Hasime Hoti (Poezi)

nga Eri dr Sat Jan 22, 2011 10:12 pm

Ishe në shtëpi të huaj

U shove si komet
Nuk çëndroje ndër yje, jo
Ishte shtëpi e huaj për ty
Patjetër tatpjeta...

Unë tash dua,
Në heshtje të përkundem
Valëve të detit në kaltërsi
Kanarinë të bëhem
Të këndoj në poezi

Të ndjejë e vallëzoj

Hasime Hoti (Poezi) 2288_0_0_200x300_images_stories_Artikuj1_Ishe

nga Eri dr Sat Jan 22, 2011 10:17 pm

Natë e përflakjes

Në dhjetor do të vi
Me etjen e buzës
Do të vi me zjarr zemre
Me vullkan shpirti do të vi
Për të shkrirë të gjitha ngricat
Në retinën time
Rri buzqeshja yte ëmblake...
Do i ndezim të gjitha yjet
Atë natë
Të përflakjes time
Të përflakjes tënde
Fjalët do të heshtin
E ne do të luajm tangon e prusht
[url=http://www.kosovarimedia.com/images/stories/Artikuj1/Nate e perflakjes.jpg][/url]

nga Eri dr Sat Jan 22, 2011 10:22 pm

Gjurmë

Ne mua ke lene gjurmë
Mungesen tende e ndjej çdo çast

Me mallin çmendurak
Kujtoj ditet kur ishim bashke

Ne keto vargje dua
të ndrydh vetmine

Dhembjen e shpirtit
Herezine

Per çudi
Zemra duron prape
Edhpese ka mbetur pa gjak

Buzet me jane ndezur flake
Digjem, prane kroit plak

Loja e djallezuar e ndjenjave
Po merr fund ,pa fund.

Fund, megjithate, askund...

nga Eri dr Sat Jan 22, 2011 10:25 pm

TROKET

Larg meje jeton ti
Shpirti im të kërkon

Ka kohë që s’te kam parë
Malli për ty me mbyti

Zemra flet me shumë se goja
Besoj që nuk gabova,

Zemrën ta dhurova
Për ty dhe netëve u zgjova

Troket zemra ime për ty
Përjetësisht të kam dritë në sy

nga Eri dr Sat Jan 22, 2011 10:26 pm

S’TË DUA

Ishte ditë e diel
Pa diell
Kur Ti më thua
Më nuk të dua
Befasia në mua
U zgjua
Si një përrua
Ti nuk ke shpirt
Nuk ke zemër
Të tallesh me një femër
Vreri yt
S’do të më mbytë
Jeta me kaq
Nuk përfundon
Ajo rrjedhon
Rrjedhon

nga Eri dr Sat Jan 22, 2011 10:27 pm

THELLË NË ZEMËR

Thellë ne -
Ndjej mungesën tënde
Ti me ike dikur
Por kujtimet mbetën

Tani nga qielli
Me shikon
Si engjëll i bardhë
Je shndërruar !

E di sa mall e dhembje
Ndjej në zemër
Sa shumë për ty
Syri im loton

Ti ike papritmas,
Por ta dish që në zemër
Gjithnjë do te të kam!
Dashuria për ty kurrë nuk shterron!

nga Eri dr Sat Jan 22, 2011 10:28 pm

LAMTUMIRË !!!

"Është e shkruar nga inspirimi im
për një dashuri të humbur,
por kurrsesi për dashurinë time!"

Sa e lënduar jam në jetë
Që të deshta me zemrën plot,
S’më le rrugë tjetër n´këtë botë
Pos lamtumirë të të´them me lot.

Ishte ajo një dashuri
Plot besim e plot mashtrime,
Ah, tradhëti qofsh e mallkuar
Sa më bëre me trishtime.

Më ke lënduar në´zemër e shpirt
Unë të deshta pa asnjë hile,
Por s’paska jetë as dashuri
Me atë zemër aq katile!

Një dashuri papritur u shua
Që ma kallte zemrën mua,
Mos e kthe kokën nga unë
Se as unë më nuk të dua.

Do të´më mungojë prania yte
Do të vuaj në qetësi
Por dëgjoje zërin tim
Se s’ka jetë me tradhëti!

nga Eri dr Sat Jan 22, 2011 10:32 pm

DO TË VIJË NUSE TË TI

Larg atje në Arbëri
Jeton i dashur, Ti

Shumë herë syri im loton
E zemra ime të kërkon

Oh, sa kohë ka ikur pa të parë
Ky mall i shkretë sa më ka marrë

Goja më është mbyllur si me dry
Por, zemra rënkon, vazhdimisht për Ty

Ti je Yll dhe jeta ime
Ta kam fal zemrën time

Si vullkani kur gufon
Ashtu zemra me gurgullon

Unë po vij nuse te ti
Ta bëjmë dasmën në Arbëri

T´lidhim besën me plot zemër
Dashuria ka këtë emër

nga Eri dr Sat Jan 22, 2011 10:40 pm

SONTE

Sonte –
Në këto orë të vona
Me duket se zemra po me qan!

Nuk e di pse !
Jam e mbushur me mall e mërzi
As vargjeve nuk mund t'u jap kuptim
Për dqshirat që kam!

Kam mbetur në udhëkryq
Nga t'ia mbajë
Kosova ime është larg
Dhe i dashuri, matanë!

Me duket se humba
Në vetvete flas e lëngoj
Është malli ,ai që më përvëloj

Eja, mos hezito
Nuk e din se sa dhembje ndjej
Kupto, kur s'te kam pranë
Në zemrën time ka vetëtima!

Eja se zemra shumë të do.
Pa ty nuk kam ardhmëri,
Pa ty do të ndjej përherë vetmi.