Re: Poezi te ndryshme

nga **NothingElseMatters** Tue May 07, 2013 5:02 pm

TRISHTIMI

Po iki me trishtim i zhgenjyer nga miqte
E mbylla dhe deren qe rrinte e hapur
Per lajkataret, per rrenacaket e smirezinjte
Qe shtireshin engjej te dashur.

Ku vete s'e di , vec s'dua te kthehem
Serishme ne rrenat e jetes
Diku ne nje skaj te larget do prehem
me qafen e futur ne jaken gri te xhaketes.

DRITËRA AGOLLI

nga **NothingElseMatters** Tue May 07, 2013 5:04 pm

MOS MA KUJTO

E shkuara ka caste dhe ore te hidhura, mos ma kujto
per shembull, me pe me duar te lidhura, mos ma kujto!

Per shembull me pe ne rruge te pire, mos ma kujto,
Te pire e te humbur, te share e te grire, mos ma kujto!

Per shembull me rrahen dy-tre vagabonde, mos ma kujto,
Tek shihja nje grerez tek rrinte mbi gonxhe, mos ma kujto!

Per shembull pesova diku nje disfate, mos ma kujto,
Dhe gjumi s'me zinte me dite e me nate, mos ma kujto!

Per shembull me pe duke ecur e qare, mos ma kujto,
Mbeshtetur pas murit me zemer

te vrare, mos ma kujto!

Per shembull me pe duke ngrene e genjyer, mos ma kujto,
Te prishur, te shturur, te rene e te thyer, mos ma kujto!

Per shembull ne shtrat s'u bera per burre, mos ma kujto,
I turpshem i drodha si qengj nen lekure, mos ma kujto!

E shkuara ka ore dhe caste te hidhura, mos ma kujto,
Ka drojtje dhe heshtje kur lipsen te thirrura, mos ma kujto

Dritëro Agolli

nga Vizitor Sun Apr 26, 2015 7:05 pm

DOJA TË TË DUA

Doja të të dua, sigurisht që doja,
Doja të të shihja,ty, si perëndi,
Edhe pse e dija që shumë po gaboja,
Gabimi im i këndshëm, mban emrin "dashuri".!

Ti, ishe një “bote” tjetër e unë aty jetoja,
Aty nuk kishte ligje, kish’ veç mirësi,
Kur dilja në anë’ tjetër, më thoshin që gaboja,
E tek ty kur “hyja” çdo gjë ish’ mrekulli..!

Ajo “bota” jote nuk kishte përcaktime,
E as fe nuk njihte, as mosh dhe as ngjyrë,
Por ish “ana tjetër”, gjithë paragjykime,
Aty ku të gjithë zerat kishin një fytyrë..!

Her’ këtej e her’ andej, tek ti folenë e ngrita,
Aty ku valët sillnin plot ndjenja dashuri.
Aty ku edhe territ nuk i mungonte drita,
Aty ku edhe hëna, nuk ndillte nostalgji..!

Her’ këtej e her’ andej, një ditë do vinte fundi,
Se ç’do gjë e bukur nuk mund të zgjas përjetë.
Gjithë ajo vajtje-ardhje, në bindje më lekundi,
E zgjodha “botën” tjetër dhe pse se doja vetë.!

Tani kur më sjellë rruga në kufijtë e tua,
Përpara portës kyçur, me mall rri e vështroj,
Ndizet prap dëshira mbushur plotë “të dua”,
“Më lini ju, o njerëz, më lini të gaboj”..!

Doja të të dua, sigurisht që doja,
Doja dhe të kisha, ty, si perëndi,
Mi’jra herë të tjera, sikur ta provoja,
Të njëjtin gabim të këndshëm, do t’bëja përsëri…!

xxxx..

nga Vizitor Wed May 06, 2015 3:28 pm

“Flutura në zemrën time”

Më duket bota më e bukur
Kur prezencen tënde ndjej.
Ç'të të bëj që je një flutur,
Herë të humb e herë të gjej !

Gjatë e gjerë e shtriva zemrën
E bëra fushë me lule plotë.
Kurthe ngrita për ty flutur
Por ç’e do, s’të kapa dot !

U pajtova me dëshiren
E të lash te jesh ashtu.
I’u nënshtrova reaitetit
Ti atje e unë këtu .

Vjen ngadalë në zemrën time
Edhe ulesh pa u ndjerë.
Ndonjëherë, je muza ime
Dhe mërzia, ndonjëherë..!

Disi kështu kalon dhe koha
Rend dhe jeta disi kështu
Qysh at’herë që ty të njoha.
Ti atje e unë këtu..!

Thonë që shpresa vdes e fundit,
E unë them, “ pas saj do t’vdes”
Dhe pse tek unë ka kohë që humbi,
Unë ty prap se prap, të pres !

Më duket bota më e bukur,
Ndaj preferoj të rri me ty.
Ç’të të bëj që je një flutur,
“Herë këtu e herë aty”..!
********************************************

@Bledi Ylli

nga Vizitor Sat Jun 06, 2015 3:27 pm

Mbretëria ime*..!

Nëse ti do t'ishe ''ujë''
Unë do t'bëhesha, shkretëtirë
E do t'prisja që të vije
Me shumë etje e dëshirë !

Nëse ti do t'ishe qiell
Unë do t'bëhesha, një yll
E tek ty i strukur thellë
Sytë, të hap edhe të mbyll...

N'ato orë, kur je me mua
Dhe pse je vec nje kujtim
Pafundësisht më shumë të dua
Rrënjët ke në shpirtin tim...

Ti një ndjenjë që vjen e etur
Brenda meje e ndez zjarr
Dhe pse hyn e del pa pyetur
Unë të dua si i marrë...

Je pikturë në zemrën time
Që askush nuk të shikon
Ti je muza ''klandestine''
Që me gjakun, qarkullon..!

Je një plagë mbushur kujtime
E që kurrë s'munda t'a zhduk
Mbretëron në jetën time
Të shërbej, si një evnuk..!
************************
@Bledi Ylli