Sekreti i buzeqeshjes.....Dhembet

nga Barbi Fri Jul 03, 2009 9:15 pm

Janë disa xheste të vogla të përditshme që ne bëjmë për të mbrojtur dhëmbët tanë të bardhë e të shëndetshëm. I ruajmë dhëmbët nga ëmbëlsirat, por dhe nga sugot e frutave, pijet dhe agrumet të cilët ccuditërisht prishin zmaltin e dhëmbëve.

Ne e kemi ditur gjithnjë që karamelet dhe ëmbëlsirat shkatërrojnë dhëmbët. Por surprizë. Shoqata amerikane e dhëmbëve, shoqata e dentistëve amerikanë ka treguar se mes mes armiqve të zmaltit nuk janë vetëm sheqernat, por dhe ushqimet shumë acide.
Si psh agrumet, me në krye limonin. Ose lëngjet e frutave dhe pijet e gazuara mbi të gjitha ato që kanë në bazë kolën, të cilat kanë konservues si acidi ortofosforik. Të konsumuara cdo ditë dhe për një periudhë të gjatë kohe acidet mund të indebulojnë zmaltin e dhëmbëve deri sa ta konsumojnë atë. Kjo nuk do të thotë se pijet që janë të rrezikshme duhet të hiqen nga qarkullimi, dhe mbi të gjitha agrumet që bëjnë pjesë në një dietë të ekuilibruar. Por ndonjë përkujdesje është e domosdoshme. Ja disa nga truket që mund të përdoren për të shpëtuar buzëqeshjen.

*Të evitohen përtypjet e vazhdueshme të snekëve dhe karameleve ose të thithet për një kohë të gjatë një pije. Sepse në këtë mënyrë përbërësit e rrezikshëm mbeten mbi zmalt dhe nuk i jepet mundësi pështymës të krijojë atë cipë mbrojtëse të krijuar nga kripërat minerale dhe enzimat. Ideale është të konsumohen pije dhe agrume në brendësi të vaktit, ose të paktën të pasur me ushqime të tjera. Një truk tjetër për pijet është të pihen me pipës. Në këtë mënyrë nuk hyjnë në kontakt me zmaltin.

*Pasi të kesh ngrënë e pirë sa më shpejt të lahen dhëmbët aq më mirë është sa më shumë të presim aq më shumnë acidet do të konsumojnë dhe mund të bëjnë dëm. Pasta e dhembëve, pastaj përmban përbërës që tamponojnë efektet e tyre negative duke ristabilizuar pehazhin e gojës. Nëse nuk keni pastë dhëmbësh duhet të bëni disa shpëlarje me ujin e rubinetit.

Dy mollë në ditë heqin dentistin nga qarkullimi sepse përmbajnë përbërës natyralë që ndihmojnë të mbahet i pastër zmalti. Përvec kësaj eshte edhe furca natyrale që eleminon në mënyrë mekanike prishjen e dhëmbëve.

Kujdesi per dhembet

Dhëmbët e shëndetshëm, përveçse përmirësojnë paraqitjen estetike, kontribuojnë në mirëqenien e përgjithshme dhe pakësojnë ndërhyrjet e dentistit. Por cilat janë shkaqet themelore të problemeve të dhëmbëve si psh, kariesi? Si mund t'i parandalojmë? Është arritur në përfundimin se një higjienë jo e mirë e gojës, një ushqim jo i rregullt dhe një mënyrë të jetuari që mund të shkaktojë stres dhe ulje të imunitetit, janë shkaktarët e problemeve të gojës dhe të dhëmbëve.

Mishrat e dhëmbëve dhe tartari

Një higjienë e keqe, jo vetëm që është origjina e kariesit të dhëmbëve, por dhe shkaktari kryesor i infeksionit të mishit të dhëmbëve. Tartari është një pllakëz bakteriale e ngurtësuar dhe e depozituar përreth dhëmbëve. Fillimisht kjo pllakëz shkakton infeksion në mishin e dhëmbit dhe më vonë infeksioni përhapet dhe mund të arrijë deri në kockë, gjë që çon në mënyrë të pashmangshme në rënien e dhëmbit. Bakteret e para që mbulojnë sipërfaqen janë përgjithësisht bakteret gram-pozitive, kokët, sidomos streptokokët dhe kokobacilet, siç është antinomyces. Shtresa fillestare është e karakterizuar nga një veshje e përkohshme e sipërfaqes së dhëmbëve. Me kalimin e kohës ngurtësimi bëhet më i fortë dhe më i vështirë për t'u shkatërruar. Fillojnë të vihen re dhe fryrje të mishrave të dhëmbëve, që i hapin rrugë një infeksioni të thellë të tyre, duke krijuar një ambient ideal për mikrobet anaerobe, të cilat nuk kanë nevojë për praninë e ajrit për t'u zhvilluar. Prezenca e baktereve specifike në sipërfaqen e dhëmbëve është një element i padiskutueshëm për të shkaktuar infeksione të ndryshme. Vetëm prezenca e mikroorganizmave nuk është e mjaftueshme për të shkatërruar pllakëzat që ngurtësohen në sipërfaqen e dhëmbëve. Në të vërtetë bakteret provokojnë një përgjigje të imunitetit (reagime mbrojtëse dhe stimulime irrituese) të organizmit në të cilin përhapen. Kjo përgjigje është dhe shkaktare e shkatërrimit të disa pllakëzave. Dallohen mishrat e dhëmbëve të veshur, të cilët është e mundur të "pastrohen" pas një terapie të duhur nga paradonititët, të cilët shkaktojnë një veshje shkatërruese për sipërfaqen e dhëmbëve.

Parodontitët

Janë një grup sëmundjesh që karakterizohen nga shkatërrimi i aparatit bazë të dhëmbit. Paraqiten me humbje të sipërfaqes së dhëmbit, formime të theksuara të qeskave etj. Këto sëmundje janë të lidhura ngushtë me mënyrën e jetesës së individëve, provokohen nga disa lloje bakteresh dhe influencohen gjatë zhvillimit të tyre nga një sërë faktorësh lokalë (një higjienë e keqe e gojës) dhe të përgjithshëm (trashëgimia gjenetike, duhani, diabeti stresi, marrja e ilaçeve të caktuara farmaceutike).

Aktualisht parodontitët janë shkaktarët kryesorë të humbjes së dhëmbëve. Në të shumtën e rasteve nuk diagnostikohen deri në humbjen e dhëmbit ose diagnostikimi i tyre bëhet me shumë vonesë. Parodontitët mund të jenë një faktor i rrezikshëm për përhapjen e infeksionit në gjak dhe në zemër. Prandaj sëmundja parodontale duhet të diagnostikohet dhe të kurohet me kujdesin më të madh. Në të shumtën e herëve duhet të ndiqet një terapi, e cila duhet të jetë gjithmonë nën vëzhgimin e dentistit gjatë ecurisë së saj në mënyrë që të shmanget zhvillimi i sëmundjes, duke rrezikuar në ndërhyrje më të mëdha dhe të rrezikshme për organizmin. Parandalimi dhe terapia janë shumë efikase në pjesën më të madhe të rasteve.

Kariesi

Kariesi përbën një proces shkatërrues për dhëmbin, shkaktarë të të cilit janë bakteret e pranishme përreth sipërfaqes së dhëmbëve (pllakëzat bakteriale). Numri i mikrobeve të izoluara në gojë është më shumë se sa 350, por janë të pakta ato të cilat janë të implikuara në krijimin e kariesit. Pjesa më e madhe e baktereve të implikuara në pllakëzat bakteriale të krijuara në sipërfaqen e dhëmbëve përfaqësohen nga: streptokoko mutans lactobacilli dhe actinomiceti. Këto baktere në qoftë se nuk do të lëvizen dhe të pastrohen nga furça e dhëmbëve, bien në kontakt me sheqernat që janë prezente tek ushqimet e përditshme. Janë pikërisht sheqernat ata që i japin këtyre baktereve forcën për të filluar shpërbërjen e mineraleve të dhëmbit, duke arritur deri në thellësi të tij.

Si te kujdesemi

Pasta e dhëmbëve lehtëson lëvizjen e pllakëzave bakteriale dhe ka substanca freskuese dhe kurative.

Fija pastruese e dhëmbëve duhet të kalohet rreth çdo dhëmbi në mënyrë që të përshkojë sipërfaqen e tij. Për çdo aplikim duhet të përdoret një sipërfaqe e papërdorur më parë e fijes.

Ushqimi

Ka një lidhje të dukshme mes kariesit dhe konsumimit të karbohidrateve (glucideve). Këta të fundit krijojnë substratin fermentues për bakteret e kariesit. Ky efekt negativ i karbohidrateve mund të modifikohet nga prezenca e elementeve të tjera ushqyese si: kalciumi, fosfori dhe fluori, të cilët kanë efekte mbrojtëse.

Frutat

Molla është një ndër frutat më të këshillueshme nga dentisti për dhëmbët, sipas rekomandimeve duhet të hahen jo më pak se dy të tilla në ditë.
Karotat duhet të përdoren çdo ditë, sipas specialistëve ato bëjnë mirë për zmaltin e dhëmbëve.

Dhëmbët

Kariesi shfaqet tek përdoruesit e sheqerit
Lidhja e drejtëpërdrejtë e sheqerit dhe e sasisë së kariesit është verifikuar nga shumë studime shkencore. Numri më i madh i përbërjeve të kariesit zhvillohet tek ata persona, të cilët marrin sheqer më shumë se katër herë në ditë jashtë vakteve të ushqimit dhe në formën e karameleve etj.

Kujdes me ushqimet e pakontrolluara

Parandalimi që mund t'i bëhet sëmundjeve të gojës, dhëmbëve dhe mishrave të tyre është mbajtja e një higjiene sa më të rregullt dhe të pastër të gojës dhe të dhëmbëve. Pastërtia e dhëmbëve dhe një ushqim i pasur janë bazat e parandalimit të këtyre sëmundjeve.

Furça e dhëmbëve

Është e këshillueshme që dhëmbët të fërkohen në drejtimin vertikal duke nisur nga mishi i dhëmbëve në drejtim të kundërt dhe kurrë e anasjelltas. Si sipërfaqja e brendshme e dhëmbit ashtu dhe sipërfaqja e jashtme e tij pastrohen me një lëvizje rrotulluese me drejtim nga jashtë.

Karota

Janë të njohura thuajse për të gjithë njerëzit veçantitë dhe të mirat e karotës. Përveçse u bën shumë mirë dhëmbëve dhe ndihmon në zbardhjen e tyre, karota i jep energji trupit të njeriut dhe bën të mundur stabilizimin e nivelit të kolesterolit në gjak. Nuk lihen mënjanë dhe vetitë e betakarotenit, aq shumë i këshillueshëm edhe nga mjekësia moderne, si një element bazë për jetëgjatësinë dhe funksionimin e mirë të gjitha organeve të njeriut.

Kujdes mishrat e dhembeve

Periodontiti eshte semundja qe prek indet e buta perreth dhembeve. Nje nga pasojat me serioze te periodontitit eshte jo humbja e mishrave te dhembeve, por e mases kockore te alveolave(vrimave ku inserohen dhembet. Kjo ben qe dhembet te levizin dhe dalin me ne siperfaqe. Duken njerezit qe kane nivele jo te njejta te dhembeve(kryesisht te poshtem).

Parandalimi i semundjes behet:
Duke lare dhembet me furce tre here ne dite(sa here pertypesh duhen hequr mbeturinat ushqimore)
Perdorimi i fijeve per pastimin e mbeturinave midis dhembeve.
Dy here ne vit behet pastrimi i gurezave te dhembeve.
Hygjene e larte ne goje.

Periodontiteti nuk prek vetem dhembet, nqs nuk kurohet infeksioni nuk ngelet thjesht nje infeksion oral, por kalon edhe ne rruget e frymemarrjes. Shkaqet me te shumta jane mbushje jo te rregullta te dhembeve, ne te cilat jane lene hapesira, ku fare mire mund te filloj nje infeksion, proteza (dentures) qe vrasin mishrat e dhembeve, po ashtu edhe nga nje hygiene orale qe le shume per te deshiruar, si edhe nga nje diete e crregullt.
Shenjat e para jane ndjeshmeria ndaj ushqimeve te ftohta dhe te nxehta, ere e rende e gojes, si edhe nje shije e hidhur qe ngelet aty edhe gjithe embelsirat e botes te hash.

Si ndihme fillestare jane gjitha llojet e ushqimeve qe permbajne vitamina C . Mungesa e kesaj vitamine sidomos kur vuan nga periodontiti, mund te coje ne renie/thyerje te dhembeve. Edhe mungesa e vitamines A qe ndihmon ne shendetin e mishrave te dhembeve mund te shkaktoje infeksion te tyre.
Nqs vertet nuk do te kesh shume probleme merr suplemente qe permbajne: sodium, potassium, calcium, fosfor, hekur dhe magnez. Mos harroni pastaj qe vitamina D eshte e domosdoshme per marrjen/thithjen e calcium nga trupi.

Nje diete qe permban sa me shume perime dhe fruta eshte nje plus i madh ne kete rast.

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Sekreti i buzeqeshjes.....Dhembet

Sekreti i buzeqeshjes.....Dhembet

MENU

SHTYPI I DITES

REVISTA

FAQET PARTNER