Berisha i shkul dhembet Edi Rames

nga Barbi Fri Nov 27, 2009 8:59 pm

Ministri i kërkoi të ëmës së kreut të opozitës të informojë shqiptarët për çrregullimet mendore të të birit

Monstra-Rama, 10 vjet i kuruar për skizofreni

Kryetari i Partisë Socialiste, Edi Rama është mjekuar për të paktën 10 vjet për skizofreni, gjë që dëshmohet edhe nga veprimet që ai bën qoftë në politikë qoftë në marrëdhëniet ndërnjerëzore. Kryeministri Berisha i kërkoi të ëmës së kreut të opozitës që t'u tregojë shqiptarëve të vërtetën për gjendjen e rëndë mendore të djalit të saj, i cili është mjekuar për më shumë se një dekadë për çrregullime mendore. "Një ditë nëna e tij më kishte nisur një letër të hapur, të cilën ia kishte diktuar i biri. Tani do i them zonjës; kam shumë respekt për ty, por do të ishte në integritetin tënd t`u tregosh shqiptarëve që e ke mjekuar djalin tënd Edvin Rama 10 vjet për skizofreni dhe e kanë mjekuar kolegët e mi. Duhet t`ua thuash shqiptarëve kur e sheh se çfarë po u bën shqiptarëve. Dil, ke kurajo si nënë shqiptare dhe ngrihu mbi sentimentet e një djali që të ka nxjerrë për leckash nga shtëpia e tij, me rroba gjumi në pazar. Dil, sepse është në interesin tënd më të mirë", u shpreh kreu i mazhorancës, duke shtuar se ky është koncepti që Rama ka për familjen. "Përdore fatkeqen, nënën e artistes së shquar për fushatë elektorale. Më thanë se i ke dhënë një apartament. Ta gëzojë në qoftë se e ke bërë këtë akt, sepse Matilda ishte një grua e mrekullueshme, por ti për familjen je një përbindësh i pashembullt në këtë vend. Ti po të mos kishe frikë mund të kryeje ndaj familjes si i tillë çdo lloj akti, por më të zeza i ke bërë. Ku ke fytyrë ti të përmendësh familje mbi ç`bazë e bën këtë? Mbi bazën e kompleksit dhe urrejtjes që ke për atë që e ke shkatërruar dhe di vetëm ta shkatërrosh", tha më tej Kryeministri.

Rama, i dhunshmi i nënës dhe grave të tij

Kryetari i opozitës Edi Rama është i mbërthyer nga një kompleks patologjik që lidhet me mungesën e familjes. Kreu i qeverisë iu kundërpërgjigj gjatë seancës së djeshme fushatës së shfrenuar që Rama ka ndërmarrë ndaj familjes kryeministrore. "I nderuar zotëri, është shumë normale të krahasojmë pak familjet. Meqenëse ti lakmon familjen time ditë për ditë, unë kam këtë përgjigje për ty: Ti vuan nga një kompleks i tmerrshëm nga një kompleks patologjik si askush tjetër. Kujtdo në jetë i kanë ndodhur ndarje, bashkime, i kanë ndodhur fatkeqësi, burgosje për probleme familjare. Por çdo njeri në jetë sa do të rënda t`i ketë pasur dramat është përpjekur të gjejë nordin", tha kreu i ekzekutivit, duke vlerësuar se familja është vlerë kryesore e njeriut, shoqërisë dhe njerëzimit, por kjo nuk vlen për rastin e Ramës. "Solemnisht para këtij Parlamenti dhe shqiptarëve do të shtroj pyetjen: cili është ai burrë, çfarë burri është ai që bashkëshorten e vet e akuzon se ka fëmijë me të atin e tij, ashtu siç ka botuar dokumentat ndihmësi i tij më kryesor, Erion Baze në fletushkën e tij? Cili është ai baba, që i mohon djalit kafshatën e gojës? Çfarëdo që të ketë bërë djali, kafshata si mohohet aq më tepër kur ai është i vogël e i mitur. Zoti Rama të ndodhi me bashkëshorten e parë, artisten e nderuar për të cilën kam patur dhe kam respektin më të madh. Po ç`ndodhi pastaj? Cili është ai burrë ai shqiptar, ai ballkanas, ai europian që nxjerr gruan e tij lakuriq në plazhet e botës? A mund të na thuash pak zoti Rama ti që përmend familjen çdo ditë e çdo natë. Ajo është një nënë, ajo është një motër, ajo është bijë, ajo është shqiptare, por edhe mos të jetë shqiptare, po të jetë serbe, gjermane, franceze, italiane, nuk bëhet kurrë ajo që ke bërë ti. E ke fotografuar. Ajo shëtit rrugëve në Tiranë dhe e ke ndarë", tha më tej Kryeministri gjatë fjalës së tij në seancën e djeshme. Ai theksoi se, Rama po shfaq çdo ditë kompleksin e tmerrshëm patologjik që ka për familjen. "Ke akuzuar babain tënd si baba të djalit tënd, ke nxjerrë gruan lakuriq në plazhet e botës. Këtë se ka bërë kush kurrë. Zoti Rama, cili është ai burrë, i cili ngrihet nga shtrati i të shoqes në kullën e Myslym Pezës dhe shkon tek shtrati i Dashit dhe deshve dhe e detyron të largohet natën e lemerisur", u shpreh më tej Kryeministri, duke i kujtuar Ramës se po lakon me shpifje për muaj të tërë familjen e tij. "Zoti Rama, ti që lakmon familjen çdo ditë a mund të më thuash, cili është ai burrë që rreh si kafshë tek Piazza dhe i mbush fytyrën me gjak të shoqes në prani të një sërë personalitetesh shqiptare dhe kosovare? Je ti dhe asnjë tjetër.

Kjo është e vërteta zoti Rama, ke një nënë të nderuar, të cilën kam pasur dhe kam respekt, mjeke, pavarësisht se vinte nga një begraund kriminel, mbesa e Spiro Kolekës e njërit prej xhelatëve të intelektualëve shqiptarë, por ajo vetë nuk kishte gjestim të tillë", tha Kryeministri.

Ligji dhe Kushtetuta do të predominojnë me çdo çmim

Kryeministri Berisha garantoi dje, se ligji dhe Kushtetuta e një vendi anëtar të NATO-s dhe vullneti i lirë i qytetarëve shqiptarë nuk do të mund të dhunohen as nga Edi Rama as nga klanet mafioze që kryeson, as nga familja e tij biologjike, as nga familja e tij historike dhe nga askërkush. Duke iu referuar ekstradimit të kriminelit Aldo Bare nga Turqia, kreu i qeverisë risolli në vëmendje të opinionit publik lidhjet e ngushta të kreut të PS-së me botën e krimit. "Zoti Rama, këto ditë në Shqipëri u riatdhesua Aldo Bare. Cili është raporti yt me botën e krimit zotëri? Ndër të gjithë politikanët shqiptarë ti je skllav i krimit. Pse ti je i vetmi politikan që je skllavi tij? Sepse, ti je i kapur në mënyrë të tmerrshme dhe je më frikacaku. Ti nuk e di more zotëri që bandat vetëm guxim nuk kanë aspak kurse ti je shumë i përzier me to", u shpreh Kryeministri, duke iu drejtuar kreut të opozitës. Ai bëri një kronologji të lidhjeve të Ramës me botën e errët të krimit. "E nise me Denis Ginën, e nise me afera shumë të fëlliqura. Denis Gina u vra me rrethim policie me antitank. Të më falë zonja, por mori për burrë vrasësin e burrit të parë. Kjo është e vërteta. Ti themi këto, jemi shqiptarë. Dhe ju desh kohë të kuptonte gabimin që kishte bërë. Zoti Rama më thuaj pak sa janë kilometrat e bisedave të tua me ashikun tënd, me të cilët ti vodhe të gjitha kutitë e votimit dhe të erdhi ambasadori amerikan në atë kohë dhe të tha se i fitove me Lamen tat këto zgjedhje?", tha kreu i qeverisë, duke i kërkuar Ramës të tregojë se cilat janë lidhjet e tij me Aldo Baren, pasi transkriptimet flasin se në bisedë mes tij dhe Dondollakut, Rama figuron si baloz. Duke iu referuar këmbënguljes së Ramës për të mbajtur opozitën jashtë Kuvendit, kreu i qeverisë tha se, kryetari i PS-së kërkon me çdo kusht të dëmtojë vendin. "E dini ju çfarë u thotë: Po u dhanë vizat ne morëm fund", u shpreh Kryeministri, duke nënvizuar se Rama tashmë ka marrë fund dhe është i pashpresë dhe do të përballet me fatin e baballarëve të tij sa herë që do të përpiqet të dalë kundër sistemit demokratik. "Kërcënon dhe lëshon ultimatume. Por në emër të kujt i lëshon ato ultimatume, kush je ti? Provoje po ta mbajti. Nuk dua këtë gjuhë po vjen një ditë që të jesh i bindur zoti Rama, që çdo gjë që do të ndodhë në këtë vend në dhunim të ligjit do të ketë një dhe vetëm një përgjegjës dhe ky do të jesh ti dhe vetëm ti", tha më tej kreu i qeverisë gjatë fjalës në Kuvend. "Provoje ti që fryhesh si kaposh se po fiton çakalli, provoje ultimatorin. Ky është fati yt i zi nuk ta zgjidh unë dot botën hormonale tënden ky je ti", iu adresua më tej Kryeministri kreut të opozitës. Ai paralajmëroi hapjen e një kapitulli të ri mbi aleancën punisto-mafioze. "Ti nuk ndryshon dot, se nuk të lë Koçua, s`të lë Kokëdhija dhe Tan Tullaku nuk të lënë ata ty. Por shqiptarëve duhet t`ua bëjmë të qartë, se përse nuk të lënë, cila është arsyeja që Fideli që brilantin flokët nuk të ndahet. Nuk është vetëm intime se nuk ka dashuri të përjetshme", theksoi kreu i qeverisë, duke shtuar se këto lidhje forcohen nga vjedhjet dhe grabitjet e përbashkëta që ata u bëjnë shqiptarëve.

Hajdutët e pronave, të njëjtin fat me Aldo Baren

Grabitësit e pronave të vjedhura do të kenë të njëjtin fat me bashkëpunëtorin e tyre, Aldo Bare. Kryeministri Berisha tha se në rast se Aldo Bare vjen dhe dënohet për 20 vrasje, po kaq të rrezikshëm janë edhe aldo baret e pronave të vjedhura. Duke iu referuar vjedhjes së pronave nëpërmjet falsifikimeve, kreu i qeverisë garantoi se askush nuk do të shpëtojë dhe nuk do të mund të përfitojë nga pronat e vjedhura. "Nuk ka qenë e thjeshtë, sepse kanë qenë dhe janë një mal falsifikimesh. Vetëm ka një meritë dhe një gjë, që shteti i ka të gjithë mekanizmat që të shembë jo vetëm një mal, por një seri malesh me falsifikime këtë po bën. E ke marrë me Besnikun tënd 1300 metra tokë në zemër të Tiranës që shitet me 2 mijë euro. Mendon se do të shpëtosh. Ky Parlament miratoi ligjin për shitjen e trojeve në fshatrat turistike", tha Kryeministri, duke nënvizuar se ditët që vijnë shteti do tua shkulë një nga një dhëmbët aleancës punisto-mafioze. "Ai ishte vetëm dhëmbi i parë, por do të vazhdojë, mos u shqetëso se pas dhëmbëve vjen nofulla, ndaj mafies zero tolerancë", tha Kryeministri, duke shprehur bindjen me atë përkushtim që është përballur në vitin '90-'91 me një sistem që duhej shembur me atë vullnet dhe vendosmëri do të luftojë sot me mafien që Rama kryeson dhe paralajmëroi kreun e PS-së se në këtë betejë është fund e krye i pashpresë. Gjithashtu, Kryeministri shprehu vendosmërinë për të garantuar protestën e çdo qytetari dhe çdo force politike dhe e ftoi kreun e opozitës që nëse dëshiron të bëjë protestë permanente para zyrës së Kryeministrisë. "I kam përshëndetur protestuesit absolutisht jo me sens armiqësor nuk mund të vlerësoj si armik kurrë unë një protestues. Por, ata që menduan se rrethuan kështjellën dhe tani do ta marrin le të provojnë se sa ju vlen lëkura. Unë jam Sali Berisha e mbaj fjalën time, të mos kemi fjalë, ligji dhe Kushtetuta do predominojë me çdo çmim", tha kreu i ekzekutivit, duke nënvizuar se ligji dhe Kushtetuta dhe vullneti i lirë i qytetarëve shqiptarë nuk do të mund të dhunohen as nga Edi Rama as nga klanet mafioze që kryeson, as nga familja e tij biologjike, as nga familja e tij historike dhe nga askërkush. >

nga dajti i modh Fri Nov 27, 2009 9:05 pm

Kete SALI BERISHEN .e ka lone rradakja fare lol..
mjere ai popull atje ..qe merret prap me njerez qe e dogjen njehere me 97 ..ka fillu prap shenjat e ulerima si me 97 duke frikesuar popullin ...por keq do ta kete ..se gjithe ato njerez qe ishin ne miting tregojn se kane dhembe per te shkulur ....
thirri mendjes o njeri ..mos te perseritet prap 97 ,,se sja kemi pare hajrin atij viti te mbrapsht..

nga bigbeng Fri Nov 27, 2009 9:35 pm

Berisha......

Nje bajraktar i shekullit XVIII...
Nje bastard i qyteterimit....
Nje ferre ne demokracine shqiptare....
Nje percares i kombit ......
Nje manjat i ''madheshtise'' me nota diktatori...
Nje agjent U.D.B.se Serbe........
Nje fetar qe predikon gjakmarje te frikeshme....
Nje papagall i gjalle i genjeshtres dhe mashtrimit...

Nje specie e keqe qe duhet shkulur me gjithe rrenje nga trualli i bekuar i Shqiperise.

nga Barbi Sat Nov 28, 2009 1:09 pm

Eshte me te verte turp per Shqiperine qe kemi nje kryeminister si z.Sali Berisha...Si nuk i vjen turp te permendi familjen e tjetrit per ceshtje politike....

nga bigbeng Sat Nov 28, 2009 1:27 pm

BERISHA, KY ADOLF HITLER I DEMOKRACISE

ANDREA STEFANI

Nuk është e para herë në këto 20 vjet që Sali Berisha u rikthehet akuzave
histerike kundër një lideri të opozitës. Shkak është një tension i
madh, por jo se e kanë lënë nervat. Gjithë ai lumë akuzash me nënë e me
motër, me kriminelë, me mafiozë dhe me të korruptuar, është një
kalkulim i hollë, një taktikë shantazhiste që synon ta terrorizojë
psikologjikisht kundërshtarin. Një katarakt të tillë të tërbuar akuzash
ka lëshuar Berisha edhe më parë kundër liderit të opozitës, Fatos Nano.
E ka akuzuar edhe për vrasjen e Azem Hajdarit. Por më vonë i ka
përgënjeshtruar vetë këto akuza monstruoze, duke bërë edhe pakte dhe
duke shtrënguar duart me Fatos Nanon, pikërisht me atë që para pak
muajsh e akuzonte si "padrino". Për Berishën nuk ka rëndësi e vërteta.
Fjala si akuzë, si shpifje dhe shantazh, mbetet për të një armë e
rëndësishme politike për të mposhtur kundërshtarin, për ta shtypur, për
ta bërë të zbythet. Berisha është një shantazhist i shkallës së lartë.
Me egërsinë që i shpërthen kohë pas kohe si një vullkan, Berisha tenton
të shantazhojë jo vetëm kundërshtarët e tij politikë, por edhe
"ndërkombëtarët". Këta të fundit, me atë që qysh nga marsi i vitit ‘97
i tmerron me shumë se çdo gjë tjetër, i shantazhon me destabilizimin e
Shqipërisë. Është një taktikë politike tipike për Adolf Hitlerin.
Prandaj themi se Berisha është Hitleri i kohës sonë.

***

Berisha duhet ta ketë studiuar me shumë vëmendje Mein Kampf-in. Nuk
mund të jetë një rastësi që në taktikat politike të Berishës lexohet
shumë qartë zbatimi i asaj përvoje që Hitleri e akumuloi qysh në vitet
e rinisë së tij nga vëzhgimi që i bënte lëvizjes së majtë social
demokrate dhe sukseseve të saj. Përse e shohim Berishën kohë pas kohe
të akuzojë me kaq nerv dhe forcë edhe kundërshtarë me të cilët sapo ka
përfunduar një konsensus? Pse i rikthehet pafundësisht dhunës verbale
dhe oratorisë së urrejtjes? Sepse e kanë lënë nervat? Jo, por sepse
sikundër Hitleri, ai beson se "psikologjia e masave nuk mirëpret asgjë
që shfaqet e dobët dhe me gjysmë zemre... sepse sikundër një grua
psikika e së cilës përcaktohet më pak nga llumi i arsyetimit abstrakt
sesa nga një përgjërim i papërcaktueshëm emocional ndaj një force që
duhet të kompensojë natyrën e saj dhe që, për rrjedhojë, do të
parapëlqente t‘i nënshtrohej një burri të fortë, sesa të sundonte mbi
një ngordhalaq, po ashtu masat duan më shumë një komandant, sesa një
hartues peticionesh..." (Mein Kampf). Berisha nis të çirret dhe të
ulërasë pikërisht në atë moment kur ndjen se po humbet monopolin e
sundimit mbi turmën, kur ndjen se po humbet ekskluzivitetin e
politikanit, liderit të fortë, të komandantit të cilit i nënshtrohet
turma. Mitingu madhështor i opozitës solli një moment të tillë ndaj dhe
shpjegon reagimin e tij histerik si dhe orvatjen e dëshpëruar, por edhe
shumë konfliktuale dhe të rrezikshme, për organizimin e një antimitingu
nën maskën e festimit të 8 dhjetorit. Antimitingu është më shumë një
shantazh edhe për "ndërkombëtarët", të cilëve do t‘ju tregojë se ka
ende shumë mbështetje në "popull" dhe se cenimi i pushtetit të tij nuk
mund të jetë pa kosto për "stabilitetin".

***
Përse Berisha lëshoi një lumë akuzash kundër Edi Ramës, duke e sharë
"me nënë e babë", përse ka nxjerrë befas dosje skandalesh të
pluhurosura, përse e akuzon për lidhje me grupe kriminale tamam si
dikur liderin e opozitës Fatos Nano? Sepse ai ka mësuar nga Adolf
Hitleri efektet e ushtrimit të një terrorizimi të poshtër psikik mbi
një kundërshtar që nuk është në gjendje as morale dhe as mendore (në
këtë rast pandehen si të tillë Rama dhe PS) të përballojë sulme të
tilla. Prandaj Berisha, tamam si Hitleri, kur mendon se e kërkon
momenti politik, "vjell një rrjetë zjarri gënjeshtrash dhe shpifjesh
ndaj kujtdo kundërshtari që i duket më i rrezikshëm, derisa nervat e
personave të sulmuar rrënohen...". (Mein Kampf). Këtë shpreson Berisha
kur i turret sot Ramës, ashtu sikundër i turrej dje Nanos dhe jo pak të
tjerëve. Tamam sikundër Hitleri edhe Kryeministri shqiptar, natyra e
pandreqshme autoritariste dhe e rrezikshme për demokracinë e të cilit
mund të jetë e panjohur vetëm për të verbrit, beson se kjo taktikë
shantazhi dhe dhune psikike, e bazuar në një vlerësim të saktë të
dobësive njerëzore, ka një siguri matematike për sukses. Dhe, ç‘është e
vërteta, i ka funksionuar me sukses në rastin e liderit të mëparshëm
socialist, Fatos Nano. Prandaj Berisha duket i vendosur ta zbatojë deri
në fund taktikën hitleriane të terrorit psikik mbi kundërshtarin si
individ apo si masë. Dhe është e dhimbshme të shohësh se, në një kohë
që ky lider po shtrëngon në grushtin e tij gjithë pushtetet, e djathta
europiane i imponon Parlamentit Europian një rezolutë në të cilën i
kërkohet opozitës të ulë kokën para këtij tirani dhe, duke shkelur mbi
parimin demokratik të transparencës, duke toleruar dhunimin e ligjit
zgjedhor, t‘i nënshtrohet shantazhit dhe të hyjë në Parlament! Duket se
për disa parlamentarë europianë parimet e lirisë janë të shenjta vetëm
në Europë, por jo në Shqipërinë e varfër. Opozita ka rast të
demonstrojë botërisht se nuk është fare kështu, se parimet e lirisë
janë edhe më të shenjta dhe duhen mbrojtur edhe në Shqipëri, këtu ku
liria dhe demokracia janë më të kërcënuara! Opozita duhet t‘i qëndrojë
taktikës së bojkotit demokratik derisa pushteti i Berishës t‘i
nënshtrohet jo presionit të opozitës, por të drejtës dhe ligjit, derisa
të zbatojë nenin e Kodit Zgjedhor që detyron hapjen e kutive, atë nen
që vetë e miratoi me konsensus me opozitën, por që po vetë e dhunoi
tiranikisht pa konsensus me të.

***

Ndërkaq europianët duket se i kanë harruar bëmat e dikurshme të Sali
Berishës, që jo rastësisht e bëjnë atë një "Fyhrer" shqiptar. Duket se
ashtu sikundër jo pak politikanë të Europës ranë në grackën e fjalëve
të Hitlerit që betohej për "paqe", edhe ca diplomatë dhe politikanë të
sotëm të Europës kanë rënë në grackën e fjalëve të Berishës që
stërbetohet për "demokraci" dhe "ligj". Por sikundër ka treguar Erich
Fromm, duhet që të jemi të aftë të depërtojmë pas formulimeve
racionale, pa i vënë veshin asaj që lideri thotë, por duke bërë kujdes
se si e thotë, duke parë fytyrën, gjestet, personin në tërësi. Vetëm
atëherë zbulohet karakteri i tij. Vetëm atëherë mund të kuptojmë kur
Fromm thotë "se udhëheqësi në fjalë është nekrofil... me të nuk ke
çfarë të bësh, nuk mund të jesh kurrë mik", sepse ndryshe nga një lider
biofil që angazhohet me të gjitha forcat për të mbrojtur jetën,
dinjitetin njerëzor dhe lirinë, një lider nekrofil "të gjitha energjitë
i ka drejtuar drejt shkatërrimit, përvetësimit dhe pushtetit absolut".
Nuk do ndalem se çfarë të sugjerojnë mimika, gjestet dhe egërsimet e
Berishës. Por po t‘u kthehesh bëmave, a nuk gjejmë në tërë karrierën e
stërgjatë të Berishës, gjakimin dhe shkatërrimin për hir të pushtetit
absolut? Sa herë do lejohet të rrënohet shteti dhe Shqipëria për hir të
pushtetit personal të këtij njeriu? A nuk ishte e mjaftë viti 1997? Po
shtatori i vitit 1998? Po vrasja dhe rrënimi i jetëve në Gërdec për
shkak të babëzisë së përvetësimit? Po rrënimi i buxhetit me anë të një
korrupsioni dhe papërgjegjshmërie që epshin për pushtet dhe fitime të
paligjshme e maskon me patriotizëm? Po shkatërrimi i pavarësisë së
institucioneve, opozitës, medias? Po shkatërrimi fizik i Zogut të Zi
vetëm si një kapriçio shumëmilionëshe e luftës për pushtet? Janë edhe
shumë e shumë të tjera. Berisha është një politikan që gjen forcë te
shkatërrimi.
***
Ngjashmëria me Hitlerin e Berishës është në deklarata, bëma madje, në
disa raste ai thyen edhe rekordet e Hitlerit. Erdhi nga e majta, si
Hitleri. Ka kapur dhe shantazhuar partinë dhe porsi Hitleri, është bërë
Fyhrer i pazëvendësueshëm dhe idhull i PD-së. Flet pa fund për
"antikomunizmin" si Hitleri, megjithëse është kriptokomunisti më i
thekur i mbetur. Ka 20 vjet në krye të partisë dhe të politikës, ndërsa
Hitleri qëndroi në krye të politikës dhe shtetit vetëm 12 vjet. Hitleri
shfrytëzoi djegien e Rajshtagut (Geringu ka pohuar se nazistët ia vunë
flakën vetë), për të sulmuar dhe asgjësuar opozitën, Berisha shfrytëzoi
vrasjen e Azem Hajdarit, për të bërë një grusht shteti të dështuar si
puçi i birrës në Mynih. Hitleri bëri ca burg për një krim të tillë,
Berisha jo. Përflitet se ka gisht në asgjësimin e Hajdarit, që bëhet
kështu fatalisht i krahasueshëm me Ernst Remin, shefin e grupeve të
sulmit që Hitleri e asgjësoi vetë. Tashmë është fakt i provuar që
ish-badigardët e Berishës janë autorë dhe pjesëmarrës në skemën e
vrasjes së Azem Hajdarit. Berisha përdor, si Hitleri, në shkallë të
gjerë mitingjet. Po si Fyhreri përdor në shkallë të gjerë mediat, sepse
beson te magjia, te ndikimi i oratorisë mbi turmën. Prandaj kritikat që
i bëhen, i toleron (si garniturë e fjalës së lirë) më shumë nëpër
gazeta që kanë përgjithësisht tirazh të pakët në Shqipëri, por jo aq
shumë në ekrane që ndikojnë audienca më të gjera. Jo rastësisht ka
adoptuar formula që i japin mundësi t‘u flasë përnatshëm, në një formë
ose në një tjetër, shqiptarëve nga ekranet. Duket se ka bërë me
vetveten betimin e Gebelsit: "Sapo të kemi pushtetin në dorë, ne nuk do
ta lëshojmë kurrë. Veç kufomat tona mund t‘i nxjerrin prej ministrive".
Strategjia e tij konstante, ylli i tij polar, nordi i tij politik,
është kapja e të gjitha pushteteve. Hitleri doli hapur kundër
parlamentarizmit, Berisha synon të kapë shtetin nëpërmjet
parlamentarizmit. Ka synuar dhe synon, si Adolfi, të vërë nën thundër
gjykatat dhe prokurorinë, për t‘i keqpërdorur kundër opozitarëve. Për
këtë çështje të madhe u përplas me një President ish-gjeneral, me
versionin shqiptar të Hindenburgut. Ashtu si Hitleri, edhe Sali Berisha
është një shantazhist i përsosur. Zbulimi i korruptimit të politikanëve
nuk i intereson për të luftuar korrupsionin, por për t‘i shantazhuar,
nënshtruar dhe vënë në shërbim të tij. Jo rastësisht sa herë
ashpërsohet lufta politike, nis të tundë para hundës së kundërshtarit
dosje disavjeçare të mbajtura fshehur në sirtar (sikundër dosja e
"Tajvanit", por ka edhe shumë të tjera që i mban abuzivisht mbyllur) në
shkelje të ligjit dhe devocionit ndaj interesit publik. Si edhe Adolfi,
arriti të shantazhojë Perëndimin jo vetëm me destabilitet në Shqipëri,
por edhe në Kosovë. T‘i tregonte Perëndimit kreditë e tij të shumta
politike në Kosovë ishte qëllimi i vërtetë i vizitës së tij në tetor të
këtij viti atje, ku dhe për turp Hashim Thaçi i dha medaljen e artë të
lirisë këtij shtypësi të lirive në Shqipëri. Themi për turp edhe për
faktin e dhimbshëm se qenë po shërbimet e fshehta të këtij Berishe që i
morën lirinë Hashim Thaçit, luftëtarit të UÇK-së kur luftonte për
lirinë e Kosovës.

Në momente të caktuara Berisha shfaq një tërbim tipik hitlerian ndaj
kundërshtarëve politikë. Është urrejtja tipike nazisto-komuniste për
armikun e pushtetit. Mezi pret një shkak, një incident (madje akuzohet
se i prodhon si Hitleri) që të sulmojë dhe groposë armikun e "popullit"
që është përherë opozita. Fon Papeni tregon se në momentet kur digjej
Rajhshtagu, mbërriti në vendin e mynxyrës Geringu, që në kulmin e
zemërimit dhe gjithë djersë thërriste mesa kish në kokë: "Ky është një
krim komunist kundër qeverisë së re". Të njëjtin brutalitet antiligjor
ka shpalosur edhe Berisha në disa raste. Kur vite më parë një bombë
shpërtheu para një supermarketi të një firme piramidale, duke shkaktuar
disa të vrarë, Berisha, atëherë President i Republikës, sapo mbërriti
në vendin e ngjarjes akuzoi opozitën komuniste për një akt të tillë
terrorist. Po kështu akuzoi publikisht për vrasjen e Azem Hajdarit edhe
Kryeministrin socialist, Fatos Nano, duke u bërë ndërsyesi i turmave
fanatike (aspak rastësisht të armatosura) që ndërmorën një sulm mbi
godinën e Kryeministrisë në 14 shtator. Kur dështoi, tha: Dolën nga
kontrolli! Po s‘kishin faj se ju vranë liderin. Ja u vranë apo ja u
vrau?
Hitleri u tërbua kur social demokratët gjermanë nuk pranuan të votojnë
Aktin e Aftësimit Ligjor që i jepte Hitlerit gjithë pushtetet dhe që në
fakt i lejoi të nazifikojë Gjermaninë. Deri në atë moment, rrëfen
gazetari Uilliam Shirer, ndërsa bënte premtime se "Akti" nuk do të
cenonte as Parlamentin dhe as pozitën e Presidentit, "udhëheqësi nazist
dukej tepër i arsyeshëm, madje, thuajse i përvuajtur". Pyesim sa herë e
kemi parë Berishën të luajë rrengun e të "zbuturit"? Por me të ndeshur
kundërshtimet e social demokratëve në mbrojtje të parimeve të
humanizmit, drejtësisë dhe lirisë - vazhdon Shirer, Asambleja dëgjoi
një mostër të gojëtarisë së tij të vërtetë: Ju arritët vonë, por, ja ku
erdhët! - ulëriti ai... Nuk kam nevojë për ju... ylli i Gjermanisë po
lind dhe i juaji po perëndon. Kambana e vdekjes suaj ka rënë... Unë nuk
i dua votat tuaja. Gjermania do të jetë e lirë, por pa ju". Nuk është
aspak vështirë të gjesh plot raste të një oratorie të tillë hitleriane
plot mllef kundër opozitës në gojën e Berishës. Më e fundit qe ajo e
para pak ditëve, kur u betua se do t‘ia shkulte dhëmbët, deri edhe
nofullat, me darën e ligjit opozitës. E vetmja gjë që mund të thuhet
është: Po çdo dara e ligjit në dorën e Kryeministrit? Rastet e
ngjashmërisë së fjalorit të Berishës me Hitlerin janë pafund. Ja një
tjetër. Ndërsa kërcënonte Europën me luftë, Hitleri hakmerrej kundër
poshtërimit që i kish bërë Gjermanisë Traktati i Versajës, duke
deklaruar: Armiqtë tanë nuk do të guxojnë të qeshin më me ne! Kur në
vitin 1997 Berisha humbi pushtetin për shkak të aventurave dhe
korruptimit, shprehte një mllef hakmarrës, duke deklaruar publikisht
për kundërshtarët politikë: do jua ngrijmë buzëqeshjen në buzë!
***
Çfarë i lidh Hitlerin me Berishën? Përse përputhet gjuha dhe mllefi i
Berishës me atë të Hitlerit? Berisha nuk ka aspak elokuencën e liderit
nazist. Çfarë kanë të përbashkët? Asgjë më shumë sesa karakteri prej
demoni autokrat, i cili mezi pret të gjejë një pretekst të groposë
kundërshtarët politikë. Është karakteri nekrofil dhe antiliri. Të
përbashkët kanë edhe masën e fanatikëve që i mbështet pa rezerva e
bashkuar rreth liderit në një solidaritet narcist grupi të çeliktë. Ka
mësuar edhe diçka tjetër nga Hitleri. Pas grushtit të dështuar të
shtetit të shatorit të vitit ‘98, hoqi dorë nga dhuna militare ashtu si
edhe Hitleri pas Puçit të Birrës dhe vendosi t‘i realizojë qëllimet për
një pushtet absolut në rrugë "kushtetuese". Dhe i avancoi këto qëllime
falë konsensusit të mbrapshtë historik me PS-në për ndryshimin e
Kushtetutës. Një gabim fatal që e godet opozitën sot si një bumerang
dhe e detyron të qëndrojë jashtë Parlamentit deri në momentin kur të
dërrmohet strategjia e shantazhit e këtij Hitleri të Shqipërisë.

nga Barbi Sat Nov 28, 2009 1:38 pm

Jam dakort per gjithcka eshte shkruar ne kete shkrim,por me ben cudi me nje pjese te popullit shqipetare qe jan fanatik te verbuar te z.Sali Berisha!!!!!!!!

nga bigbeng Sat Nov 28, 2009 2:04 pm

Bagetia shkon gjithmone pas te zotit..... Berisha i shkul dhembet Edi Rames 401582

nga Barbi Sat Nov 28, 2009 2:06 pm

bigbeng shkruajti:Bagetia shkon gjithmone pas te zotit.....

hahahahahahahahahahhahahaahhahaahah

nga dajti i modh Sat Nov 28, 2009 6:33 pm

nuk jane bageti edhe ato qe i shkojne mbrapa..
por kane ndonje privileq ..si legalizime ose ndonje pune te mire ose lidhje ..farefisnore ose biznesi..
Por kurr arrin revolta popullore me e madhe si 97 ..e pame si e lane .
SALI BERISHA vuan besoj nga simdroma e te qenit ne krye te vendit..sa shpesh here shkon deri ne exstrem..
njerez si puna e ketij nuk i duhen atij vendi..prandaj nje ore e me pare jashte skemes se politikes SHQIPTARE..njerez te tille jo tolerante,dhe extremiste..do te shikojm ngjarjet ..si do shkojne ..por besoj se po nuk toleroi kete here do te jete besoj nuk do kete me falje per njerez te tille qe duan mee djeg edhe nje here ate vend..