Shqiperia voton

..............Pesha e votes se emigranteve................


Emigrantët tanë po vijnë të votojnë këto ditë në Shqipëri.. Por,edhe pse janë jo pak, por disa dhjetëra mijëra në këtë kontribut elektoral, kjo pjesëmarje modeste dëshmon rëndom supozimin e vjetër se ata zakonisht kanë qënë një komunitet i shpërfillur nga shteti shqiptar i shqiptarëve,dhe se,dhimbshëm,aq sa mund ta shkaktoje këtë ndjesi dinjiteti i tyre i shpërdoruar,ata janë një komunitet i zhgënjyer…
Zhgënjimi i tyre është si një dukuri që përfaqësohet dhe vërtetohet pikërisht nga shifrat dhe preokupimi i tyre jashtë kufijve të vendit për të përdorur pushtetin e votës në shërbim të së drejtës për të marrë pjesë e për tu vlerësuar.. Në fakt këto shifra janë aq dëshpëruese sa është edhë e trishtueshme mungesa e besimit dhe kriza e vetëdijes kombëtare në përgjithësi,në këtë aventurë të re elektorale që synon tu premtojnë kthesën e vonuar shqiptarëve… Nëse janë vetëm disa dhjetëra mijëra emigrantë dhe jo disa qindra mijëra nga rreth një million të mërguar në 20 vjet tranzicion, ata që këto ditë vijnë të votojnë në Shqipëri,kjo tregon se ky komunitet ka filluar vërtet të mos fabrikojë më dashuri dhe interes të shëndetshëm për vendin e origjinës me të cilin sa vjen e më shumë i lidh vetëm malli dhe vetëm kujtimet..dhe tregon gjithashtu se ata që po vijnë,vijnë të votojnë këtu jo të ardhmen e tyre por rastësinë që afron pasiguria e së ardhmes me premtime të mjegullta..
Nëse sot në Shqipëri afrohen të votojnë as 10 për qind e emigrantëve shqiptarë në Europë,kjo vërteton ekzaktësisht fatalitetin e një realiteti të prodhuar nga politika shqiptare e tranzicionit,dhe vërteton gjithashtu fatalitetin e një realiteti të krijuar në shpirtrat e ftohur të këtyre njerëzve,të cilëve ju është mohuar barbarisht e drejta gjenetike për të qënë krenarë me vendin e tyre…(Rutinën dhe ndjesinë e zhgënjimit të emigrantëve e amplifikon ndërkaq edhe më katrahura fushatore në një situatë elektorale të papërgjegjshme me shpërdorime të papërgjegjshme dhe të babëzitura dhe ta pakuptimta në afishe dhe postera,që kanë pushtuar dhunshëm gjithcka në terenet e qyteteve dhe fshatrave dhe rrugëve nacionale neper të cilat ata kalojnë gjatë kthimit në Shqipëri)..
Madje,duket kaq therës ky zhgënjim në shpirtrat e tyre,saqë surealisht ai është gjendur një hap larg mallkimit,dhe nëse nuk ka qënë asnjëherë mallkim,kjo ka ndodhur sepse gjithcka ka qënë zbehur dhe mjegulluar përballë një mallkimi masiv e të tertë në këtë vend,që ne opinionistët e quajmë me shumë delikatesë “tranzicion”
Dhe jo vetëm zhgënjim por ka edhe shpërfillje të ndërsjellë,si një përgjigje e ftohtë ndaj temperaturës së lartë elektorale në kokat e liderëve gjithë këta vjet,ku kanë vluar vullkane pabesie dhe padrejtësie me motivin e qartë dhe pasojat e qarta,shkulmi instiktiv për pasuri dhe pushtet nga njëra anë dhe pasojat që dihen nga ana tjetër,korrupsioni apo vjedhjet spektakolare që klasa politike i ka bërë përditë këtij populli ditë për ditë edhe nga viti na vit..
Por,gjithsesi, disa dhjetëra mijë emigrantë po vijnë të votojnë dhe kjo është sigurisht një shifër,një përpjekje,një realitet që meriton të vlerësohet dhe të meret seriozisht nga gjithë ata që janë në nivelin dhe prirjen ta bëjnë këtë gjë.. Sepse,kjo vëmendje ka një rëndësi sentimentale,për aq kohë sa ngrihet në vlerësimin se një pjesë e këtij komuniteti nuk e ka tërësisht të shkatëruar shpresën se ky vend do të bëhet ndonjëherë dhe ky vend do të dijë të respektojë dhe vlerësojë fëmijët e tij të larguar në vende të tjera..
Disa mijëra vota të pastra e të sinqerta të emigrantëve do të ndihmojnë brishtësisht fillimin e një historie me një politikë të re të premtuar,të cilën ata nuk e besojnë,por e shpresojnë, ashtu si besimtarët naivë,rrezikojnë ta bësojnë zotin pa e ditur nëse ai ekziston.. Por jo vetëm kaq.. Ky është një kontribut si një energji pozitive,që si një ëngjëll entuziazmi do të vërtitet në atmosferën elektorale të Shqipërisë për të rezatuar të vërtetën se emigrantët dashamirës përpiqen të jenë pranë vendit të tyre edhe kur ata janë të zhgënjyer edhe të lënë pas dore,ashtu si ka ndodhur gjithë këta vjet,ndërsa e kanë mbështetur fuqimish ekonominë e rënuar dhe shpirtërisht, moralin e njerëzve që mbushin sheshet në Shqipëri dhe brohorasin sa herë ju premtohet në fushata elektorale dhe sa herë i gënjejnë mandate pas mandati..
Edhe pse nuk janë disa qindra mijëra si do duhej të ishin,mijëra emigrantë që vijnë të votojnë më 28 Qershor,janë frymëzim për mijëra të tjerë brenda vendit të cilëve ju kërkohet të dhurojnë pushtet për kandidatët e zgjedhur nga partitë politike. Ata janë gjithashtu kompesim drejtësie në mëkatet e situatës së keqe elektorale që afron mediokritikisht politika,ndërsa drejtësia është shkelur me të dyja këmbët me heqjen e së drejtës për të votuar turmës që nuk mundi të pajiset me karta identiteti..
Dhe ky kontribut,kjo dashamirësi,kjo bujari e pashpërblyer e emigrantëve tanë,që sjellin para,civilizim,opsione zhvillimi dhe përvojë evropiane dhe arsimim evropian,të gjitha këto janë në fakt cështjë të një teme të mjegullt,për të cilën vështirë të parashikohet se cfarë mund të ndodhë…Në rastin më të mirë,marja pjesë e tyre kësisoj në votime,mund të supozohej si një urim,ose të paktën si një këmbanë për fitimtarët e ditës tjetër…,që ata të bëjnë zgjedhjet e duhura. Nëse fituesit do ta kenë aq seriozisht fatin e vendit sa të ndërtojnë për herë të parë një strategji konstruktive që do ti shërbejë jo më pushtetit personal,babëzisë dhe lavdisë personale,por vërtet reformave dhe zhvillimit shoqëror të këtij vendi,duhet të hedhin sytë në drejtimin e duhur.. Dhe drejtimi i duhur janë absolutisht emigrantët,potenciali i tyre,komuniteti i tyre dhe qënia gati e tyre për ti shërbyer vendit të tyre.. Sepse,pavarësisht kush do të jenë fituesit,është e sigurtë që pas zgjedhjeve vendi do të jetë në një kllapi ekonomike dhe sociale,në mes të një krize mjaft të rëndë për gjymtyrët e dobëta të një ekonomie të shkatëruar nga informaliteti,nga korrupsioni,nga papunësia, nga borxhet kombëtare, kreditë,nga paaftësia makabre e qeverisjes dhe nga menaxhimi i keq ..
Në këtë situatë,vendit do ti nevojiteshin paralelisht dhe radikalisht dy strategji të forta,një afat shkurtër dhe tjetra afatgjatë..Strategjia afatgjate është e qartë për të gjithë: investimi masiv në arsim cka do të rritë aftësinë profesionale dhe nivelin mesatar intelektual të shqiptarëve,civilizimin kombëtar dhe edukatën qytetare.. Por është tjetër gjë ajo që do ta bëjë të dukshmë dhe të shpejtë qeverisjen e shpejtë dhe rezultative,e cila do të japë efekte të menjëhershme: Lufta produktive kundër papunësisë dhe varfërisë.. Për këtë nevojitet një strategji afat shkurtër,e cila do të godasë fuqimish papunësinë në vend. Ka vetëm një rrugë për të arritur këtë:Zhvillimi i shpejtë,mbështëtja dhe krijimi i biznesit të vogël dhe të mesëm.. Por këto biznese janë në krizë për shkak të krizës ekonomike dhe për shkak të politikave të gabuara që kanë zbatuar deri tani qeveritë e dy krahëve. Bilanci është i tmershëm po të numërojmë falimentet massive të bizneseve të vogla dhe të mesme në Shqipëri vitet e fundit. E vetmja shpresë me sa duket për të zhvilluar këto biznese dhe për të gjallëruar gjithë ekonominë kombëtare,janë emigrantët,potenciali i tyre,përvoja e tyre dhe kapitalet e tyre në bangat perëndimore.. Nëse emigrantët ftohen masivisht dhe favorizohen të investojnë në Shqipëri keto kapitale,papunësia do të zbutet sistematikisht dhe ekonomia do të ketë një frymëmarje të re,e cila shumë shpejt do të shndrohet në një zhvillim serioz për të gjithë. Po të merret parasysh fakti që sidomos emigrantët e Greqisë dhe Italisë janë fuqizuar dhe shndruar në lobe me influencë në ekonomitë pëekatëse,kjo normalisht do të bënte të nevojshme marjen seriozisht të këtij potenciali shpëtimtar nga qeveria e re,në përbërjen e së cilës duhet të ngrihen dhe administrohen për herë të parë struktura shtetërore që jo thjesht të evidentojnë dhe orientojnë këto potenciale,por edhe të promovojnë,të publikojnë ligje të reja,të nxisin këto investime me vendime ku të bëhen të qarta lehtësirat dhe favorizimet për emigrantët që do dëshirojnë të vijnë të investojnë në vendin e tyre…