Premier League

Kampionati Anglez i futbollit

Uest Hem dhe Njukasëll, çështje trajnerësh


Polemikat

Pankinat e Uest Hemit dhe Njukasëllit janë venë në qendër të vëmendjen në Premier Ligës. Pas shkarkimit të bujshëm të Alan Kërbishlit, i akuzuar për fushatën e dobët në merkato, Uest Hemi është vënë në kërkim të një trajneri të tij. Kërbishli, në një deklaratë për “The Sun” tha se e kanë goditur me thikë pas shpine gjatë gjithë verës, duke larguar nga skuadra futbollistë të tillë, si Enton Ferdinand dhe Xhorxh MekKartnei, pa marrë aprovimin e tij. “Kisha një marrëveshje me Uest Hemin, - tha Kërbishli. - Do të vendosja unë për futbollistët në ekip, por drejtuesit i bënë zgjidhjet e tyre pa më përfshirë. Më duhej të largohesha.” Tani, në “Apton Park” kanë filluar të mendojnë për zëvendësuesin e tij. Tri emra spikasin mbi të gjithë: Sllaven Biliç (trajneri aktual i Kroacisë), Roberto Mançini (ish-trajneri i Interit) dhe Paolo Di Kanio (ish-futbollist i Uest Hemit). Biliç nuk mund të lihet i lirë nga Federata Kroate e Futbollit, ndërsa për dy italianët gjithçka është e mundshme, duke parë se drejtori teknik i Uest Hemit është italiani Xhianluka Nani. Blerja e fundit e Uest Hemit ka qenë sulmuesi i Torinos, Di Mikele.
Kalojmë më në veri, në Njukasëll, ku ka nisur lufta e ftohtë brenda klubit. Sipas asaj që shkruan “The Sun”, trajneri Kevin Kigan, që bazohet te mbështetja e futbollistëve dhe tifozëve, ka kërkuar largimin e drejtorit teknik Denis Uajz dhe zv.presidentit Toni Himenez, si kusht për vazhduar punën në “St.Xhejms Par”. “Mënyra se si Kigan po e trajton këtë çështje na ka lënë mbresa, - thotë një burim brenda klubit. - Ai dëshiron ta ketë kontrollin mbi gjithçka, si kusht për të vazhduar bashkëpunimin. Futbollistët dhe tifozët janë nga ana e tij, kjo mund të ndikojë te pronarët.” Por nuk është marrë ende vendimi dhe “revolucinari” Kigan mund të humbasë vendin e punës. Sipas “Daily Mirror”, drejtuesit e Njukasëllit u kanë propozuar pronarëve emërimin e Marselinjos, nëse Kigan largohet. Marselinjo, trajneri aktual i Saragozës, u bë i njohur sezonin e kaluar, ku renditi modestët e Santanderit në vendin e pestë të kampionatit spanjoll. Ekziston edhe mundësia Alan Shirer. Vetëm emërimi i tij si trajner mund të kompesonte zemërimin e tifozëve për një largim të mundshëm të Kiganit.

Robinjo: Edhe Pele do të vepronte si unë!



Sulmuesi i ri i Mançester Sitit shkon me helikopter në stërvitjen e Brazilit dhe u përgjigjet sulmeve të Peles

Robinjo i është përgjigjur legjendës së futbollit brazilian Pele, që e kritikoi për kalimin te Mançester Siti. Ish-sulmuesi i Santosit vendosi të transferohet nga Reali i Madridit te Mançester Siti ditën e fundit të merkatos. 24-vjeçari e pranoi Sitin si zgjidhje të dytë, pasi iu mohua mundësia për të shkuar te Çelsi. Gjithsesi, pronarët e rinj të Mançester Sitit ia plotësuan kërkesat financiare. Pele tha se njerëzit që ka pranë po e këshillojë keq Robinjon, dhe se mendojnë më shumë për paratë sesa për aspektin sportiv. Përgjigjja e Robinjos ishte: “Unë i pranoj mendimet e Peles, sepse ai është mbreti i futbollit, por, nëse do ndodhej në situatën time, edhe ai do të kishte bërë të njëjtën zgjidhje. Do të vepronte si unë, duke lënë Realin dhe Sitin. Pele duhet të dijë disa gjëra. Reali i Madridit nuk më donte mua dhe disa herë u përpoqën të më përfshinin në transferimin e Kristiano Ronaldos. Që kur dështoi blerja e portugezit, filluan të më konsideronin si të pashitshëm. Kjo nuk është e drejtë! Nëse më donin në skuadër, atëherë duhej ta rinovonin kontratën që në muajin prill, kur babai im takohej çdo ditë me Kalderonin.” Gjithashtu, Robinjo e pranoi se dëshira e tij ishte t’i bashkohej Çelsit, që drejtohet nga trajneri brazilian Skolari. Sulmuesi tregon se pse nuk u realizua kalimi i tij në Londër. “Synimi im ishte të shkoja te Çelsi, sepse ata ishin klubi i vetëm që kishin bërë ofertë zyrtare. Por Realit nuk i pëlqeu që Çelsi kishte filluar të shiste fanella me emrin tim dhe i mbyllën bisedimet. Më pas, në minutat e fundit të merkatos vendosën të më shisnin te Siti.” Reali nuk e la Robinjon të merrte pjesë në lojërat olimpike dhe, sipas tij, kjo ishte një nga arsyet kryesore që e shtynë të kërkonte largimin. “Barça e la Mesin, edhe pse kishte për të luajtur në Champions. Reali nuk kishte asnjë ndeshje zyrtare dhe shpiku një dëmtim që zgjati vetëm shtatë ditë.” Pasi është takuar me drejtuesit e klubit dhe trajnerin Mark Hjuxhs, Robinjo ka fluturuar me helikopter për në Brazil, ku është grumbulluar “Selesao” përpara ndeshjes me Kilin. “Nuk doja të udhëtoja me helikopter, sepse njerëzit do të thoshin se jam dehur nga suksesi, - tha Robinjo, - por ishte e vetmja mënyrë për të arritur në kohë për stërvitjen. Dunga më dha një ditë leje, jo dy. Ka disa rregulla që duhen respektuar me çdo kusht.”

Evertoni: Na duhet një miliarder!


Mançester Junajtid, Çelsi dhe Liverpuli dukej sikur i përkisnin një tjetër planeti me merkaton që bënin. Këtij grupi i janë shtuar edhe Totenhemi, Porsthumthi dhe, i fundit në rend kohor, por i pari nga rëndësia, Mançester Siti. Presidenti i Evertonit, Bill Kenrajt, e pranon konkurrencën e vështirë. “E kam nxjerrë klubin në shitje për ndonjë miliarder, - tha ai -. Nuk është e drejtë t’ua mohoj tifozëve diçka të tillë. Këtë verë morëm Fellanin nga Liezhi për 15 milionë euro dhe na i duk sikur ç’bëmë. Te Siti morën Robinjon për 42 milionë, vetëm pas dy orë bisedimesh. Nuk mund të konkurrojmë në merkato e më pas në fushën e lojës. Na duhet një miliarder.”

Premier Liga, “mbretëresha” e merkatos



Merkatoja e verës në Angli ka kushtuar 500 milionë paund. Rekordi i ri në historinë e futbollit

“Yjet” golashënues janë të vendosur në pozicione të favorshme, për të kërkuar përsëri shuma të mëdha për emrin e tyre, me paga për t’u paguar, ndërsa shokët e tyre të skuadrës, disa shkallë më poshtë me nivel fame, mund të pësojnë ulje të pagave. Analiza nga firma konsultative “Deloitte” tregon se transferimet në merkato janë rritur, ku Premier Liga ka qarkulluar 500 milionë sterlina të shpenzuara për lojtarë të rinj, në krahasim me 470 milionë eurot e shpenzuara më 2007-n. Marrëveshjet e minutës së fundit në merkaton e transferimeve, ku përfshihet transferimi i Robinjos te Mançester Siti, për rreth 32,5 milionë sterlina, dhe ai i Dimitar Berbatov nga Totenhemi te Mançester Junajtid, për 30,75 milionë sterlina, kanë ndihmuar në arritjen e rekordit të shpenzimeve. Pol Raunsli, drejtori i sporteve pranë “Deloitte”, tha se ai nuk ndihet i habitur nga niveli i shpenzimeve gjatë kësaj vere. Raunsli tha se ky nivel shpenzimesh të mbahet në sezonet e ardhshme në Premier Ligë, falë investitorëve, si “Abu Dabi Grup”, i cili ka marrë pronësinë e klubit nga Taksin Shinavatra. Vazhdimësia e marrëveshjave të larta televizive do ta sigurojnë këtë gjë edhe për një kohë shumë të gjatë. “Në këto nivele do të ketë shtrydhje në nivelin e pagave, - tha Raundsli. - Nuk është në kuptimin që pagat në këto momente kanë nivele të ulëta.” Geof Mesher, një tjetër anëtar i kompanisë, ka deklaruar se mesatarja e paguar për blerjen e një futbollisti në Premier Ligë është ngritur nga 4,9 milionë sterlina në 5,4 milionë sterlina këtë vit.

Skolari i kënaqur, edhe pa Robinjon…


Trajneri i Çelsit, para ndeshjes me Totenhemin: Mund ta fitojmë titullin edhe pa brazilianin

Trajneri i “bluve” të Londrës, Luiz Felipe Skolari, është i bindur se skuadra e tij mund të rezultojë e sukseshme këtë sezon edhe nëse Robinjo nuk do të vijë nga Reali i Madridit. Braziliani, i cili sot do të drejtojë për herë të parë në një derbi të Londrës kundër Totenhemit si vizitor, e di shumë mirë që koha për të mbyllur marrëveshjen me Robinjon është drejt përfundimit. Ish-trajneri i Portugalisë pranoi se dëshironte të firmoste me ndonjë futbollist tjetër pas largimit të Andrei Shevçenkos dhe Shon-Rajt Filips dhe se Robinjo kishte qenë prej kohësh objektivi i tij parësor. Por ai insistoi se nuk do të ishte një tragjedi nëse shefi ekzekutiv, Piter Kenion, nuk do të arrinte një marrvëshje për të marrë sulmuesin brazilian në “Stemford Brixh”, përpara ditës së martë. Skolari tha: “Nëse ai nuk do të vijë, unë kam lojtarët e mi, ai është vetëm një lojtar cilësor më shumë, por këtu ka shumë lojtarë të tjerë të talentuar. Nëse Piter nuk arrin ta sjellë këtu Robinjon, këtu kam 23 lojtarë të tjerë më të cilët mund të arrijmë shumë suksese. Nëse ai nuk vjen, atëherë nuk vjen. Kam lojtarë të tjerë për atë pozicion, s’ka problem”. Totenhemi do të udhëtojë për pak minuta deri në anën tjetër të Londrës në kërkim të pikëve të para për këtë sezon, në kontrast me Çelsin që ka fituar dy ndeshjet e para. Dhe statistikat nuk flasin për Huande Ramosin, pasi Skolari ka një rekord shumë të mirë në ndeshjet derbi. Ai tha: “Në të kaluarën kam fituar 70% të ndeshjeve derbi dhe pothuajse gjysma e ndeshjave të tilla përfundojnë në barazime. Jam ndryshe nga trajnerët e tjerë. Për mua pikët janë më të rëndësishme se një ndeshje derbi. Më duhet fitorja që përkthehet në pikë për të fituar Premier Ligën, pse jo dhe Ligën e Kampioneve. Nëse mendoj se kjo ndeshje duhet fituar me çdo kusht se është një derbi, atëherë i bie që ndeshjet e tjera të mos vlerësohen njësoj. Tri pikët kundër Totenhemit janë njësoj si tri pikët kundër Uiganit apo Portsmuthit dhe të njëjtat gjëra u kam thënë edhe lojtarëve të mi. Nëse humbasim kundër skaudrave të tjera, atëherë ne nuk do ta fitojmë kampionatin. Duhet t’i shohim të gjitha ndeshjet si të ishin derbi. Kluj, nga Rumania (kundërshtar i Çelsit në Chmapions), është një derbi për mua. Ky është objektivi im”.

Ebi Smolarek kalon te Boltoni


Rejisng Santander ka rënë dakord për të lënë në formë huazimi sulmuesin polak Ebi Smolarek te Boltoni. Sulmuesi 27-vjeçar, i cili pothuajse ka zhvilluar 40 ndeshje me kombëtaren e vendit të tij, u bashkua me spanjollët e Rejsing në 2007-ën, duke qenë se më parë ishte aktivizuar me Fejënordin dhe Borusien e Dortmundit. Në një deklaratë në “sajtin” zyrtar të klubit thuhet: “Rejsing dhe Boltoni kanë arritur një marrëveshje për huazimin e Ebi Smolarek deri në gusht të 2009-ës. Gjithashtu, klubi anglez ka një klauzolë në kontratë me mudnësinë për ta blerë sulmuesin polak. Ai ka fituar prej tre vitesh rradhazi çmimin “Lojtari polak i Vitit”.

Xherrard, gati kundër Mançesterit!


Rafa Benitez është i mendimit se kapiteni Stiven Xherard mund të rikuperohet plotësisht në kohë për ndeshjen e Premier Ligës kundër rivalëve të Mançester Junajtid, vetëm 15 ditë pas kryerjes së operacionit. Momenti kur do të kryhet kjo ndërhyrje kirurgjikale e ndalon Xherardin të marrë pjesë në dy ndeshjet eleminatore për botërorin e 2010-ës kundër Andorrës dhe Kroacisë në datat 6 dhe 10 shtator. “Duhet të jemi të shpejtë dhe ta operojmë sa më shpejt të jetë e mundur”, - tha Benitez. - Këto operacione janë të vogla dhe të thjeshta, nuk janë shumë serioze. Ai do të qëndrojë pak a shumë 15 ditë larg fushave, por ndoshta ashtu siç na ka ndodhur në të kaluarën, mund të duhet edhe më pak kohë për t’u rikthyer.”

[b]Rajt-Filips shkon te Man.Siti[/b


Mançester Siti e ka përmbyllur blerjen e ish-mesfushorit të tij Shon-Rajt Filips nga Çelsi. Mesfushori i Anglisë, Rajt-Filips, 26-vjeçar, ka nënshkruar një kontratë katërvjeçare për një shumë që ende nuk bëhet e ditur. Ai tha: “Sigurisht, ndihem i gëzuar që jam rikthyer dhe mezi pres të filloj nga puna”. Trajneri Mark Hjuxhs shtoi: “E kam admiruar gjithmonë Shonin, pasi ai ka qenë objektivi imi që nga koha kur erdha këtu”.

Liverpuli bën ligjin në “Anfild Road”



Pas gjashtë vitesh, “të kuqtë” e Benitezit fitojnë ndaj Mançesterit me golin e shënuar nga Rajan Babel

Pritja e gjatë e Liverpulit, për një fitore në shtëpi kundër Mançester Junajtid, ka marrë fund dje, kur Rajan Babel, i ardhur nga pankina e rezervave, i ka dhënë “të kuqve” fitoren e merituar me rezultatin 2-1 ndaj kampionëve në fuqi. Karlos Tevez kaloi Mançesterin në avantazh në minutën e 3-të. Barazimi ka ardhur me një autogol të Ues Braun dhe më pas ka qenë holandezi Babel, që 13-të minuta para përfundimit të ndeshjes, ka shënuar golin e fitores. “Ka kaluar shumë kohë, nuk është puna vetëm te tri pikët, por edhe besimi që kemi të vetja, - tha mbrojtësi i Liverpulit, Xhemi Karragher. - Kemi qenë shumë kohë jashtë luftës për titull, gjithmonë vetëm Mançester dhe Çelsi. Na jep një hapsirë në krye të renditjes dhe ky është vendi që na takon të jemi”. Liverpuli ka humbur pesë dhe ka barazuar një nga gjashtë ndeshjet e fundit në shtëpi kundër rivalëve të tyre dhe u duk shumë pranë një humbjeje tjetër, kur Berbatov shërbeu për Karlos Tevez për të shënuar golin e avantazhit. Portieri Edvin van der Sar i dhuroi Liverpulit një gol barazimi në minutën e 27, ku devijoi goditjen e Ksabi Alsonsos në këmbët e Ues Braunit. Liverpuli ishte skuadra më e rrezikshme gjatë të gjithë takimit dhe Rafa Benitez, që kërkonte për fitoren e parë ndaj Mançesterit që nga mbërritja e tij në “Anfild” katër vite më parë, ka hedhur në fushë Stiven Xherrard dhe Rajan Babel në pjesën e dytë. Mesfushori holandez ka shënuar në pozicion ballor me portën, pas një pasimi të Kuijt. Ai ka gjetur me lehtësi apriotin e tij, duke goditur keq topin, i cili është ngritur dhe ka prekur pjesën e sipërme të rrjetës së mbrojtur nga Van der Sar. Junajtid, që humbi Majkëll Kerrik gjatë lojës për shkak të një dëmtimi, e ka mbyllur një ndeshje për t’u harruar, me dhjetë lojtarë, pasi Nemanja Vidiç doli nga fusha me karton të kuq. Ai nuk do të jetë i gatshëm në fundjavën e ardhshme kundër Çelsit. Benitez tha: “Treguam karakter dhe cilësi, punuam shumë në fushë dhe në pjesën e dytë ishim absolutisht skuadra më e mirë në fushë. Ishte e rëndësishme për vetbesimin e lojtarëve. E dimë që mund të fitojmë kundër çdo skuadre”.

Shënon Robinjo, por feston Çelsi…



Braziliani debuton me gol te Mançester Sitit, por “blutë” e Skolarit fitojnë 3-1

Robinjo debutoi me gol te Mançester Siti, por Çelsi fitoi bindshëm dhe mund të festojë kryesimin e kampionatit, me pikë të barabarta me Liverpulin, pas katër javëve të para. Braziliani, i blerë për 42 milionë euro, kaloi në avantazh “blutë”, me një goditje dënimi, pas 13 minutash lojë. Sulmuesi, që u kërkua me ngulm nga Çelsi, la Realin e Madridit dhe zgjodhi Mançester Sitin, në ditën e fundit të merkatos. Gjithsesi, dje nuk ishte dita e Robinjos, por e Çelsit. Qendërmbrojtësi Rikardo Karvalho vuri barapeshën vetëm tri minuta më vonë dhe pjesa e parë u mbyll 1-1. Në 45 minutat e dyta, londinezët dominuan në të gjitha drejtimet dhe shënuan dy gola të tjerë me anë të Frenk Lampardit dhe Nikolas Anelkasë. Zhgënjimi i vetëm për Çelsin erdhi në minutat e fundit të takimit, kur kapiteni Xhon Terri u ndëshkua me karton të kuq për një ndërhyrje të ashpër nga brazilianit Xho. “Lideri” do të mungojë për ndeshjen e të dielës së ardhshme, ndaj Mançesterit, në “Stemford Bridxh”. Gjithsesi, fitorja e djeshme tregoi se skuadra e Skolarit, edhe pa Robinjon, është ende disa shkallë mbi Mançester Sitin, që është shndëruar në një “kantier ndërtimi”, nën urdhërat e Mark Hjuxhsit. “Donim me çdo kusht fitoren dhe e arritëm bindshëm atë, - tha Skolari. - Kjo ishte një ndeshje e madhe dhe po pres me padurim të tjerat. Në mesjavë Bordoja për Championsin dhe pastaj Mançesteri në këtë kampionat, sezoni ka filluar seriozisht dhe fatmirësisht skuadra ime është e gatshme ta përballojë.” Ndërkohë, Mark Hjuxhs tha: “Futbollistët e Çelsit luajnë prej disa vitesh me njëri-tjetrin, ndërsa disa nga futbollistët e mi nuk njiheshin përpara së premtes. Gjërat do të përmirësohen në të ardhmen.”

Ferguson: Kam ekip të kompletuar

Trajneri i Mançester Junajtid, Sër Aleks Ferguson ndihet i lumtur për grupin e futbollistëve që ka në dispozicion ndaj dhe merkatoja e janarit nuk i duket e domosdoshme për blerje të reja. "Nuk mendoj se do të ketë transferta në klubin tonë. Jam i lumtur me futbollistët që kam," tha Ferguson. Fokusimi i tij i momentit mbetet sigurimi i vendit të parë nga "Djajtë e kuq", të cilët kthehen në Premier Ligë, me dy ndeshje më pak se kryesuesit e renditjes, Liverpul dhe Çelsi. "Në Japoni shkova me 23 lojtarë dhe të gjithë janë cilësorë. Do të isha i lumtur nëse luan çdokush. Fitimi i këtij kompeticioni ishte një stimul i madh për klubin dhe lojtarët. Është provë e mirë për të treguar se skuadra luan nivelin më të lartë të futbollit".

Liverpooli i mahnitshem, Chelsea ndalet



Liverpool ka mundur 5-1 ne transferte Newcastle ne ndeshjen e pare te javes se 20-te te Premier League. Djemte e Benitez arriten nje sukses te madh duke i poshteruar keshtu vendasit fale dygoleshit te kapitenit Gerrard dhe golave te Hyypia, Babel dhe Xabi Alonso. Ne pjesen e pare Edgar e kishte ngushtuar diferencen. Me kete fitore Liverpool ne krye te renditjes se Premier League me 45 pike. Newcastle ndodhet ne kuoten 22.

Rezultatet e djeshme:

Arsenal 1 - 0 Portsmouth
Bolton W. 0 - 1 Wigan Athletic
Everton 3 - 0 Sunderland
Fulham 2 - 2 Chelsea
West Bromwich A. 2-0 Tottenham H.
West Ham U. 2 - 1 Stoke C.

Ashley nuk e shet Newcastle



Pasi nuk gjeti asnje bleres te vlefshem, pronari i Newcastle Mike Ashley ka vendosur te mos e shese klubin. Ashley, i cili u be miliarder pasi krijoi nje zinxhir dyqanesh sportive, kishte vendosur ta shiste Newcastle pas protestave te shumta te tifozeve bardhezinj per shkarkimin e trajnerit Kevin Keegan. ‘Kam vendosur te mos e le skuadren, - pohoi Ashley, - dhe i premtoj tifozeve se viti 2009 do te jete i mbushur me gezime.”