Apple paraqet iPod Nano të ri

Ngjarjet nga Apple, kur
paraqiten produktet e reja, gjithmonë janë diçka e veçantë, e kjo
pikërisht për pluhurin e madh i cili qohet rreth tyre. Kësaj radhe,
Steve Jobs nuk ka paraqitur asgjë revolucionare, mirëpo ka pasur edhe
disa gjëra interesante, në mesin e të cilave - për ne është iPod Nano i
ri.Apple në ngjarjen e emëruar 'Let's Rock' ka paraqitur të gjitha
ato që janë pritur, por jo edhe më shumë se kjo. Për fillim, në të janë
iTunes 8, të cilat sjellin disa risi të mira – para së gjithash mënyra
e re, inteligjente e organizimit të koleksionit tuaj muzikor, e emëruar
Genius, si dhe mundësia e shkarkimit të video përmbajtjeve në
rezolucion high definition (HD).

Janë paraqitur edhe një sërë aplikacionesh dhe firmuare (2.1) i ri për
iPhone, mirëpo pjesa më interesante e prezantimit megjithatë ka qenë
iPod Nano i ri. Kjo pajisje ka përjetuar disa ndryshime shumë
interesante, mirëpo prapëseprapë është ai iPod-i i vjetër e i mirë, që
do të thotë se, nuk janë nisur gjërat në drejtimin në të cilin është
duke shkuar iPhone.

Risitë janë jashtëzakonisht të vogla, shtëpizë e lakuar nga alumini
(edhe xhami është i lakuar) si dhe mundësia e blerjes në një varg
ngjyrash të ndryshme. Në të gjendet edhe sensori i lëvizjeve, që do të
thotë se iPod Nanon e ri, për shembull, mund ta tundni për të kaluar në
këngën e radhës. Në të gjendet edhe mbështetja për video, derisa
bateria Nanon do ta mbajë rreth 24 orë të dëgjimit të muzikës dhe katër
orë të shikimit të video materialeve.

Steve Jobs ka zbuluar edhe versionin e ri të iPod Touch, diç më të
hollë, me mbështetje më të mirë për grafikën 3D dhe sensorin e
lëvizjeve, si dhe me një varg imtësirash tjera.

Megjithatë, mbi të gjitha, nuk është paraqitur asgjë që nuk është
pritur. Kompanisë Apple me të vërtetë po i ecën mbarë shitja e
pajisjeve mobile multimediale dhe këtë do ta vazhdojë për aq gjatë sa
t’i ecën kështu.

www.apple.com







___________________________