Prostituta luksi....Jeta e dyfishte e nje studenteje!

nga Barbi Sun Jul 12, 2009 1:22 pm

Jeta e dyfishtë e një studenteje. "Kjo është zgjedhja ime e lirë"

Prostituta luksi Tiranë, "Filloj me 100 euro"

TIRANE

Në Tiranën e natës mund të ndodhë gjithçka. Në Tiranën e natës mund të gjesh gjithçka. Mjafton të kesh mundësi për të paguar dhe të gjesh njerëzit e duhur". Personi që i thotë këto fjalë është një sipërmarrës i mesëm italian. Si një mesdhetar i mirë ka pasion veshjet e bukura dhe gratë. Ai ka një aktivitet të përbashkët me një ortak shqiptar dhe thotë se në Tiranë ka gjetur një parajsë që nuk e imagjinonte dot më parë. "Dielli këtu i bën vajzat më të bukura. Janë të ngrohta dhe të dëgjueshme. Dhe mbi të gjithë një e dashur shqiptare kushton më pak", thotë ai. Ky ishte njeriu që më ftoi të vizitoja Tiranën duke më thënë se është një vend i çudive dhe për një gazetar si unë do të ishte gjithmonë interesant. Në të vërtetë u nisa si turist, për pak ditë, por rishtaz bëra zanatin e gazetarit.

Bosi i ri
Rinasi është aeroporti i vetëm i kryeqytetit shqiptar. I vogël dhe i paorganizuar, ngjan si një aeroport province. Tashmë është dhënë me koncesion me shpresën se do të bëhet një aeroport vërtet modern. Në aeroport na presin me një mercedes akull të ri - makina dy në tre makina në Shqipëri - dhe shofer është një djalosh i ri që thotë me bindje se paratë nuk i mungojnë kurrë. Në fakt kjo do të ishte gjatë tre ditëve të qëndrimit tonë në Tiranë kryefjala e të gjitha bisedave të tij. Kishte mbaruar vetëm studimet e larta për jurisprudencë, por nuk kishte punuar asnjë ditë më profesionin e tij.kishte provuar emigracionin në Itali për tre vjet. "Vuajtja vetëm në fillim, pastaj dita të shfrytëzoj shansin tim. E bëra se kam vetëm një jetë dhe atë nuk dua ta jetoj si babai im", thotë ai. Në mbrëmje, në një nga klubet më luksoze në Tiranë, një shartim mes një pub-i dhe diskoje, të arreduar me shije, pikërisht në qendër të Tiranës, në zonën e quajtur Bllok, ai la kuptohej se cili kishte qenë shansi që i kishte dhënë një jetë të ndryshme nga e të jatit, një zyrtar i mesëm në rregjimin komunist. Aty takova dhe mikun italian që më kishte ftuar. Përshëndeti pothuaj gjysmën e lokalit. Me djemtë shtrëngonte fort dorën, kurse vajzat i përqafonte. Ishte një fytyrë e njohur në atë lokal.

Oferta
"Bosit" nuk i bëri përshtypje kur i thashë se jam gazetar. Qetësisht më shpjegoi se dhe njerëzit e zanatit tonë kanë nevojë të argëtohen. Më pyeti sesa doja të shpenzoja për një natë seksi. "Nëse do një femër cilësore, nuk gjen më pak se 100 euro. Natën e gdhijnë në pub-e, ditën shkojnë në universitet. Përgjithësisht janë vajza të ardhura nga rrethet, por nuk mungojnë dhe kryeqytetaset. Jeta këtu është e shtrenjtë dhe për të jetuar siç do të donin, seksi është shansi i tyre. Por çmimi nuk ka tavan. Ka të tjera që pasanikët tanë të martuar i mbajnë si dashnore, u paguajnë gjithçka, u blejnë makinë, ndodh edhe shtëpi", më shpjegon me një italishte perfekte. Dy celularët që mban në tavolinë bien herë pas here. Përgjigjet shkurt dhe duket i qetë dhe i sigurt në vete. Shpjegon se në Shqipëri nuk ka prostitucion në rrugë. "Janë vetëm disa cigane që dallohesh nga larg se çfarë janë dhe që kushtojnë edhe tre-katër euro. Gocat e mira - ai nuk e përdor asnjëherë fjalën prostitutë - kanë klas", thotë ai. Në vetëm dy minuta ai mbyll një pazar me një vajzë të mirë në telefon. Nga gjuha e tij kuptova vetëm se bëhej fjalë për një italian. Në italisht më shpjegoi se ajo nuk shkonte asnjëherë me shqiptarë. "Të huajt preferohen sepse paguajnë më mirë, bëjnë dhurata dhe nuk "të bëhen rrodhe" madje ndodh edhe që historia e nisur me para mund të përfundojë me martesë sepse të gjitha gocat këtu ende e kanë me shumë qejf martesën.Dhe vetëm pesë minuta më vonë "goca e mirë" hyri në lokalin tonë. Ishte vërtet një bukuri mesdhetare. Ndonëse tiparet e mprehta të një bruneje të lindur, zbuteshin nga flokët e bëra bjonde.

Goca e mirë
Ne qëndruam të katërt së bashku për një gjysëm ore. Ajo ishte studente. Më tha se kishte ëndërr televizionin dhe të vazhdonte studimet jashtë. Dhe se i pëlqente të vallëzonte. Dolëm jashtë nga lokali dhe më tha se banesa ishte fare pranë. Në zonën më të shtrenjtë të Tiranës, ku çmimi për metër katror i banesave është gati në të njëjtin nivel me Perëndimin. Ai ishte një apartament me më shumë se 150 metra katrorë dhe ishte një nga katër të tillët në pronësi "bosit" që kisha njohur. Me një lehtësi të habitshme më shpjegoi se ishin tre vajza që e bënin këtë punë për bosin. Nuk kishin sherre dhe paratë i ndanin në mënyrë demokratike, sigurisht mbasi hiqnin paratë për "qerane". "Eshtë xhentil dhe nuk bën kurrë sherr për qindarka. Por mbasi të mbledh disa para do të punoj vetëm për veten time. Kështu kanë bërë disa shoqe të miat. Kështu do të bëj dhe unë", më tha duke shtuar se ndiqte kurse private vallëzimi me shpresën që të merrte pjesë në ndonjë prej spektakleve të shumtë që zhvilloheshin në Tiranë. "Ai është kulmi. Po të të shohin në televizor, bëhesh VIP dhe paratë rrjedhin lumë dhe unë nuk jam e vetmja. Si unë ka shumë", më tha.

Paragjykimi
Në Tiranë prostitucioni nuk është legal. Një nga sharjet më të rënda që mund t'i bëhet një femre është ta quash atë prostitutë. Por në të vërtetë, në Tiranë ky është një fenomen që ekziston si një realitet që të gjithë e dinë, por nuk duan ta pranojnë. Policia duket e pafuqishme ta ndalojë dhe godet herë pas here vajzat e rëndomta të rrugës. Kurse "gocave të mira" e ka të pamundur t'u afrohet. Shkuam sërish në një tjetër klub. I mbushur plot me të rinj që argëtoheshin shkujdesur. Pothuaj të gjitha vajzat pinin duhan. Ngjanin më së shumti me ikona televizive. "Çmimet e këtij klubi janë shumë të larta dhe kjo bën që këtu të vimë vetëm ne, klientela e zgjedhur", më tha ajo. Kur u ndamë më dha numrin e saj të telefonit. Taksinë e thirri vetë dhe hipi në të pa problem. Për t'u kthyer sërish në apartamentin e saj. Së bashku me bindjen se nuk kishte bërë asgjë të gabuar. "Prindërit e mi nuk dinë se çfarë bëj. Kur shohin notat e mia në universitet mendojnë se e gdhij mbi libra. Sepse unë mund t'i blej ato me para. Sa do zgjasë jeta që bëj? Eh, nuk di e di, por kam vetëm një jetë dhe dua ta jetoj siç duhet më thotë". Kështu ndodh në Tiranë, ku gjithçka e ka një çmim. Ku të gjithë dinë se çfarë ndodh, por nuk kanë qejf t'ju flasësh për të.

nga capkenja Sat Dec 26, 2009 11:00 pm

Ky eshte nje realitet dhe nuk ndodh vetem ne Tirane por dhe ketu ku jam une ka shum histori te ngjashme.Eshte per te ardhur keq me te verte per te ardhmen e rinise kudo neper bote.

nga rebel aka unikkatil Sun Dec 27, 2009 12:38 am

seshte fare per te ardhur keq capkene,sepse cdo njeri e ka jeten ne doren e vet dhe e ben cte doje,nese keto vajza preferojne te bejne ate pune hallall ua befte zoti se une mendoj qe puna seshte turp,e keqja eshte kur i detyrojne keto vajza te bejne kete pune,po nje gje them une qe sa te ste ket kurupsion dhe mafiozllek keto fenomene do te ekzistojne...

nga dajti i modh Mon Dec 28, 2009 6:50 am

zanot i vjeter lol!

nga **Morena** Mon Dec 28, 2009 5:58 pm

E kam lexuar kete artikull dhe te them te drejten , nuk kam ndjere keqardhje aspak per ate lloj "specie" sic mund ta quaj , sepse ajo mund te kete cdo gje, pervec emrit Femer!Ky eshte ne rradhe te pare mashtirim i vetvetes, dhe i prinderve qe sakrifikojne per te.Nuk shohin asgje pertej veshjeve te shtrenjta, bizhuterive,makinave dhe apartamenteve tek Blloku, etj si keto. Dhe te gjitha keto fitohen nga shitja e trupit te tyre, dinjitetit te tyre dhe qenien e tyre ne pergjithesi.
Doja ti kujtoja kesaj lloj kategorie se : Ka shume gjera te rendesishme ne kete jete, dhe te jeni te sigurt se nje nder to nuk eshte paraja. Ia vlen te punosh dhe te fitosh pak, vetem per te qene njeri me dinjitet ...

nga rebel aka unikkatil Mon Dec 28, 2009 6:03 pm

kjo bot ka lloj lloj rob...edhe ato vajze qe bejne kete pune femra quhen dhe duhet ti respektojme si gjithe te tjerat...une atyre vajzave qe jane te detyruara te bejen kete pune su ve faj,faj u ve atyre qe e behne me deshr dhe jo me pahire...edhe dajti ka te drejt eshte zanat i vjeter ky...dhe do vazhdoje kshu te jete...

nga **MONDI** Fri Jun 04, 2010 8:50 pm

skane faj eshte shtrenjtuar shume jeta ne tirane edhe tangerllikun e kane maximum dhe si lene hundet te hane bare kur thote ajo fjala e vjeter

nga Arushe Wed Jul 07, 2010 9:00 pm

Qellimi justifikon mjetin dhe fitimin, shumica nga ne qe kemi shkuar jasht kemi shkelur disa ligje qe jane me burg si largimi nga shqipria pa dokumente ose me dok fallco hyrja ne nje shtet tjeter po ne te njejten menyr puna pa dokumente etj...

te gjitha keto jan te jasht ligjshme por i kemi ber me vetdie sepse kishim nje qellim te kishim me shume mundesi per vete per te bere dicka ne jete

e njejta gje esht edhe me to biles me e lehte dhe me e kendshme se sa puna jone .

eh sa gjera mund te thuhen ketu..

nga **taku** Thu Jul 08, 2010 12:46 am

qefe qefe kjo dynja po se eshte paraja gjithcka, po nejse po qen te lumtura ato qe e bejne kete pun te lumtur jemi dhe neve dhe nji dit kur te ken paran nuk besoj se do ken na nji lumturi ne jet,kam degjur nji pornostare italjane kur po tregonte per jeten e saj dhe tha un kam paran gjithcka por mua tani dhe mashkulli me i bukur ne bot te me vij un sndiej me asnji gje

nga **Tironcja_omel** Wed Oct 06, 2010 11:10 pm

Me vjen keq per gocat qe shfrytezohen nga te tjere, dhe bejne kete pune "imorale" pa deshiren e tyre, ndersa per ato qe punojne me deshire them qe kane gjetur veten e vet ne ate pune.Nuk ndryshojne dot, ashtu jane lindur..dhe jane te lumtura.Nuk duan te punojne e te lodhen ndershmerisht!

nga dajti i modh Wed Oct 06, 2010 11:17 pm

a kto sdudentet na moren ne qafe lol (-)

nga JK Wed Sep 03, 2014 5:51 pm

Jo vetem ne tiran,por ne cdo qytet ka studente qe bejn jet te dyfisht,e kam lexuar dicka te till ne nje gazet
ka prinder qe i detyrojn vajzat ta bejn dicka te till,nese ti nuk i con detyrimet femijes ateher cpret nga ajo