Gjyqi më i gjatë dhe më i shtrenjtë në Oksford, liron nëntë shqiptarë

Një grup shqiptarësh të akuzuar se drejtonin një perandori kokaine, u
lanë të lirë nga gjykata pas një procesi që kushtoi të paktën 1,9
miliardë paund dhe një hetimi policor që zgjati të paktën dy vjet.Në fund të një procesi 11-mujor, jurisë iu deshën vetëm dy orë dje, që
të lironte nga akuza nëntë burrat, pesë prej të cilëve nga Oksfordi dtë tjerët nga Deddingtoni dhe Didkoti.

Kjo çështje gjyqësore
është një nga më të gjatat që është mbajtur në Oksford dhe u ka
kushtuar taksapaguesve të paktën 1,9 miliardë paund. Gjithsesi, kjo
llogari nuk përfshin koston e mbajtjes në burg të të akuzuarve dhe
periudhën nëntëmujore të survejimit policor.

Prokuroria deklaroi se e pranonte vendimin e gjykatës, por insistoi se ishte e drejtë që çështja të çohej në gjyq.

Por Elton Celbiqiri, 30 vjeç, me banim në rrugën "Margaret" në
Oksfordin Lindor, tha: "Falënderoj Zotin që kishim një gjykatë. Unë
akoma nuk e di pse policia mendonte se ne e kishim bërë këtë".

Eltoni ishte akuzuar se grumbullonte dhe presonte kokainë nga një
shtëpi në Didkot dhe e shpërndante atë në Oksfordshajër dhe në Anglinë
Jugore. Hetimi nëntëmujor dhe operacioni i survejimit ishte drejtuar
nga grupi i krimit të organizuar në Policinë e Thejms Vallej. Burrat,
të gjithë nga Shqipëria, u arrestuan në mars të vitit 2008. Elton
Celbiqiri thotë: "Ata kontrolluan shtëpinë time, shtëpitë e miqve të mi
dhe nuk gjetën asgjë. Më kanë hequr lirinë për 20 muaj".

Leon
Çuedari, 32 vjeç, që jeton në Dedington, kaloi 17 muaj në burg. Ai
thotë: "Ishte ferr. Më morën nga fëmija im kur ishte gjashtë muajsh dhe
më mori malli shumë. Jam i kënaqur me drejtësinë britanike, por jo me
policinë. Ata shpenzuan kaq shumë kohë dhe para në këtë hetim. Pse"?

Baba i tre fëmijëve, Oltjon Nezha, 36 vjeç nga Didkoti, qëndroi në burg
për 18 muaj. Ai thotë: "Humba punën time te BMW, humba edhe shtëpinë.
Këto dy vite kanë shkatërruar jetën time. Sistemi britanik i drejtësisë
është më i miri në botë, por policia kishte sajuar gjithçka".

Gention Haizaj, 28 vjeç; Elmand Koshaj, 36 vjeç; Rickson Gill, 26;
Ervin Meta 27; Artan Lleshi 34 dhe Uljan Nelku 31 vjeç u liruan nga
akuzat gjithashtu. Të gjithë kanë kaluar një periudhë në burg. Pasi
shpalli verdiktin unanim, juria i ftoi nëntë shqiptarët të pinin nga
një gotë në pab.