Zhgënjimet kinematografike të vitit 2010

nga **Tironcja_omel** Wed Jan 05, 2011 6:45 pm

Kemi arritur në kohën e vitit filmik në të cilën studiot e mëdha shfaqin filmat e tyre për shikuesit e festave dhe homologët e tyre “indi” presin të jenë pretendentë për çmimin Oskar. Do të ishte lehtë të rrimë ulur dhe të numërojmë urimet tona dhe të kontrollojmë 101 arsyet pse ne mendojmë që filmi “Black Swan” është filmi më i mirë i vitit. “Por, ku është argëtimi në tërë këtë? Në vend të kësaj, le t’i ekzaminojmë dhjetë zhgënjimet kinematike të vitit 2010

“127 Hours”

Aventura e Deni Bojlit me titull “127 Hours” është një film të cilin do t’ua rekomandonim po thuajse të gjithëve... mirë, të gjithëve përveç një legjioni të urrejtësve të Bojlit, të cilët mendojnë se mënyra me të cilën heroi ynë çlirohet nga shkëmbi është paksa e tepruar.

Xhiruesit

e moralshëm të filmit “The Hangover”

Tashmë është një konstatim i përfunduar që pjesa e dytë e filmit “The Hangover” do të jetë zhgënjyese. Jo vetëm për faktin se është vazhdim. Gjithashtu jo për shkak se pjesa e parë nuk ishte e mirë. Jo, do të digjet për shkak se në fillim ishte angazhuar dhunuesi e më pas është vendosur në baza morale, që të anulohet pjesëmarrja e yllit të çmendur të filmit.

Bashkëpunimet

e fundit mahnitëse

Bashkëpunimet e vitit 2010 regjisor-aktor nuk u ngjajnë fare atyre të viteve të kaluara. Filmat e Skorseses me Dikaprion kurrë nuk i janë ofruar atyre me De Niron. Tjetër shembull është Ridli Skoti me Rasëll Kroun me filmin “Robin Hood”, larg prej filmit “The Gladiator”. Edhe Denzel Uashingtoni ka bërë edhe një film me Toni Skotin, përsëri që ka të bëjë me një tren. Të mos flasim për bashkëpunimin e Tim Bartonit me Xhoni Depin nga “Edward Scissorhands” në “Aice in Wonderland”. Koha për pushim ... ose për ndarje.

Dështimet

e marrëzisë

Derisa shikuam në filmat e shfaqur nga studiot filmike gjatë kësaj vere menduam se sa të marra kanë qenë ato. Për shembull filmat: “Iron Man 2”, “Shrek Forever After”, “Sex and the City 2”, “Prince of Persia”, “Killers”, “The A-Team”, “Grown Ups”, “The Last Airbender” dhe “Predators”. Menduam për kohërat e mira kur Stivën Spilbergu dhe Xhon Hjuzi na ofronin diçka tjetër në vend të ajrit të kondicionuar për çmimin e biletës.

Kthimi i ngadaltë

i Xhenifer Enistonit

Kur kritikët shprehën njëfarë zhgënjimi për Xhenifer Enistoni në muajin gusht, pas shfaqjes së komedisë së dytë të tmerrshme të vitit, u ngritën akuza për urrejtje ndaj femrave. Nëse kritikët nuk kanë mundur ta vlerësojnë punën e Enistonit në “The Bounty Hunter” dhe në “The Switch”, atëherë ata me siguri urrejnë femrat, gjithashtu, të mos përmendim ylberin, perëndimin e diellit dhe këlyshët e qenve.

“Ende jam këtu”,

po edhe...?

Si, je tallur me ne? Aha në rregull. Faleminderit Kejsi Aflek dhe Zhoakin Feniks, që na treguat të vërtetën. Shpresojmë se do të jetoni më lehtë me atë vit të jetës suaj të cilin e keni humbur tërësisht.

Filmat me Majkëll Dagllasin

Siç edhe e kemi kuptuar deri tani, Majkëll Dagllasi është një aktor mjaft i mirë. Ai ka luajtur në dy filma në vitin 2010, në një të mirë dhe në një vazhdim të dështuar tërësisht të panevojshëm. Aftësia, talenti dhe gatishmëria e Dagllasit për të interpretuar role të mira është dëmtuar nga renditja e shfaqjes së filmave të këtij viti.

Harvi Uajnstajn

E dimë që bordi për përcaktimin e moshës së lejuar për shikimin e një filmi punon në mënyra misterioze. Harvi Uajnstajn ishte ankuar sepse bordi kishte vendosur që filmi “King’s Speech” të lejohet të shikohet vetëm nga të rriturit për shkak të gjuhës së përdorur. Por, e tërë ajo zhurmë ishte bërë nga ana e Uajnstajnit duket të jetë: A) Publicitet, B) Diçka që ka mundur të evitohet dhe C) Të dyja nga pak.

Ku qëndron problemi me Stiv Kerëllin?

Ai mund të luajë role shumë të mira në komeditë e të tjerëve, por dështon me role në të cilat gjatë tërë kohës është i keqpërdorur. Ai kurrë nuk duhet të bashkëpunojë me njerëz të ngjashëm me Shon Levin (Date Night). Xhad Apatovi do të duhej të shkruajë një film të ri për këtë aktor.

Ende duke pritur për filmin “Tree of Life”

Kaloi edhe një vit e ne ende jemi duke pritur shfaqjen e filmit “Tree of Life”. Studioja filmike “Fox” ka njoftuar më në fund se ky film do të shfaqet më 27 maj të vitit 2011. Ka gjasa të mos shfaqet. Në atë rast, do të gjejmë diçka tjetër për të bërë në listën e vitit të ardhshëm

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Zhgënjimet kinematografike të vitit 2010

Zhgënjimet kinematografike të vitit 2010

MENU

SHTYPI I DITES

REVISTA

FAQET PARTNER