Champions League

Informacione nga kompeticioni me i rendesishem europian per klube

Mrekullia “Kluzh” natën e “të mëdhenjve”


Fitojnë të gjitha pretendentet, me përjashtim të Romës, e cila fundoset nga kampionët e Rumanisë

Kluzhi i merr tri pikët në Romë, duke treguar befasinë më të madhe mbrëmjen e djeshme. Anothorsis i merr barazimin Verderit, ndërsa Interi, Çelsi, Liverpuli dhe Barcelona fitojnë duke bindur…

Grupi A
Kluzh fiton në Romë, “poker” për Çelsin

Çelsi ka fituar bindshëm në ndeshjen e parë të trajnerit Skolari në Ligën e Kampioneve, 4 0 ndaj Bordosë, në takimin e vlefshëm për raundin e parë në Grupin A. Londinezët dominuan në sfidën e “Stemford Bridxh” it, duke treguar se dëshirojnë ta harrojnë sa më parë dështimin e sezonit të kaluar, ku u mundën nga Mançesteri në finale. Golat e shënuar në pjesën e parë nga mesfushorët Frenk Lampard dhe Xho Kol ia hapën rrugës fitores së lehtë “të bluve”. Tetë minuta para fundit, goli i francezit Florent Maluda e fundosi skuadrën e Blankut, ndërsa Anelka vulosi shifrat në 4 0. Çelsi kryeson grupit në vet të golaverazhit më të mirë, por i habitshëm është fakti se përkrah tyre janë rumunët e Kjuzhit. Surpriza më e madhe e mbrëmjes së djeshme në Ligën e Kampioneve ka ardhur pikërisht nga “Olimpiko” i Romës, atje ku do të luhet finalja e këtij edicioni. Rumunët debutues të Klujit kanë fituar ndaj Romës vendase, pavarësisht se italianët kaluan të parët në avantazh. Kristian Panuçi shënoi golin e avantazhit për Romën dhe u duk se gjithçka do të ishte në dishezë për të besuarit e Spaletit, por nuk i kishin bërë llogaritë me atë që quhej Emanuel Huan Kulio. Sulmuesi i Kluzhit shënoi golin e barazimit në të 28 n dhe i kaloi në avantazh miqtë, në minutën e tretë të pjesës së dytë. Sulmet e Romës rezultuan të kota dhe kampionët e Rumanisë morën një fitore të pabesueshme…

Grupi B
Interi, gjithçka e lehtë në Athinë

Golat e brazilianëve Mansini dhe Adriano, të ndërthyrur me një paraqitje bindëse, i kanë dhënë Interit tri pikët e para në këtë edicion të Championsit, në Athinë ndaj Panathinaikosit. Zikaltrit dominuan ndeshjen që në fillim dhe Hoze Mourinjo mund të jetë i kënaqur për përgjigjen që mori nga kampionët e Italisë: Interi është favorit në Ligën e Kampioneve. Fitorja 2 0 lindi nga këmbët e “të zakonshmit” Zllatan Ibrahimoviç. Suedezi shërbeu për Mansini në mesin e pjesës së parë dhe për Adrianon pesë minuta para fundit. Për “Perandorin” ishte një gol i rëndësishëm në ndeshjen e tij të parë zyrtare në këtë sezon, si dhe i bukur për nga mënyra e ekzekutimit. “E nisëm në mënyrën e duhur. Një fitore 0 2 në Champions vlen dyfishin e asaj që tregon rezultati. Skuadra ishte në formë edhe sot. Që nga fillimi i sezonit, përfshi edhe miqësoret, nuk kemi zhgënjyer asnjëherë,” - tha portugezi që drejton italianët. Interi kryeson i vetëm Grupin B, pasi sfida tjetër ndërmjet Verderit dhe Anorthosis, në Bremen, u mbyll me një barazim pa gola. Me këtë rezultat dalin të fituar qipriotët, të cilët shmangën humbjen në debutimin e tyre në fazën me grupe të Ligës së Kampioneve. Nga ana tjetër, Verderi i Tomas Shafit nuk arriti t’i shfytëzojë rastet e shumta që pati për shënim. Kjo, edhe në sajë të paraqitjes së shkëlqyer të portierit shqiptar të Anothorsis, Arjan Beqaj.

Grupi C
Bind Barcelona, befason Shakhtari

Barcelona i ka rigjetur golat dhe buzëqeshjen, teksa ka mundur 3 1 Sportingun e Lisbonës, në ndeshjen e luajtur dje në “Kamp Nou”, për Grupin C. Ekipi i Pep Guardiolës, që vinte nga tri ndeshje pa fitore, gjeti golin e parë, në mesin e pjesë së parë, me anë të meksikanit Rafael Markez. Më pas, sulmuesi kamerunas Samuel Eto e dyfishoi avantazhin e vendasve me 11 metërsh, por katalanasit u dukën sërish vulnerabël, në minutën e 72 të, kur Sportingu shënoi me anë të mesfushorit Tonel. Ksavi Hernandez e largoi ankthin, tri minuta para fundit, duke shënuar golin e tretë për vendasit. Ndërkohë, Shakhtari bëri një fillim bindës në ndeshjen tjetër të Grupit C, duke fituar 2 1 në fushën e Bazelit. Kampionët e Ukrainës kanë marrë pjesë në pesë edicionet e fundit të fazës me grupe, por nuk janë kualifikuar asnjëherë për më tej. Gjithmonë në stol ka qenë i njëjti trajner, Mirçea Luçesku. Gjithsesi, dy golat në pjesën e parë treguan se këtë herë gjërat mund të jenë ndryshe. Brazilianët Fernandinjo dhe Zhadson shënuan me goditje dënimi nga disatanca dy gola me të vërtetë spektakolarë. Në pjesën e dytë nuk ndodhi asgjë deri në minutën e fundit, kur mbrojtësi argjentinas David Abraham shënoi golin e ngushëllimit për vendasit. Ekipi nga Donjecku ndan kreun me Barcelonën. Të dyja skuadrat do të përballen në ndeshjet e radhës, në fillim të tetorit.

Grupi D
Liverpul dhe Atletiko, fitoret udhëtuese

Dy gola të shënuar në pjesën e parë nga kapiteni Stiven Xherrard i kanë dhënë Liverpulit fitoren 2 1 në ndeshjen e parë të Ligës së Kampioneve ndaj Marsejës. Francezët shënuan të parët në “Velodrom”, kur në minutën e 23 të, Lorik Cana mposhti Pepe Reinan, i shërbyer nga Benua Shejru. Gjithsesi, Xherrard vuri barazpeshën vetëm tri minuta më vonë, me një gol me të vërtetë mbresëlënës, pas pasimit të marrë nga Dirk Kuit. Mesfushori anglez shënoi golin e fitores, pas gjysmë ore lojë, nga pika e bardhë e 11 metërave. Miqtë fituan penalltinë, pas një faulli të Ronald Zubarit ndaj Rajan Babelit. Marseja, që u mund 0 4 nga Liverpuli në edicionin e kaluar të Championsit, luftoi me shpirt, por vuajti ndaj një kundërshtari superior, në aspektin fizik dhe organizativ. Në ndeshjen tjetër të Grupit D, Atletiko e Madridit ka fituar 3 0 në Eindhoven ndaj PSV së. Një fitore e jashtëzakonshme për spanjollët, në ndeshjen e parë në fazën me grupe të Championsit, pas 11 vitesh. Ishte, padyshim, mbrëmja e Serxhio Aguerros. Argjentinasi 20 vjeçar shënoi një dygolësh, që në pjesën e parë të debutimit personal në Ligën e Kampioneve, duke i hedhur në “tapet” holandezët e Hub Stivensit. Atletiko, që e eliminoi Shalken në raundin e tretë, me rezultatin e përgjithshëm 4 1, dominoi gjatë 90 minutave dhe shënoi golin e tretë, me anë të portugezit Manike.

Aragones: E njoh mirë Porton!


(20:45) Porto - Fenerbahçe
Formacionet e mundshme:
Porto: Helton, Sapunaru, Rolando, Bruno Alves, Benitez, Fernando, Luço, Meireles, M.Gonzalez, Lisandro, K.Rodrigez.
Fenerbahçe: Demirel, Kan Arat, Çakmak, Gokhan, R.Karlos, K.Kazim, Aleks, Boral, Hosiko, Maldonado, Giza.


Pasi u shpall kampion europe me Spanjën, 70-vjeçari Luis Aragones synon të bëjë mrekullinë edhe në rang klubesh me Fenerbahçen. Në një intervistë për të përditshmen “AS”, trajneri i skuadrës turke nuk i fsheh ambiciet e tij. “Eshtë shumë e vështirë, por në sezonin e kaluar Fenerbahçe arriti çerekfinalet dhe sivjet ndoshta mund të bëjmë më mirë.” Sot do të jetë sfida e parë në fushën e Portos, ku do të mungojë kapiteni Emre. “E njoh mirë Porton, - tha Aragones. -Ne kemi mundësi të fitojnë, po aq sa kanë edhe ata. Luajnë një futboll të hapur, por pa harruar detyrat taktike. Më pëlqen atmosfera në Portugali. Besoj se do të jetë një shfaqje.” Aragones ka vendosur të luajë me Daniel Gizën, si sulmues të vetëm të mbështetur nga dy fantazistët Aleks dhe Maldonado. Kazim-Kazim do të luajë në të djathtë të mesfushës.

Vengeri ka frikë nga “e panjohura”

20:45) Dinamo Kiev - Arsenal
Formacionet e mundshme:
Dinamo: Shovkovski, Ninkoviç, Asatiani, Sabliç, Nesmashni, Vukojeviç, Jusuf, Mikhalik, Aliev, Milevski, Bangura.
Arsenal: Almunia, Sagna, Ture, Galas, Kliçi, Ebue, Fabregas, Denilson, Ualkot, Van Persi, Adebajor.

Trajneri i Arsenalit është i shqetësuar, në prag të transfertës së Kievit, për ndeshjen e parë të Championsit

Arsen Venger ka frikë se Arsenali do të ndeshet me “të panjohurën” sot në Ukrainë. Trajneri i “topçinjve” pranon se ai nuk e di se çfarë i pret të besuarit e tij në ndeshjen e tyre të parë për Ligën e Kampioneve ndaj Dinamos së Kievit. Gjithsesi, francezi i paralajmëron talentët që ka në dispozicon të përgatiten për më të keqen, në një fushë ku Arsenali është mundur tri herë gjatë historisë së tij. Venger pranoi: “Për mua Dinamo e Kievit është një skuadër e fortë, por, fatkeqësisht, nuk e di se sa. Ata gjithmonë kanë futbollistët më të mirë të Ukrainës, por varet me çfarë brezi po punojnë aktualisht. Mund të jenë shumë të rrezikshëm. Na kanë mundur kur kishin në ekip Shevçenkon, Rebrovin dhe Luzhnin. Tani nuk janë emra të tillë, por “e panjohura” na tremb”. Mikael Silvestre është riaftësuar dhe do të debutojë sot në Kiev me fanellën e Arsenalit. Francezi 31-vjeçar, i cili erdhi nga Mançesteri muajin e kaluar, tha: “Ishte shumë pranë kalimit te Mançester Siti dhe pata oferta nga Franca, por Arsenali ishte sfida që kërkoja”. Dinamo e Kievit u kualifikua për në fazën me grupe, pasi eliminoi Spartakun e Moskës me rezultatin e përgjithshëm 8-2. Vengeri tha: “Dinamo i fitoi të dyja ndeshjet nga 4-1. Ju e dini se sa i fortë është Spartaku dhe hapat përpara që ka bërë futbolli rus, por, gjithsesi, Dinamo fitoi lehtësisht. Si ndeshja e parë e grupit, për më shumë jashtë fushe, do të isha i kënaqur edhe me një barazim. Në grupin tonë ka katër skuadra që e njohin mirë Ligën e Kampioneve: ne, Dinamo e Kievit, Porto dhe Fenerbahçe. Pikët në transfertë do të bëjnë diferencën, sepse përbërjet e skuadrave janë të balancuara dhe nisen si të barabarta në letër”. Vengeri do të aktivizojë treshen sulmuese Uoltok-Van Persi-Adebajor. Që të tre gëzojnë formë të shkëlqyer; kjo u pa në fitoren 4-0 ndaj Blekbërnit, javën e fundit të Premier Ligës.

Shuster: BATE, lëkurë bananeje!


20:45) Real - BATE
Formacionet e mundshme:
Reali: Kasiljas, Torres, Kanavaro, Hajnce, Marselo, Diarra, Roben, Guti, Van der Vart, Raul, Van Nistëlroi.
BATE: Veremk, Bliznjuk, Jureviç, Khagush, Sivakov, Nekhajçik, Kazantsev, Staseviç, Rzhevski, Krivets, Rodionov.

Reali i Madridit do të luajë ndaj skuadrës bjelloruse BATE Barisov, e cila debuton në Ligën e Kampioneve. “Merengesit” vijnë në këtë takim, pasi kanë humbur në ndeshjen e parë të kampionatit dhe kanë fituar me vështirësi 4-3 ndaj Numansias, në takimin e dytë. Trajneri i Realit të Madridit është në presion për të shkuar sa më larg në Ligën e Kampioneve, veprimtari që Reali e ka fituar nëntë herë, por që në pesë vitet e fundit nuk ka shkuar përtej çerekfinaleve. Në sezonin e kaluar u eliminua nga Roma në 1/8-t e finaleve. Shuster tha se ndaj BATE-s duhet të shmangen gabimet e ndodhura ndaj Numansias. “Nuk kam asnjë dyshim që jam i shqetësuar për golat e pësuar. Ndeshja ndaj BATE-s është si një lëkurë bananeje, ku mund të shkelim. Ata nuk kanë asgjë për të humbur, ndërsa ne jemi skuadra më e madhe e botës.” Te Reali do të mungojë Serxhio Ramos, i cili u dëmtua me Spanjën, por rikthehet Fabio Kanavaro në qendër të mbrojtjes. “Futbollistët që do të zbresin në fushë më japin garanci për fitore, - tha Shusteri. - Kështu ka qenë dhe kështu do të jetë gjithmonë te Reali i Madridit.”

Juventus-Zenit, sfida e “të uriturve”…



(20:45) Juventus - Zenit
Formacionet e mundshme:
Juventus: Bufon, Grigera, Melberg, Kielini, Molinaro, Kamoranezi, Sisoko, Poulsen, Nedved, Trezegue, Del Piero
Zenit: Malafejev, Anjukov, Krizanak, Puigranie, Sirl, Zirjanov, Denisov, Timoshuk, Arshavin, Pogrebnjak, Dani.

Italianët rikthehen pas dy vitesh, ndërsa kampionët e Rusisë debutojnë pas suksesit në Kupën UEFA

Sulmuesi i Juventusit, Alesandro Del Piero, pritet të rikthehet në formacion për ndeshjen e sotme ndaj Zenitit në Ligën e Kampioneve, pasi u la në stol gjatë fundjavës. Juvja, që mundi Artmedian e Bratislavës në raundin paraeliminator, rikthehet në Champions pas dy vitesh. Bardhezinjtë ranë në Serinë B, për shkak të skandalit Moxhi. Del Piero ishte pjesë e Juventusit, që fitoi Championsin e dytë të historisë së tij në vitin 1996. Eksperienca e kapitenit 33-vjeçar do të jetë shumë e rëndësishme ndaj kampionëve të Rusisë, fituesve të Kupës UEFA dhe Superkupës Europiane. Në fitoren 1-0 ndaj Udinezes, ditën e diel, trajneri Klaudio Ranieri aktivizoi dyshen sulmuese Amauri-Iakuninta, ndërsa Del Piero dhe Trezege qëndruan në stol, duke treguar se ata do të jenë dyshja e Ligës së Kampioneve. Trajneri Ranieri e ka garantuar Del Pieron se qëndrimi i tij në stol nuk ka pasur lidhje me rendimentin. “Nuk kam ndryshuar mendim për të. Unë e di se është kampion i madh, - tha Ranieri për gazetarët. - Ne blemë Amaurin, jo për të zëvendësuar Del Pieron, por për të luajtur me tre sulmues.”
Zeniti vjen në këtë ndeshje pasi fitoi 4-1 në takimin e fundit të kampionatit rus ndaj Terek Gronzit. Skuadra e Shën Petërsburgut është në vendin e shtatë, 14 pikë larg Rubinit kryesues, por ka një ndeshje më pak. Mesfushori i kombëtares ruse, Roman Shirokov, do të mungojë për shkak të një dëmtimi. Të padisponueshëm janë edhe mbrojtësi belg Nikolas Lombarts dhe sulmuesi turk Fatih Teke, por asnjëri prej tyre nuk mund të konsiderohet si titullar në formacionin e Advokatit. Trajneri holandez i ka lënë pushim futbollistët e kombëtares ruse, Andrei Arshavin dhe Konstantin Zirjanov. Në ndeshjen ndaj Terekut dhe, së bashku me kroatin Ivica Krizanjack, ata do të rikthehen titullarë ndaj Juves. Pasi fitoi Superkupën e Europës ndaj Mançesterit, Avdokat pret me padurim debutimin në Ligën e Kampioneve. “Pasi i fituam dy trofetë “e vegjël” (Kupën UEFA dhe Superkupën) jemi gati për t’u përballur me skuadrat më të mira të Europës, - tha ai për gazetarët. - Championsi është një eksperiencë e re për ne dhe nuk mund të pres më…” Në ndeshjen tjetër të Grupit H, Reali Madrid-Bate Borisov.

Rumenige i druhet dominimit anglez


20:45) Steaua - Bajern
Formacionet e mundshme:
Steaua: Cernea, Ogararu, Goian, Gionea, Marin, Lovin, Tiago, Semedo, Stanku, Toja, Bernhardt.
Bajern: Rensing, Lucio, Demikelis, Van Bujten, Lell, Van Bomel, Ze Roberto, Shvainstaiger, Lahm, Toni, Kloze

Presidenti i Bajernit të Mynihut, Karl-Hajnz Rumenige, ka parashikuar se klubet angleze do ta dominojnë sërish Ligën e Kampioneve edhe në këtë sezon. Bajerni është rikthyer në kompeticionin më prestigjoz të Europës, pasi mungoi vitin e kaluar, por Rumenige nuk duket optimist rreth shanseve të skuadrës së tij, nëse ata do të kenë përballë një skuadër të Premier Ligës. “Anglezët kanë hedhur hapa gjigante kohët e fundit, - tha ai. - Bundesliga ka mbetur shumë prapa, ndaj klubeve të tilla si Mançester Junajtid apo Çelsi. Nëse shikon mundësitë që kanë ata, do të jetë e habitshme, nëse ata nuk do të jenë dominues edhe këtë sezon.”

Endrra e Lionit fillon me Fiorentinën!


(20:45) Lion - Fiorentina
Formacionet e mundshme:
Lion: Loris, Revelie, Kris, Bodmer, Kallstrom, Makun, Tulalan, Zhuninjo, Guvu, Ederson, Benzema.
Fiorentina: Frei, Zauri, Daineli, Kroldrup, Vargas, Kuzmanoviç, Melo, Montolivo, Santana, Xhilardino, Mutu.

Presidenti i Lionit, Zhan-Mishel Ola, e ka bërë Ligën e Kampioneve prioritetin kryesor të këtij sezoni, një detyrë tepër e vështirë, që nis me një ndeshje në shtëpi kundër Fiorentinës. Marseja është klubi i vetëm francez që ka arritur sukses në këtë kompeticion në vitin 1993. Ola është i determinuar për të treguar se shtatë herë kampionët e Francës mund të arrijnë suksese edhe në Europë. “Të gjithë ne e kemi bërë Ligën e Kampioneve prioritetin tonë të këtij sezoni, - tha ai. - E dimë se do të kemi përballë dy skuadra tepër të mëdha, por kam besim te lojtarët e mi.” Lioni, i cili gjithashtu ka Steauan e Bukureshtit dhe Bajernin e Mynihut në Grupin F, nuk ka arritur asnjëherë të kalojë më tej se çerekfinalet. Ola e largoi nga detyra trajnerin Alen Perrin, edhe pse ky i fundit i drejtoi ata drejt suksesit të dyfishtë në Francë, duke e zëvendësuar me Klod Pyel të Lilës, njeriun me të cilin ai më në fund shpreson t’i ndryshojë fatet, duke e transformuar Lionin në një pretendent të fuqishëm. “Ka kaluar shumë kohë dhe unë vazhdoj ende të ëndërroj, -tha mesfushori i Lionit, Zhuninjo, i cili u bashkua me klubin në vitin 2001. - Sigurisht që do të doja të arrija gjysmëfinalet, madje edhe të fitoja në finale.” Lioni u eliminua sezonin e kaluar nga Mançester Junajtid, i cili e fitoi këtë trofe dhe një sezon para atij të kaluarit, ndaj Romës. Më 2006-n, Milani eliminoi Lionin në momentet e fundit të çerekfinales. 33-vjeçari Zhuninjo e di se nuk do të ketë mundësi t’i jepen më shumë shanse. “Eshtë ëndrra ime më e madhe, - tha ai. - E di që është shumë e vështirë dhe shumë lojtarë të zotë nuk e kanë arritur asnjë herë këtë sukses, por unë nuk kam hequr dorë nga shpresa.” Lioni po shpreson ta nisë më mirë se sezonin e kaluar Ligën e Kampioneve, ku u mundën në ndeshjen e parë ndaj Gllasgou Rejnxhërs. “Po e nisim në Stade Gerland, kështu që duhet të përpiqemi ta fitojmë këtë ndeshje, - tha Zhuninjo. - Do të na e lehtësonte shumë detyrën në pesë ndeshjet e tjera. I njohim mirë italianët, sepse ata na kanë eliminuar më parë. Ata janë lojtarë me shumë eksperiencë. Të krijojnë përshtypjen sikur i ke vendosur përfund dhe më pas të bëjnë gol.” Lioni ka probleme në mbrojtje, ku si Klerk ashtu edhe Fabio Groso janë të dëmtuar, kështu që edhe njëherë tjetër do të besojnë te Karim Benzema për të udhëhequr repartin sulmues. Ai shënoi nga pika e bardhë për t’u dhënë londinezëve fitoren 3-2 ndaj Nisës në minutat shtesë. Benzema ka shënuar pesë gola deri më tani, në po kaq ndeshje. “Lioni është një skuadër me shumë eksperiencë në Europë, si dhe shumë e organizuar dhe sulmuese, - tha trajneri i Fiorentinës, Çezare Prandeli. - Do të duhet të jemi të kujdesshëm!”

Alborgu: Gjithçka është në lojë


(20:45) Sëlltik - Alborg
Formacionet e mundshme
Sëlltiku: Boruc, Hinkel, Kalduell, MekManus, Nejlor, MekGrejdi, Braun, Krosas, Malonei, Samaras, Venegor.
Alborg: Zara, Olfers, Boglund, Jakobsen, Pedersen, Due, Johanson, Augustinusen, Enevoldsen, Kaca, Kurth.

Drejtori teknik i Alborgut, Linxh Jakobsen, insiston se kampionët e Danimarkës nuk mendojnë të kthehen në shtëpi pa asnjë pikë në ndeshjen kundër Selltikut në Ligën e Kampioneve. Kampionët e Skocisë do të ndeshen me skuadrën më të dobët në letër në Grupin E mbërmjen e sotme, ku të dyja klubet janë të determinuara ta nisin fushatën me një rezultat pozitiv. “E dimë që do të luajmë në një stadium fantastik, si ai i Gllasgout, dhe presim që shumë skocezë të vijnë këtu në ndeshjen e kthimit, - tha Jakobsen. - Po shkojmë atje për të marrë një rezultat të mirë; me këtë që them nuk nënkuptoj ndonjë humbje minimale. E mundëm Sampdorian në të dyja ndeshjes e Kupës UEFA sezonin e kaluar dhe ishim në avantazh 2-0 në “Uajt Hart Lejn”, përpara se të humbisnin ndaj Totenhemit, kështu që ne mund të fitojmë besim rrugës.” Megjithatë, Jakobsen është realist për shanset që ka Alborgu për të kaluar në raundin tjetër, në një grup ku përfshihet Mançesteri dhe Vilareali. “Ky është një nga evenimentet më të rëndësishme ku ne marrim pjesë vitet e fundit, - shtoi ai. - Nuk mund të gjenim tri klube më interesante se këto që na kanë rënë si kundërshtare. Por duhet të jemi të ndërgjegjshëm dhe të themi se nuk presim të fitojmë 18 pikë. Një sukses i madh për ne do të ishte kapja e vendit të tretë në grup, për të kapur Kupën UEFA.”

Villareali i pari qe cenon kuroren


(20:45) Mançester - Vilareal
Formacionet e mundshme
Mançesteri: Van der Sar, Braun, Ferdinand, Vidiç, Evra, Fletçer, Hargrivs, Anderson, Runi, Berbatov, Tevez.
Vilareal: Lopez, Venta, Ponzalo, Fuentes, Kapdevila, Kazorla, Sena, Edmilson, Ibagaza, Cani, Franko.

Grupi E: Mançesteri, kampion i Europës në fuqi, do të presë spanjollët në “Old Traford”. Fergusoni optimist…

Mançester Junajtid do ta nisë mbrojtjen e titullit të Ligës së Kampioneve në shtëpi mbrëmjen e sotme ndaj Vilarealit dhe trajneri Sër Aleks Ferguson u ka caktuar djemve të tij si objektiv përsëritjen e këtij suksesi të sezonit të kaluar. Milani është skuadra e fundit që e ka fituar dy herë radhazi këtë kompeticion, por që nga koha kur është ndryshuar formati i trofeut më të rëndësishëm në Europë, më 1992-’93, asnjë klub nuk ka mundur ta bëjë diçka të tillë që nga ajo kohë. “Fakti që asnjë klub nuk e ka fituar në dy sezone radhazi, tregon se sa e vështirë është ta fitosh këtë kompeticion. Por, me të vërtetë mendoj se kemi një shans të mrekullueshëm,” - tha Ferguson këtë javë. Optimizmi i skocezit është i bazuar në cilësinë që ka skuadra e tij dhe zgjedhjet e ndryshme që ka në dorë, në përpjekje për ta fituar për herë të tretë këtë kompeticion në drejtim të Mançesterit. Blerja e Dimitar Berbatov, një ish-finalist i këtij kompeticioni me Bajer Leverkusenin, është një plus i madh për rrezikshmërinë e “djajve” në repartin sulmues. Megjithatë, ata e nisin Grupin E me një formë shumë ndryshe nga ajo që i ndihmoi të dominonin sezonin e kaluar. Kampionët e Anglisë dhe Europës kanë fituar vetëm njëherë në këtë sezon dhe kanë pësuar një humbje të rrallë në Premier Ligë ndaj Liverpulit. “Nuk kishim ndonjë lojtar që të ishte në lartësinë e duhur në atë takim, përveç Rio Ferdinand. Ishte tepër zhgënjyese, -tha Ferguson. - Duhet të rikuperosh, kjo është kryesorja që duhet të bëjmë. Tani fillon Liga e Kampioneve dhe ne gjendemi në një grup të mirë. Mendoj se kemi shanse të mira për ta arritur kualifikimin.” Mançesteri gjithashtu ka humbur mesfushorin Majkëll Kerrik në “Anfild”, për shkak të një dëmtimi në kavilje, dhe nuk do të ketë në dispozicion Pol Skollsin, i cili është i pezulluar, pas kartonit të kuq të marrë në finalen e Superkupës. Ata mund të kenë një ngritje në nivelin e lojës edhe me rikthimin e Kristiano Ronaldos, i cili mund të figurojë mes lojtarëve që do të jenë në pankinë. Ferguson është i vetëdijshëm që ndaj spanjollëve nuk duhet të marrë asgjë për të mirëqenë, të cilët kanë qenë skuadra e fundit që kanë arritur të marrin pikë në “Old Traford”, në barazimin 0-0 në sezonin 2005-’06 kompeticion. Mançesteri ka fituar 12 ndeshje radhazi në shtëpi që nga ajo kohë. Vilareali siguroi vendin në fazën e grupeve, duke përfunduar në vend të dytë ndaj Realit të Madridit sezonin e kaluar, rezultati i tyre më i mirë në një fundsezoni në Primera Liga. Ata barazuan 1-1 ndaj Osasunës në ndeshjen e parë të kampionatit dy javë më parë, por kanë mundur javën e fundit Deportivo La Korunjën me rezultat 1-0. Trajneri Manuel Pelegrini nuk do të ketë në dispozicion sulmuesin turk Nihat Kahveci dhe ish-sulmuesin e Mançesterit, Xhuzepe Rosi.

Lorik Cana, goli shqiptar në Ligën e Kampioneve


Të martën janë zhvilluar ndeshjet e Ligës së Kampioneve, ku ka patur edhe rezultate surprizë. Megjithatë, ia vlen të theksohet fakti se në këto ndeshje të radhës në grupe, ka luajtur edhe një futbollist shqiptar, pikërisht Lorik Cana, i cili përfaqëson ngjyrat e Olimpikut të Marsejës. Madje, mesfushori ynë kuqezi ka lënë “firmën” e tij ndaj Liverpulit të Xherardit me shokë, edhe pse ka humbur. Lorik Cana ka zhblokkuar rezultatin e bardhë, në minutën e 23-të, teksa ka shënuar një gol të bukur në portën e anglezëve. Kjo ka krijuar idenë se marsejezët do ta mundnin Liverpulin, por nuk ka ndodhur kështu. Miqtë e drejtuar nga Benitez kanë përmbysur golin e Lorik Canës, duke e kthyer avantazhin në favor të tyre, me dy gola të Stiven Xherardit, njëri prej të cilëve me penallti. Sidoqoftë, vlen shumë fakti se përfaqësimi “shqiptar” në këtë eveniment shumë të rëndësishëm europian, përmes Lorik Canës, ka qenë i duhuri. Me një fjalë, goli në “Champions”, ka folur edhe shqip. Kjo, për meritë të mesfushorit të Olimpikut të Marsejës, Lorik Cana.

Prezent ne konferencen per shtyp, Lorik Cana e shikon te frustruar kualifikimin pas humbjes ne shtepi, 2-1, ndaj Liverpulit. “Nuk kishim edhe fat në këtë ndeshje, sepse u ndëshkuam nga dy raste sporadike. Grupi i skuadrës sonë punoi shumë për të marrë një rezultat pozitiv, por nuk ia dolëm dot. Mund të them se ishim të frustruar gjatë tërë kohës, nisur nga emri i kundërshtarit, por edhe nga dëshira e madhe për t’u kualifikuar. Dy golat që pësuam mund të ishin evituar, nëse do të ishim treguar më të kujdeshëm dhe të qetë.
Shqiptari i bën një “homazh” edhe përfaqësimit të kolegut të tij të Liverpulit, kapitenit Stiven Xherard. “Vetëm kur e pamë topin në rrjetë, në golin e parë të Liverpulit. Ishte një goditje prej 25 metrash, që mori një trajektore të cuditshme, që vetëm një supertalent si Xherard mund ta beje”. Nga ana tjetër, edhe Arian Beqaj, portieri i kombëtares sonë kuqezi, që mbron kuadratin e Anorthosit, ka arritur një rezultat pozitiv, barazimin e bardhë 0-0, në fushën e Werder Bremenit.

GRUPI A
ROMA-CFR Cluj 1-2
CELSI-BORDO 4-0

GRUPI B
PANATHINAIKOS-INTER 0-2
ËERDER BREMEN-ANORTHOSIS 0-0

GRUPI C
BARCELONA-SPORTING LISBONE 3-1
BAZEL-SHAKHTAR DONETSK 1-2

GRUPI D
O.MARSEJE-LIVERPUL 1-2
PSV EINDHOVEN-ATLETIKO MADRID 0-3

http://www.om.net/ SITI oficial i l'om

Pamje nga ndeshja L'OM - LIVERPOOL

u pa kush ishte maj Forti


BARCELONAAAAAAAAAAAAAAAAAAAAAAAAAAA