Horoskopi i vitit 2011

Pra është një vit me të vërtetë pozitiv, pavarësisht se vendosja në një linjë e Saturnit e shenjën e peshores mund të kërkojë ndonjë sakrificë, dorëheqjen nga vendosmëria për të arritur objektivat që i kishit planifikuar vetes.


DASHI

2011 është një vit në të cilin und të bëni shumë gjëra dhe karriera sigurisht do të jetë në plan të parë, falë mbështetjes bujare të Mërkurit në shumë periudha të vitit, por edhe të Jupiterit, pa harruar që Nyja hënore do të përshkojë për gjithë vitin shenjën tuaj, duke zgjidhur hap pas hapi ato nyje që pengonin rrugën tuaj. Pra është një vit me të vërtetë pozitiv, pavarësisht se vendosja në një linjë e Saturnit e shenjën e peshores mund të kërkojë ndonjë sakrificë, dorëheqjen nga vendosmëria për të arritur objektivat që i kishit planifikuar vetes. Por nuk do të jetë asgjë shumë serioze, edhe pse është në natyrën tuaj të mos i besoni rrugëve pa pengesa dhe e dini mirë që çdo gjë që fitohet ka çmimin e saj.

Dashuria

Në dashuri 2011-ta do të jetë një vit shumë i bukur, pasi më në fund do t'ju lërë të lirë, shkrini akullin në zemrën tuaj, por mbi të gjitha do tu lejojë të hyni në lojë dhe të rrezikoni, gjë kjo që mund e konsiderohet shumë e rrallë në jetën tuaj, kjo për shkak të tipit që keni. Do të keni dëshirë të provoni emocione të mëdha, për ta jetuar dashurinë në të gjitha mënyrat dhe sidomos në pjesën e fundit të vitit duhet të kënaqeni dhe të realizoni pjesën më të madhe të dëshirave tuaja. Por, për të jetuar emocionet dhe gëzimet e dashurisë sigurisht që nuk duhet të prisni fundin e 2011.

Shëndeti

Për sa i përket shëndetit kushtoni kujdes për të gjitha ato patologji që janë pasojë e stresit të punës, nëse mund të bëni një parapritë duke bërë vizita ta vazhdueshme tek mjeku për të mbrojtur dhe për të forcuar sistemin tuaj imunitar dhe t'iu bëjë më të fortë përballë sforcimeve që puna dhe përditshmëria ju rezervon.

DEMI

2011 është një vit me të vërtetë i rëndësishëm për ju, pasi do të liroheni përfundimisht nga kalimi i Saturnit nga shenja juaj dhe në të njëjtën kohë mund të shijoni të mirat që u fal Jupiteri, i cili këtë herë do të qëndrojë në shenjën tuaj për pothuajse gjithë vitin, përveç një periudhe të shkurtër në verë. Me fjalë të tjera ky është viti në të cilin i tregoni botës atë çfarë jeni të aftë të bëni me të vërtetë, ti tregoni që nuk është aspak e vërtetë që juve nuk mund tu besohet, por mbi të gjitha është e nevojshme të tregoheni të sigurt në vetvete dhe të aftë për të përballuar botën me vendosmëri dhe kurajë, me qëllim që të arrini atë që realisht dëshironi.

Dashuria

Në dashuri gjërat do të shkojnë mjaft mirë dhe në më shumë se një rast do të ndiheni vetvetja, të aftë të joshni, tërhiqni dhe ti copëtoni zemrën kujtdo që juve ju pëlqen, por dhe nuk do të doni të humbisni kohë, dëshironi një lidhje të aftë tu ofrojë siguri dhe t'ju përkasë, një lidhje që keni kohë që nuk arrini ta gjeni të tillë. Nuk do të keni pengesa nëse dëshironi me të vërtetë dhe të zgjatur, ka shumë mundësi që në jetën tuaj të vijë një njeri më i madh, jo domosdo në moshë, por me siguri me një eksperiencë dhe maturitet më të madh se ju, i aftë për tu bërë të ndieni vlerën e të qenit çift.

Shëndeti

Për sa i përket shëndetit do të jetë një vit që do merrni veten dhe shumë prej jush do ta ndiejnë veten në formë perfekte fizike. Por duhet të keni kujdes dhe të parandaloni teprimet me ushqimin dhe të pirën, pasi Jupiteri në shenjën tuaj mund t'iu bëjë të humbisni kënaqësitë e tavolinës dhe ta vendosni stomakun tuaj në stres.

BINJAKËT

Më në fund një vit i mirë për ju, ai vit që prej kohësh e kërkonit dhe më në fund ju dha mundësia për të rikuperuar terrenin dhe gjithë kohën e humbur gjatë viti të kaluar. Jupiteri do të jetë aleati juaj, duke nisur nga 18 janari dhe pse nga ditët e para të korrikut e deri në fillim të shtatorit do t'ju braktisë momentalisht dhe natyrisht do të sjellë shumë raste për të parë të realizuara dëshirat tuaja, mundësia më e madhe për t'u realizuar këto dëshira mund të bëhet konkrete, duke nisur nga 9 shtatori, kur Jupiteri do të hyjë te Peshqit dhe Venusi dhe do të japë për shenjën tuaj një kontribut shumë pozitiv deri në ditët e para të janarit të vitit 2011.

Dashuria

Sigurisht që do të jetë fusha e ndjenjave protagoniste absolute dhe nuk do të mungojnë rastet për t'i dhënë një shtysë konkrete dhe përfundimtare një situate me ndikim emocional, një lidhje në të cilën keni rënë brenda dalëngadalë. Nga ana tjetër edhe urani në gradën e fundit të shenjës së peshqve do të jetë një mbështetësi juaj dhe do t'ju ndihmojë për të përfunduar zgjedhje të bëra nga instinkti, por edhe falë intuitës suaj, nuk do të jenë të këqija, madje do të ndihmojnë të arrini gjërat që prej kohësh i keni dëshiruar.

Shëndeti

Për sa i përket shëndetit, në pjesën e parë të vitit, duhet të merreni më shumë, pasi stresi, dhe në rastin konkret një sërë gjërash që nuk i zgjidhni dot, mund t'ju shkaktojnë dëmtime serioze, si ndonjë gastrit, acarim të zorrëve e gjëra të tilla, shërimi i të cilave nuk ndodh vetëm me ilaçe.

GAFORRJA

2011 është një vit, në të cilin duhet të mësoni të jeni më të kujdesshëm për gjërat që bëni, të thoni atë që mendoni realisht pa harxhuar kohë, duke pyetur të tjerët nëse ajo që thoni i lëndon, por mbi të gjitha është e nevojshme që të mbani përgjegjësi të plotë të jetës suaj, në të gjitha këndvështrimet, duke lënë mënjanë moralizma dhe ndjenja faji, duke vepruar si njerëz të rritur dhe të përgjegjshëm, në mënyrë praktike dhe konkrete. Me fjalë të tjera ka ardhur momenti për të punuar për veten tuaj, për të rifituar terren për gjërat që deri më tani i keni lënë pas dore, ose i keni lënë mënjanë, duke pritur kush e di se çfarë. Duhet menjëherë të përvishni mëngët dhe të filloni të veproni me vendosmëri.

Dashuria

Por, edhe jeta emocionale do të kërkojë shumë energji dhe impenjim, duke ju vënë përballë sfidave shumë të vështira, duke ju vënë përballë raporteve fillimisht shumë të vështira për t'ju drejtuar dhe për t'ju ndërtuar, ose duke ju vënë përballë vendimeve shumë të përcaktuara, nëse jeni çift, që ju shtyjnë të merrni një pozicion, të cilat mund të shtojnë vuajtjen dhe gjendjen e keqe emocionale. Për shumë nga ju, veçanërisht nëse jeni të lindur në dekadën e parë, mund të jetë rasti të bëni një takim me një njeri më të madh se veten, ose që menjëherë do t'ju kërkojë të merrni përsipër përgjegjësi të mëdha.

Shëndeti

Për sa i përket shëndetit duhet të bëni më shumë kujdes për dhëmbët dhe kockat, dhe sidomos për shpinën tuaj, pasi nëse nuk merrni përgjegjësi që nuk ju takojnë dhe nëse bindeni që të mbani gjithçka nën kontroll, do të jetë pikërisht shtylla kurrizore ajo që do t'ju bëjë të jeni të kujdesshëm.

LUANI

Këtë 2011 duhet të viheni në provë dhe të filloni të rrezikoni pak më shumë, duke u ngjitur në skenën e jetës dhe të drejtoni si protagonistë gjithçka që u intereson dhe që për ju është prioritare. Por, natyrisht që duhet të bëni dhe një impenjim të madh për të realizuar atë çka dëshironi dhe e konsideroni të rëndësishme. Në fakt është e rëndësishme që të mësoni të përcaktoni ato çfarë janë me të vërtetë të rëndësishme dhe prioritare në këtë moment të jetës suaj, duke vizatuar një piramidë nevojash, që ta keni të lehtë pastaj t'i ngjisni shkallët, pasi realizimi i dëshirave tuaja këtë vit është i sigurt, por kërkon rigorozitet, dedikim, rregull dhe përcaktim, ndryshe rrezikoni të zhyteni në kaosin e mundësive dhe të mos bëni asgjë konkrete.

Dashuria

Për sa i përket fushës së ndjenjave, 2011 do të jetë një vit i gëzueshëm, kjo dhe falë mundësive të reja për të jetuar forma të reja dashurie, ose mundësisë për t'u dashuruar me njerëz tërësisht të ndryshëm nga ata çfarë keni takuar deri më tani. Në fakt, Urani dhe Jupiteri në fushën e ndjenjave do të luajnë një rol thelbësor dhe natyrisht do t'ju shtyjnë në drejtime shumë më të ndryshme se zakonisht, duke u mësuar të lini veten të lirë dhe të jetoni me më shumë spontanitet dhe natyrshëm atë që mund t'ju ofrohet në fushën e ndjenjave.

Shëndeti

Për sa i përket shëndetit mbani nën kontroll gjithçka që është burim stresi, pasi këtë vit do të jeni të ndikuar nga stresi. Është aparati tretës dhe veçanërisht zorrët ato që do të nënshtrohen nga kjo gjendje stresi dhe nëse mundeni është mirë t'i paraprini kësaj duke rregulluar më shumë ushqimin tuaj.

VIRGJËRESHA

Pjesa e parë e vitit, dhe saktësisht deri në mëngjesin e 7 korrikut, sheh Marsin, planetin e përditshmërisë suaj, duke qenë se do të ndalojë në shenjën tuaj për një kohë shumë më të gjatë se zakonisht. E gjitha kjo do të thotë që do të keni në anën tuaj një rezervë të madhe energjie, sa fizike, aq edhe mendore dhe një dëshirë të madhe për të bërë, për të realizuar, dhe për të pasur bashkëpunëtor Saturnin, i cili do të qëndrojë gjatë në shenjën e peshores. Kjo nuk do të jetë shumë e vështirë, sidomos nëse do arrini të mos harxhoni potencialin tuaj në investime të mëdha dhe që në vetvete nuk kanë një qëllim në realitet.

Dashuria

Në dashuri pasioni, sidomos në pjesën e parë të vitit, është padroni dhe me siguri do të ndiheni shpesh të përfshirë nga dëshira për të jetuar emocione të forta, të përballeni me situata që vënë në një provë të vështirë rezistencën tuaj fizike, që u vënë përballë skenarëve erotiko-pasionante që prej shumë kohësh nuk i kishit jetuar me kaq shumë pasion.

Shëndeti

Shëndeti do të jetë mjaft i mirë në pjesën e parë të vitit, kjo falë mbështetjes së Mërkurit, por kjo energji që u falin këto planetë duhet harxhuar pa teprime dhe jo në situata ekstreme, pasi mund të shkaktojnë në trupin tuaj shqetësime të tipit kardiak, të lidhura këto pikërisht me mbledhjen e stresit dhe tensioneve të tepruara.

PESHORJA

Hyrja e Saturnit në shenjën tuaj ka hapur një stinë të jetës, në të cilën është e nevojshme të merrni në konsideratë gjithçka që deri tani e keni konsideruar si një problem që duhet evituar, që e keni mbajtur në një cep të jetës suaj, por që tani kërkon me patjetër t'i jepet një zgjidhje përfundimtare. Sigurisht që nuk është gjithnjë e lehtë, por as aq e vështirë sa mund të duket në fillim. Saturni do t'ju japë forcën dhe energjinë e nevojshme për të mos lënë më gjëra pezull, për t'u dhënë më shumë qartësi gjërave që në një mënyrë, apo në një tjetër ishin për ju burim ankthi, ngacmonin qetësinë tuaj dhe mbysni momente të gjata të ditës.

Dashuria

Në dashuri Marsi në pjesën e parë të vitit do t'ju bëjë veçanërisht dinamikë, kreativë të gatshëm të kapni rastet ashtu si u paraqiten dhe pse duhet thënë që shumë vështirë mund të bëheni pjesë e ndonjë aventure, apo e një lidhjeje që do t'ju bënte të ndiheshit të qetë. Për shumë prej jush, Saturni, me ndihmën pozitive të Marsit, mund të sjellë një takim shumë të rëndësishëm, apo të stabilizojë një takim që ka ndodhur që në vitin 2010 dhe t'ju bëjë të shijoni kënaqësitë e një lidhje që ditë pas dite do të forcohet.

Shëndeti

Shëndeti nuk paraqet rreziqe, edhe pse duhet të keni kujdes për gjithçka që ka të bëjë me kockat, sidomos nëse jeni praktikues sporti, pasi mund të jeni protagonistë të incidenteve të vogla që mund të krijojnë patologji, për të cilat duhet t'u nënshtroheni kurave të një ortopedi.

AKREPI

Ka ardhur momenti të ndërtoni, të konkretizoni, për t'i vënë në zbatim me të vërtetë idetë tuaja, potencialet që këto vitet e fundit kanë mbetur disi të bllokuara, pasi më në fund do të keni rastin për t'i dhënë një zhvillim vendimtar jetës suaj, edhe pse, asgjë nuk do t'ju dhurohet dhe çdo hap përpara do të jetë i fituar me anë të aftësive tuaja, të arritura këto veçanërisht nga kuraja juaj, nga dedikimi dhe përkushtimi që do të bëni për të arritur atë që është prioritare në jetën tuaj. Pikërisht për këtë do të jeni krenarë dhe do të kuptoni se është shumë më e lehtë, nga ç'ka mendonit. Në fakt, për shumë nga ju ka raste të mira për të parë të realizuara, brenda këtij viti, sidomos në gjysmën e dytë, ato projekte që i keni mbajtur në zemër prej shumë kohësh dhe që tani janë gati, për t'i jetuar si protagonist absolut.

Dashuria

Ndërsa sfera e ndjenjave do të jetë shumë e gjallë dhe për shumë prej jush mund të vijë momenti të merrni rolet tuaja, për të bërë zgjedhje përfundimtare, si mund të vendosni datën e martesës, e shtyrë prej kohësh prej justifikimeve të ndryshme, ose do të nisni një bashkëjetesë me partnerin tuaj, pa qenë e nevojshme që ta bëni zyrtare lidhjen.

Shëndeti

Shëndeti kërkon më shumë kujdes, një përkujdesje e veçantë për problemet e mëlçisë, pasi është organi që e ndien më shumë peshën e një sërë sjelljesh dhe zakonesh të gabuara të ushqyeri në vitet e kaluara dhe që tani i keni të vështira për t'i ndrequr.

SHIGJETARI

Është një vit rimarrjeje, përfundimisht do të dilni nga një fazë e rëndë dhe ndonjëherë e errët, që u ka karakterizuar tre vitet e fundit. Nuk do të mungojnë rastet që të dilni nga situatat e disfavorshme në të cilat ishin zhytur. Dalë nga dalë do e merrni veten, do tu kthehet optimizmi dhe si me magji jeta do t'ju buzëë sërish, duke u hapur eksperienca të reja, por edhe duke rikuperuar terrenin e humbur në të kaluarën, për shkak të një Saturni që nuk ka qenë, të paktën pjesërisht, mirëdashës pë rsa u përket juve.

Por duhet thënë menjëherë që Saturni është tashmë në anën tuaj, keni mësuar të njihni veten, jeni më të 'pjekur" nga prezenca e këtij planeti, dhe tani që ndodhet tek peshorja, në ndikim me shenjën tuaj, nis tu shlyejë sakrificat dhe mundimet që edhe pa dëshirën tuaj u ka detyruar të bëni.

Dashuria

Në dashuri viti nis nën flakët e pasionit, të erosit dhe sigurisht që nuk duhet të mungojnë mundësitë për të jetuar aventura, por edhe momente drithëruese pasioni me partnerin e zakonshëm. Libidoja juaj është rizgjuar dhe tani jeni gati të rrezikoni, të rifuteni në lojë, të eksperimentoni dashurinë dhe seksin në të gjitha format, edhe në ato që deri tani nuk i keni përjetuar kurrë.

Shëndeti

Në përgjithësi shëndeti nuk paraqet probleme të mëdha, por bëni kujdes të mos nënvlerësoni shqetësime të vogla dhe mbi të gjitha mos çoni në një të nesërme hipotetike problemet e lidhura me dhëmbët dhe me shtyllën tuaj kurrizore, pasin mund të krijojnë më shumë shqetësime nga sa kishit menduar, pastaj dhe me kosto më të mëdha për t'i zgjidhur.

BRICJAPI

Pavarësisht kundërvënies së Saturnit nga shenja e peshores për pjesën më të madhe të vitit, viti 2011 do të jetë për ju një vit shumë i rëndësishëm, i mbushur me kënaqësi për sa i përket jetës profesionale dhe më në përgjithësi sferës sociale, në të cilën më në fund do të arrini ato çka doni pa luftëra të mëdha. Me fjalë të tjera tani jeni gati të bëni atë që me kohë kishit planifikuar dhe më në fund keni në xhep mjetet e duhura për të realizuar projektet tuaja. Gjithçka që keni planifikuar do të bëhet, në pjesën e parë të vitit, duke qenë se Saturni, i cili kthehet sërish te Virgjëresha dhe saktësisht nga 7 prilli deri në 21 korrik, do t'ju lërë më shumë hapësirë autonomie dhe do t'ju bëjë t'i bëni gjërat më shpejt nga sa kishit menduar.

Dashuria

Klima në familje për gjithë vitin 2011 do të jetë shumë e lëkundur dhe do t'ju kërkojë një kujdes dhe disponibilitet më të madh, sidomos kjo në lidhje me njerëzit e moshuar, që në disa momente mund edhe t'ju krijojnë një pengesë për ambiciet dhe realizimet personale. Jini racionalë për gjithçka dhe do të kuptoni që më pas do të jetë shumë më e lehtë për të arritur atë çfarë dëshironi.

Shëndeti

Marsi duke u ndalur te shenja e Luanit do t'ju dhurojë shumë energji deri në mëngjesin e 7 qershorit, për sa i përket shëndetit dhe mirëqenies psikofizike do të ishte mirë t'i paraprinit dhimbjeve të shpinës dhe të dhëmbëve, kjo sepse kundërvënia e Saturnit mund të sjellë ndonjë problem të vogël në këto organe.

UJORI

2011 paraqitet si një vit në të cilin është e nevojshme të vini në provë rezistencën tuaj ndaj ndryshimit, ndaj të resë, ndaj të paparashikueshmes, pasi edhe pse dukeni të interesuar ndaj gjithçkaje që është e re, ndryshe, alternative në fund jeni shumë më tradicionalë tek gjërat të cilat besoni. Në pjesën e parë të vitit Marsi në kundërshtim nga shenja e Luanit u vendos vazhdimisht përpara diskutimeve, marrjes së pozicioneve dhe ndonjë rasti që mund t'ju bëjë ta humbisni qetësinë dhe të vini në diskutim gjithçka që u rrethon. Me fjalë të tjera deri në ditët e para të korrikut Marsi, do t'ju bëjë impulsivë dhe jo tolerantë ndaj kritikave të të tjerëve, por mbi të gjitha do t'ju bëjë të padurueshme shumë nga gjërat, që deri para pak kohësh u dukeshin të pranueshme, ose të tolerueshme.

Dashuria

Në dashuri gjërat duket se do t'iu ecin shumë mirë, veçanërisht pjesën e parë të vitit, pasi keni nevojë të vendosni themele, të përballeni me diçka konstruktive dhe që zgjat në kohë, aq shumë sa do të zgjidhni histori dhe njerëz që vetëm para pak kohësh do ia kishit mbathur me të katra, por që tani ju tërheqin dhe ju intrigojnë dhe që i vlerësoni si diçka shumë të rrallë. Stina juaj e dashurisë nis në pasditen e 18 janarit dhe do të mbarojë në mëngjesin e 11 shkurtit, duke u dhënë mundësinë të bëni takime me të vërtetë interesante dhe stimuluese, por edhe për të parë të realizuara dëshirat disi të patregueshme që zakonisht nuk doni ti tregoni për të gjithë kaq lehtë. Do të jenë mjaft të frytshme takimet që ndodhin në 21 ose në 22 janar.

Shëndeti

Për sa i përket shëndetit, kjo 2011 mund të krijojë ndonjë problem me qarkullimin, dhe më në përgjithësi me lëvizjen. Mundohuni ti paraprini dhe ndoshta do të ishte mirë ti nënshtroheni ndonjë aktiviteti fizik nën kujdesin e një trajneri, kjo për të evituar ushtrimet jo korrekte që më shumë mund të shkaktojnë probleme sesa përmirësime

PESHQIT

2011 për ju do të jetë një vit zhvillimesh, sidomos në planin profesional, të ideve dhe të të jetuarit të jetës në mënyrë të ndryshme nga sa e keni jetuar deri tani, me më shumë dinamizëm dhe shpejtësi, aq shumë sa do të merrni rezultate shumë të dukshme. Në fakt, për periudha të gjata të vitit do të jeni të mbrojtur nga Mërkuri, i cili do t'ju ndihmojë të bëni zgjedhjet e duhura dhe të komunikoni në mënyrë më të drejtpërdrejtë, të vendosur dhe sidomos të shpejtë, për të arritur të menaxhoni gjërat që ju interesojnë më shumë, ndryshe nga si keni vepruar në të shkuarën, duke habitur shumë ata që ju rrinë pranë dhe ju njohin shumë mirë. Dy periudhat, në të cilat Mërkuri do të jetë për një kohë të gjatë aleati juaj janë këto: nga 2 prilli deri në 10 qershor dhe nga 27 korriku deri në 3 tetor.

Dashuria

Po në gjithë këto impenjime në fushën sociale dhe atë profesionale, do të ketë hapësirë për dashurinë? Sigurisht që po, edhe pse më shumë se në një rast do të jeni të detyruar të bëni sakrifica të mëdha për të bërë dy gjëra bashkë, veçanërisht në pjesën e dytë të vitit, dhe saktësisht nga 8 shtatori kur Venusi duke hyrë në shenjën e Akrepit do t'ju mbështesë deri në fillim të vitit 2011.

Shëndeti

Për sa i përket shëndetit do të bëni mirë të mbani nën kontroll gjithçka për sa u përket infeksioneve, probleme të lidhura me dieta të çrregullta, me pasoja të irritimit të zorrëve dhe sidomos të keni kujdes nga alergjitë dhe t'i parandaloni ato, pasi sistemi juaj imunitar mund të jetë aq i pambrojtur, saqë mund t'ju shkaktojë ndonjë shqetësim më shumë se zakonisht.