Abuzonte me kunatat minorene, arrestohet shqiptari

Një shtetas shqiptar 29-vjeçar, prej kohësh rezident në Fermo të Italisë, është bërë protagonist i një arrestimi, pasi abuzonte me tre motra minorene, të cilat ishin kunatat e tij (12-17 vjeç) dhe ishin po me kombësi shqiptare. Karabinierët treguan pas një hetimi kompleks dhe delikat se burri, të paktën në tre vitet e fundit, kishte abuzuar vazhdimisht me tre adoleshentet, duke siguruar heshtjen e tyre dhe duke u mbështetur te frika e pasojave të rënda në rast se viktimat do të kishin folur. Vajzat jetonin me prindërit, të cilët prej kohësh ishin banues në Itali, por që jetonin në tjetër banesë jo shumë larg asaj të kunatit, ndaj të cilit u mor masa e arrestit. Hetuesit ndërkaq vazhdojnë hetimin, për të hedhur dritë mbi aspekte të tjera të çështjes delikate. Shqiptari do të gjykohet për krimin e dhunës seksuale të vazhdueshme mbi minorenët.