyre në Shkodër.
Ngjarja ka ndodhur në fshatin grudë, komuna Rrethina e Shkodrës. Dy viktimat e vrasjes, sipas policisë, janë shtetasit Nik dhe Gjovalin Pjetrushi.
Njoftohet se ata janë ekzekutuar me armë zjarri rreth orës shtatë të ditës së premte. Vrasja dyshohet se ka ndodhur për shkaqe hakmarrje pasi dy viktimat janë vëllezër të ish-shefit të krimeve të policisë së Shkodrës.

Zanafilla e ngjarjes dyshohet se është pikërisht tek detyra e vëllait të viktimave në policinë e Shkodrës.
Dyshohet se Prel Pjetrushi, ish-shef i krimeve në policinë e Malësisë së Madhe, ka vrarë babain e Admir Tafilit në një aksion policie të organizuar për arrestimin e vrasësve të Arben Zylyftarit.
Pas vrasjes së dy personave policia ka nisur hetimet por mësohet se pista kryesore është ajo e hakmarrjes për shkak të detyrës së vëllait të dy shtetasve të vrarë me armë zjarri. Admir Tafili u arratis vitin e kaluar nga burgu i Shën Kollit në Lezhë ku vuante dënimin.