Keshilla për fytyrën

nga Vizitor Wed Mar 11, 2009 10:44 pm

Pucrra ne Fytyre

Nje shqetesim qe prek me shume se sa 5 per qind te te rinjeve ndermjet moshes 14 dhe 19 vjecare te te dy sekseve. Por ky eshte nje problem qe mund te paraqitet dhe ne moshen e rritur dhe pse me nje frekuence me te vogel (rreth 10 per qind e grave nga mosha 30 deri ne 35 vjec). Mund te ndodhe gjate nje periudhe stresi psikofizik. Pucrrat jane rezultat i nje cekuilibrimi te forte hormonal qe eshte tipik per disa faza te jetes femerore sic eshte puberteti, shtatzania dhe menopauza. Shume shpesh egziston tendenca per ta nenvleftesuar kete problem.

Aknet ose Puçrra: një shqetësim që prek më shumë se sa 5 për qind të të rinjëve ndërmjet moshës 14 dhe 19 vjeçare të të dy sekseve. Por ky është një problem që mund të paraqitet dhe në moshën e rritur dhe pse me një frekuencë më të vogël (rreth 10 për qind e grave nga mosha 30 deri në 35 vjeç). Mund të ndodhë gjatë një periudhe stresi psikofizik. Por jo vetëm kaq: puçrrat janë rezultat i një çekuilibrimi të fortë hormonal që është tipik për disa faza të jetës femërore siç është puberteti, shtatzania dhe menopauza. Shumë shpesh egziston tendenca për ta nënvleftësuar këtë problem. Në të vërtetë një kërkim i studiuesve amerikanë mbi këtë fakt ka zbuluar se 70 për qind e personave që vuajnë nga ky shqetësim nuk marrin asnjë lloj kure. Ja se çfarë i ndodh lëkurës dhe se si mund ta kurojmë këtë problem të saj.

Produktet kosmetike

Kremrat apo fondatinat me shumë yndyrë provokojnë një irritim të lëkurës që më pas çon në krijimin e puçrrave dhe të pikave të zeza. Vepro kështu: Hiq dorë nga trukimi për rreth dy javë dhe trajtoje lëkurën me peroksid benzoli. Pastaj zgjidh produkte kozmetike oil free.

Ilaçet

Terapië me kortizon apo me ilaçet kundër depresionit mund që të dikojnë tek lëkurat e ndjeshme. Të njejtat probleme shkaktojnë dhe terapitë për zëvëndësimin e hormoneve apo ato që shndrrohen në testerone në organizmin femëror. Vepro ështu: Shpjegoja mjekut tënd efektet anësore të kurave të cilat po merr dhe specialisti do të arsyetojë nëse duhet të ndërpritet kura apo të zëvëndësohet mjekimi.

Çfarë duhet të dimë për puçrrat:

Është faji i konsumimit të sallamit...E gabuar. Nuk egziston asnjë lloj ushqimi i aftë për të krijuar puçrra dhe pse disa elemente mund të çojnë më përkeqësimin e tyre. Ato me rrezik më të madh janë salumet, të fërguarat, çokollatat, sheqernat por vetëm në qoftë se konsumohen në sasi të mëdha.

Dielli bën mrekullira

E vërtetë dhe e gabuar. Aknet përmirësohen gjatë stinës së bukur. Rezet ultra violetë kanë një veprim dizinfektues në lëkurë. Por duhet të bëhet kujdes që ekspozimi ndaj diellit të mos bëhet në orët më të nxehta të ditës dhe jo për periudha të gjata, pasi po të njejtat rreze mund të çojnë dhe në përkeqësim të akneve.

Kurrë të mos i shtypësh puçrrat

E vërtetë. Rrezikon vetëm që të thellosh infeksionin apo të krijosh një shenjë në lëkurën tënde.

Idel është truku mbulues
E gabuar. Një truk i rënduar nuk i fsheh puçrrat dhe është i rrezikshëm. Ndalon ajrosjen e lëkurës dhe i përkeqëson puçrrat. Por egzistojnë produkte kosmetike specifike të lëkurës për këtë problem , që nuk dëmtojnë por madje dhe janë kurative. Në të njejtën kohë janë të afta dhe t’i mbulojnë mirë puçrrat. Problemi i ankeve është pasojë e mungesës së higjenës. E gabuar. Higjena dhe pse është e domosdoshme për të patur një lëkurë të shëndetëshme nuk është shkaktare e akneve. Merri në konsideratë arsyet e tua dhe do të shohësh që puçrrat do të zhduken. Një veshje speciale. Lëkura nuk është vetëm një shtresë mbrojtëse por është barriera që shënon kufirin mes teje dhe botës që të rrethon. Për këtë arsye është nga të parat që tregon një gjëndje jo të mirë të brendësisë tënde. Puçrrat në të vërtetë janë një mbledhje e atyre shqetësimeve të brendëshme që gjejnë një mënyrë për të dalë jashtë. Kjo është e mundur falë një lidhje të drejtëpërdrejtë mes lëkurës dhe gjendjes psikologjike...

Emocione & Co

Streset, sidomos ato emotive kapen menjëherë nga sistemi limbik, zona më antike e trurit tonë, e përcaktuar që të kapë emocionet dhe reagimet tona më intensive. Kjo pjesë e trurit është e lidhur dhe me sistemin endokrin. Në qoftë se përjeton një tension të zgjatur psikologjik apo fizik rezultati mund të jetë: Disa hormne që shtohen vetëm për të krijuar një forcë më të madhe fizike rriten më shumë se sa një nivel normal duke shkaktuar reagime të lëkurës.

Personaliteti në rrezik

Ky mekanizëm bëhet më i ndjeshëm në qoftë se je një tip i pavendosur, i paaftë për të reaguar apo për të vlerësuar fjalët dhe veprmet e tua. Dhe puçrrat në këtë rast bëhen një mjet për të shprehur gjendjen tëndë të sikletshme. Por bëj kujdes pasi ka një efekt të menjëherëshëm: lëkura është gjithnjë në dukje dhe nuk mund t’i shpëtojë nga shikimi atyre që të rrethojnë.

Cfare jane Aknet (puçrrat)?

Aknet janë sëmundje e mirrëfilltë e lëkurës dhe si e tillë duhet kuruar. Në estetikë ky fenomen quhet “lulëzim”. Trajtat e akneve ndryshojnë dhe variojnë nga karakteristikat dhe përmasat. Ato mund të shfaqen në moshën puberale, por nuk janë të pakta rastet e shfaqjes së tyre edhe në moshat adulte, herë-herë edhe tek gratë në fillim të menopauzës. Kjo dermatozë mund të shfaqet vetë, krejt papritur dhe po kështu mund të zhduket. Terapitë korrektuese të akneve ndihmojnë zonën problematike për të eliminuar aknet e dukshme dhe për të parandaluar aknet e reja. Gjithashtu ndihmon në rigjenerimin e lëkurës, pasi në disa raste rrezikon të mbetet me shenja të thella. Veç shenjave, ky komplikim provokon edhe shqetësime psikologjike, sepse në mënyrë të veçantë shfaqet në lëkurën e fytyrës dhe kjo parehati të krijon stimulim. Këto pasoja e bëjnë të domosdoshme ndërhyrjen.

Shkaqet:

1.Faktorët genetikë
2.Faktorët psikologjikë (situatat e stresit emotiv)
3.Vështirësitë në tretje
4.Përdorimi i kozmetikës së papërshtatshme (produkte joprofesionale të cilësisë së dobët)
5.Fluksi hormonal
6.Ushqyerja e keqe; yndyrnat, salcat pikante, dieta e varfër në perime.

Etapat:

Faza fillestare: Karakterizohet nga pikat e zeza (komendonët), të cilat shërbejnë si tapa që bllokojnë daljen jashtë të sekrecioneve. Rezultati është një reliev i cili i detyrohet këtij sekrecioni, që nuk mund të shkarkohet dhe grumbullohet duke shkaktuar aknet. Ky është efekt i hiperprodhimit të qelbit nën fluksin hormonal.
Faza e dytë.. Krijohet inflamacion lokal i përbërë nga koloni bakteriesh.
Faza e tretë....Quhet Nodulicistet. Këtu krijohen pikërisht nodule që janë shumë më të vështira se puçrat dhe për më tepër lenë shenja të paevitueshme në lëkurë.
Në moshën adulte mund të shfaqen aknet e përskuqura veçanërisht tek konsumatorët e duhanit...

Si formohen?
Gjatë adoleshencës fluksi i hormoneve arrin deri në superprodhim dhe në rastet më të shpeshta mosbalancimi i tyre është njëri nga shkaqet. Zonat yndyrore akumulohen në folikul (shtrati i qimes). Yndyra krijon një substancë që quhet SEBO i cili shtohet në lëkurën e fytyrës duke dalë nga folikuli në sipërfaqe të lëkurës. Në zonën e folikulës ku ndodhet qelbi zhvillohen bakterie, të cilat çlirojnë kimikate që stimulojnë inflamim dhe hapjen e folikulës. Qelbi dhe bakteriet shkaktojnë skuqjen e lëkurës.

C'duhet patur parasysh?

Është e domosdoshme të egzaminohen. Nuk duhet pritur të zhduken vetë, sepse lenë shenja të dukshme në lëkurë. Meshkujt me këtë problem duhet të bëjnë kujdes në përzgjedhjen e aksesorëve të rrojes dhe produkteve në mënyrë që ato të jenë sa më të përshtatshme dhe cilësore. Makinat e rrojes duhen përdorur me delikatesë. Terapitë me antibiotikë si tetraciklina, eritromicina etj. këshillohen për raste të rënda, sidomos kur shpërndarja e tyre përfshin veç fytyrës, shpinën dhe kraharorin. Antibiotikët oralë reduktojnë bakteriet në folikul dhe ulin skuqjet, por gjatë këtyre terapive shumë femra rrezikohen nga infeksionet girl thingyle. Në këtë rast ndërpritet kura. Ekspozimet në diell mund t’i maskojnë aknet, por përfitimet janë të përkohëshme. Mania e “pjekjes në diell” është me pasoja. Larjet e shpeshta dhe energjike të fytyrës si dhe përdorimi i larësve që çojnë në tejtharje të sekrecioneve yndyrore shkakton pasoja të paevitueshme në lëkurë. Të gjitha terapitë funksionojnë në mënyrë të tillë që të parandalojnë aknet e reja. Pas çdo terapie mbeten shenja pavarësisht nga kujdesi e korrektësia e specialistit. Këto gjurmë zhduken gradualisht me rigjenerimin e lëkurës, të paktën një muaj më pas. Terapitë ose konkluzionet i vendos specialisti.

Keshilla:

1.Mos ndërhyni me duar në puçra ose pika të zeza, sepse janë shenja inflamacioni. Shtypja është e rrezikshme nëse ndërhyrja bëhet në mënyrë të gabuar. Kjo lloj traume nuk bën tjetër veçse përkeqëson gjendjen e lëkurës.
2.Trajtoni fytyrën me produkte cilësore me përbërës organikë si: kamomil, kamfor, kalendula etj
3.Lani duart përpara aplikimit.
4.Zgjidhni kozmetikë profesionale.
5.Evitoni Fast-Food-et dhe ushqimet e skuqura, janë armiq të betuar të lëkurës.
6.Preferoni fruta e ushqime të freskëta.
7.Merrni vitamina A, C, E.
8.Mos përdorni sapunë kundër yndyrës. Në këto raste gjëndrat reagojnë duke prodhuar yndyrë në sasi.
9.Përdorni drithëra, vaj ulliri, kos, fruta, perime, prodhime deti
10.Pini shumë ujë (pa gaz). Është mënyra më e mirë për të hidratuar lëkurën.
11.Kujdes nga flokët e gjatë. Në kushtet e një higjene të keqe ato mund të jenë bartës bakteriesh dhe në kontakt me lëkurën keqësojnë gjendjen e saj duke stimuluar infeksionet.

Kujdesi:

Është e rëndësishme të personalizohet trajtimi i cili kalon përmes disa seancave. Këto seanca përcaktohen që në takimin e parë me klienten. Terapinë në Institut e merr përsipër plotësisht specialisti-estet, ndërsa terapinë e pavarur në shtëpi, vetë klienti. Është e rëndësishme të dihet se terapia e pavarur nxit efektin e terapisë në Institut, kështu është konceptuar. Kjo terapi është e vendosur në një sistem seti dhe quhet TERAPI KORREKTUESE. Në fillim të terapisë mund të operohet me seanca sulmi e më pas periodikisht në rend të përjavshëm. Në rastet kritike aplikohen deri në 10 seanca. Produktet e paketës aplikohen të alternuara sipas instruksioneve dhe të gjitha penetrojnë në thellësi të lëkurës, në sajë të përbërjes së tyre organike. Ato balancojnë superprodhimin e yndyrës dhe qetësojnë aknet. Lëkura nuk ndriçon më si më parë, por efekti mat i jep shkëlqim natyral. Pas terapisë mbeten gjurmë të lehta në lëkurë, të cilat ndihmohen nga një krem i posaçëm riparues dhe balancues njëkohësisht. Kësaj terapie nuk mund t’i nënshtrohemi në çdo stinë të vitit. Gratë shtatzana përjashtohen nga terapia. Gjatë terapisë nuk mund të marrim seanca solari apo të përdorim produkte të çfarëdoshme, pa sugjerimin e estetistes, për shkak se lëkura është tepër e ndjeshme në këtë fazë. Edhe përdorimi i lazerit gjatë terapisë është i ndaluar kategorikisht.

nga Vizitor Wed Mar 11, 2009 10:46 pm

Eliminimi i qelizave të vdekura i dhuron lëkurës një ngjyrë të bukur dhe mbi të gjitha i lehtëson ajrosjen. Fillojmë nga trupi, duke kujtuar që sidoqoftë peeling është një veprim agresiv ndaj lëkurës ndaj dhe duhet të bëhet në mënyrë të butë dhe delikate. Përsëriteni përsëri në qoftë se e shikoni të arsyeshme por me një distancë prej 8-10 ditësh. Në qoftë se keni pak probleme është i këshillueshëm një pastrues i lehtë që është dhe zbutës. Përdoreni këtë solucion duke e hedhur në një shami teli të cilën pasi të keni lagur trupin ta përdorni në vend të fërkueses së zakonshme.

Në qoftë se lëkura juaj është shumë e tharë, është e nevojshme një kurë më e fortë që të largojë të gjitha qelizat e vdekura. Për këtë rast në fërkuesen prej teli të butë duhet të hidhni një tas të vogël miell misri integral dhe një tas të vogël me miell bajamesh të ëmbla. Më pas vazhdojmë si herën e parë duke e fërkuar lëkurën për një kohë të gjatë por në mënyrë delikate. Do të shikoni që lëkura do të bëhet e butë dhe elastike si kurrë ndonjëherë.

Në qoftë se bëni pjesë tek ato fatlume të pakta të cilat e kanë lëkurën e padëmtuar, i lejoni vetes një banjë të kënaqshme për të pasur një lëkurë kompakte dhe elastike. Hidhni 3 litra qumësht në ujin e ngrohtë të vaskës dhe qëndroni për 20 minuta. Do të shikoni që lëkura juaj do të jetë e butë dhe e këndshme ashtu siç keni ëndërruar gjithmonë.

Një sallatë si dekolte

Qafa është një pikë që lihet disi pas dore për sa i përket kujdesit të lëkurës. Atëherë, ja një maskë e jashtëzakonshme: Merrni një sallatë të tërë, lajeni me kujdes dhe grijeni. Më pas aplikojeni sallatën e grirë në të gjithë qafën dhe në pjesën e kraharorit. Mbajeni për 20 minuta. Sallata përmban shumë vitamina dhe është efikase për të gjitha llojet e lëkurës.

Duart në plan të parë

Mos i harroni kurrë. Janë gjithmonë në plan të parë të çdo lloj gjesti që ju mund të bëni. Merrni një patate të patrajtuar, qërojeni, grijeni dhe përdoreni për të mbuluar sipërfaqen e duarve tuaja për të paktën 20 minuta. Ditën tjetër në një enë të gjerë dhe të thellë hidhni një litër qumësht të cilës do ti shtoni gjysmë limoni të shtrydhur. Futini duart në këtë përbërje dhe mbajini 20 minuta duke i masazhuar butësisht gjatë kësaj kohe. Në qoftë se i keni në gjendje të rëndë merrni argjilë përziejeni me pak ujë të pastër për të përfituar një përbërje në formë kremi dhe lyejini duart me të. Mos lani duart tuaja deri kur argjila të jetë thithur krejtësisht nga lëkura.

Në fytyrë bajame dhe ananas

Në qoftë se do të bëjmë peeling në fytyrë ky duhet të jetë shumë i lehtë. Sigurisht që gjithçka varet nga gjendja e lëkurës suaj dhe nga dëshira juaj. Në qoftë se pëlqeni që të reagoni me një farë energjie merrni bajame të ëmbla të grira hollë dhe pastaj bashkojini me aq ujë sa mjafton për të krijuar një maskë kremi. Përbërjen aplikojeni në fytyrë duke e masazhuar lëkurën por jo për një kohë më të gjatë se sa dy minuta. Më pas lajeni. Në qoftë se lëkura e fytyrës suaj ka vetëm një shtresë mjaft të lehtë qelizash të vdekura, përdorni lëngun e ananasit i cili ka aftësi të mira për të zhvilluar peeling. Kështu pasi të keni shtrydhur një gjysmë ananasi shpërndajeni në të gjithë fytyrën. Mbajeni jo më tepër se 5-6 minuta dhe lajeni fytyrën. Përsëriteni të njëjtën gjë tre javë me radhë duke e aplikuar një herë në javë. Në këtë pikë jeni gati për të përballuar stinën me një lëkurë të bukur dhe të rigjeneruar mirë.

nga Vizitor Sun Apr 12, 2009 12:27 am

Keshilla për fytyrën Visual_1186fcbb-4ebc-4cf9-9c0b-92b6fa0e962a

Paraqitja e fytyrës tuaj, pasqyron, si shpirtin dhe shëndetin tuaj ashtu edhe ndjenjat tuaja. Sigurisht do të donit që të shkëlqejë, për këtë kujdeseni, në mënyrë që të mos jetë e lodhur, e tharë dhe e munduar.
Edhe nëse keni një lëkurë të përsosur, gjithmonë është i nevojshëm kujdesi i fytyrës tuaj. Edhe nëse keni një cilësi të mirë të lëkurës, mund që fytyra juaj të fryhet nga ankthi dhe trysnia e perditshme.

Nëse e duron budget juaj, me e mira do të ishte të filloni një program për kujdesjen e fytyrës që do të zgjatë për 6 muaj. Një gjë e tillë do t’i japë mundësinë lëkurës tuaj që të përmirësohet dhe të pakësojë shpërthimet e lëkurës.

Dhe me gjithë këto zgjoheni me ndonjë shpërthim lëkure (puçra etj.) mirë është që të lini vetë natyrën që të bëjë të sajën. Kjo do të thotë se nuk keni nevojë të bëni ndonjë gjë të veçantë që të zhduken (p.sh që ti shtypni ato). Të posaçmit e estetikës ju këshillojnë që të përhapni nje concealer të lëngshëm në ngjyrën e lëkurës tuaj dhe pastaj te perhapni siper dhe pak pudër.

Hidhni pak nga ky produkt në dorën tuaj që të ngrohet pak dhe përdorni furçën tuaj qe ta përhapni dhe gishtin tuaj që ta shtroni më mirë. Dhe ne fund kaloni me një furçë të madhe një pudër gjysëm të tejdukshme.

©bukuri.com

nga Vizitor Sun Apr 12, 2009 1:07 am

Kujdesuni që të keni vetulla të bukura

Forma e bukur e vetullave është një nga sekretet e një makiazhi të bukur. Shumë vajza nuk u japin shumë rëndësi vetullave të tyre ose disa herë i heqin më tepër se çduhet. Vetullat janë kornizë për sytë tanë dhe mund të na tregojnë të bukur dhe të ëmbël ose të egër dhe të prishin paraqitjen e përgjithshme të fytyrës tonë. Duhet pra që të kujdesemi për paraqitjen tonë dhe për formën që u japim vetullave.

Çasti më i përtshtatshëm për të hequr vetullat tuaja është pas një dushi apo banjoje. Gjithashtu mund të përdorni një peshqir apo pecetë të ngrohtë dhe të lagur që të hapni poret e lëkurës tuaj në mënyrë që heqja e vetullave të jetë më e lehtë dhe më pak e dhimbshme. Mos harroni që ti hiqni qimet ne drejtimin që ato rriten dhe jo në të kundërt.

©bukuri.com

nga Vizitor Sun Apr 12, 2009 4:31 pm

Keshilla për fytyrën Makeup-apo-puder1.thumbnail

Të shumta janë gratë që pyesin se cili produkt është më i përshtatshmi për fytyrën e tyre, make up i lëngshëm apo pudër?

Make up i lëngshëm është më i lehtë në përdorim dhe krijon një përfundim të mirë në përhapjen e barabartë dhe të lëmuar. Shkon me më të shumtat llojet e lëkurave dhe sidomos në lëkurat e thata, sepse favorizon yndyrën.
Pudra është me të vërtetë metoda më e zakonshme për mbulim dhe natyrisht përbën zgjedhjen më të përshtatshme, nëse keni lëkurë të yndyrshme. Pudrat e mira luftojnë shkëlqimin antiestetik dhe ju japin mundësinë e lyerjes së herë pas herëshme.

©bukuri.com

nga Vizitor Wed May 06, 2009 10:06 pm

Sekretet e një fytyre të bukur mashkullore

Është më se e vërtetë: meshkujt e sotëm e kanë hedhur tashmë tej tabunë e kujdesit për bukurinë e tyre dhe pretendojnë të kenë pamje të jashtme sa më të këndshme. Kështu duke u ndihmuar jo vetëm nga produktet e ndryshme kozmetike por edhe përmes një rruajtjeje të saktë të fytyrës, ata kanë filluar të zotërojnë lëkurë gjithnjë e më të butë, pa puçrra dhe zona të thata.
Sipas statistikave rreth 89% e meshkujve vazhdojnë të preferojnë brisqet e ndryshëm për mjekrën dhe mustaqet, ndërsa vetëm 11% e tyre përdorin makinat elektronike. Njëkohësisht rezulton se rreth 40% e meshkujve përdor në masë të gjerë produkte për fytyrën. Por cilat janë vallë sekretet për të pasur një rruajtje sa më të saktë të saj?

Lloji i lëkurës
Hapi i parë ka të bëjë me gjetjen e llojit të lëkurës dhe të qimeve që mund të ketë një mashkull. Për këtë ai duhet të shikohet me kujdes në pasqyrë dhe të ndjekë ecurinë dhe pasojat e rruajtjes për çdo ditë.

• Nëse lëkura juaj shkëlqen në pjesën e hundës dhe në ballë por në faqe është e thatë, atëherë keni lëkurë të përzier ose të yndyrshme.
• Nëse lëkura juaj duket fiziologjike, nuk shkëlqen por nuk duket as e thatë, atëherë keni lëkurë normale.
• Nëse lëkura juaj është e thatë, e prirë që të shqitet në copa të vogla, atëherë keni lëkurë të thatë.
Hapi i dytë që duhet të ndërmerrni ka të bëjë me gjetjen e llojit të qimeve që keni në fytyrë.
• Nëse ato janë tepër të dendura, në ngjyrë të errë, të egra dhe ridalin pak orë pasi jeni rruar, atëherë keni "mjekër" (qime) të fortë.
• Nëse qimet e mjekrës janë të dendura, të zeza ose kafe, disi të ashpra dhe mjafton që të rruheni çdo mëngjes për të qenë në formë të mirë për 24-orëshin e ardhshëm, atëherë padyshim që keni qime me fortësi mesatare.
• Nëse qimet e juaja janë të dendura, por kanë edhe hapësira mes tyre, nuk janë të egra dhe nuk rriten shpejt, atëherë keni qime të buta.

Zgjedhja e produkteve

Në përputhje me llojin e lëkurës dhe të qimeve mund të zgjidhni produktet e duhura për rujtje sikurse edhe metodën e përshtatshme.

• Nëse lëkura muaj është e yndyrshme ose e përzier është më mirë që të rruheni me briskun klasik të rrojës dhe rrallë të përdorni makinën elektrike.
Në këto lloj lëkure është e këshillueshme që të përdoren produkte për kujdesin e fytyrës në formë xheli dhe jo shkume. Por kështu duhet të përdoret edhe "after shave" (pas rrohjes) në formë xheli.
• Nëse lëkura juaj është normale, mund të përdorni si briskun tradicional ashtu edhe makinën elektrike të rrojës. Por, nga seria e produkteve të pas rrojës është e këshillueshme që të shmangni përdorimin e atyre me alkool, të paktën jo përditë. Në vend të tyre mund të përdorni produkte në formë kremi.
• Nëse lëkura juaj është e thatë dhe e ndjeshme mund të përdorni gjithnjë makinën elektrike dhe më pas, si “after shave”, një nga produktet në formë kremi.
• Nëse keni qime të forta, të cilat rriten shpejt, është e këshillueshme që të kombinoni briskun me makinën. D.m.th. të rruheni çdo mëngjes me brisk,
pasi të keni bërë një shkumë të mirë, ndërsa pasdite përdorni për "freskim" makinën elektrike.
• Nëse qimet tuaja nuk janë kaq të vështira dhe nuk dalin shpejt përdorni vetëm makinën elektrike dhe më pas "after shave" që i kombinon lëkurës suaj.

Veçantitë
Lëkura e meshkujve nuk është e njëjtë me atë të femrave dhe për këtë arsye firmat e ndryshme kanë krijuar dy seri produktesh kozmetike. Pra, është e detyrueshme që të zgjidhni kremra dite ose produkte rruajtjeje që i takojnë serisë mashkullore. Por çfarë e ndryshon lëkurën mashkullore nga ajo femërore?

1. Shtimi në ritme të larta i hormoneve mashkullore gjatë periudhës
së pubertetit krijon terren të përshtatshëm për rritjen në sasi të madhe të qimeve në fytyrën mashkullore. Si rrjedhim lëkura do të humbasë butësinë e dikurshme.
2. Po kështu gjatë pubertetit ka më shumë mundësi për daljen e puçrrave, gjë e cila prish njëtrajtshmërinë e lëkurës.
3. Procesi i "mbushjes" së lëkurës me yndyrë vazhdon deri në moshën 80-vjeçare.
4. Indet e shumta mbrojtëse brenda lëkurës reflektojnë trashësi më të madhe.

Dush skocez
Shumë duhet të kenë dëgjuar për këtë lloj dushi, por nga praktika rezulton se pak e përdorin atë. Ne ju ofrojmë mundësinë të gjithë meshkujve që t’i japin fytyrës së tyre një kënaqësi dhe pamje të mrekullueshme, duke ndjekur këto hapa.
Nëse rruheni gjatë kohës që bëni dush dhe më e butë, ndërsa rruajtja do të bëhet më e thellë. Përveç të tjerash avulli dhe uji i ngrohtë i ushqejnë qimet me lagështirë dhe përmirësojnë gradualisht cilësinë e tyre, sidomos kur keni qime të forta.
Menjëherë më pas shpëlajeni lëkurën me ujë të ftohtë, i cili do të ndihmojë të mbyllen poret dhe të largohet çfarëdo dëmtimi (çarje etj.) që mund të jetë shkaktuar nga brisku.

nga Vizitor Wed May 06, 2009 10:23 pm

Armiqtë e lëkurës femërore

Sa rrezikojnë temperaturat e ulëta, smogu i qyteteve, rrezet ultravioletë dhe pirja e duhanit...

Çdo ditë kur zgjohesh, por edhe para se të flesh, pastron lëkurën tënde me late dhe tonik dhe e "ujit" me një produkt me veprim të lartë hidratues.
Më pas e ushqen me një krem antirudhë. Edhe pse ndjek në mënyrë skrupoloze abc-në e bukurisë, përsëri fytyra jote nuk ka një pamje shumë të kënaqshme. Gjithashtu irritohet dhe skuqet me lehtësi.
Shpjegimi është i thjeshtë: lëkura me kalimin e kohës tenton të fishket, pasi është normal procesi kronologjik i plakjes. Por kësaj i shtohen edhe një sërë faktorësh me veprim agresiv mbi lëkurën tonë...

Efektet e të ftohtit

Dimri është shumë i përshtatshëm për të fjetur. Edhe lëkura jote mendon kështu. Në temperaturat e ulëta metabolizmi i qelizave ngadalësohet dhe lëkura rinovohet më me vështirësi. Jo vetëm kaq, i ftohti tenton të dobësojë filmin hidrolipidik (barriera e mbrojtjes natyrale) dhe vepron në shtrëngimin e kapilarëve.
Në këtë mënyrë në fytyrë do të qarkullojë më pak gjak (pra më pak ushqim) për qelizat. Pasojat kryesore janë moshidratimi, skuqja dhe kapilarët e kuq që fillojnë të evidentohen. I ftohti bëhet një armik kritik sidomos mbas të 40-ve.
Ngadalësimi i metabolizmit implikon edhe një kapacitet më të vogël për të neutralizuar radikalet e lira, përgjegjëset kryesore të plakjes. Enzimat, substancat kimike që duhet të na mbrojnë, nën efektin e të ftohtit punojnë me një efikasitet më të vogël.
Mbroji sytë dhe buzët me një krem specifik dhe përdor një herë në javë një maskë hidratante (më efikase janë ato me bazë ekstrakte vegjetale të cilat kanë edhe një veprim antiskuqje).
Vër në tavolinë omega 3 (sardelet dhe salmonin), yndyrat që fuqizojnë mbrojtjen e lëkurës, vitaminën C (kivi, agrume, speca): veprimi i tyre antioksidues forcon kapilarët.

Plakja

Ke një lëkurë më të re në krahasim me bashkëmoshataret e tua. Falëndero mamin dhe babin: të kanë dhuruar gjene që ta mbajnë kompakte më gjatë se zakonisht.
Plakja kronologjike në krahasim me atë të shkaktuar nga rrezet e diellit, është e lidhur me faktorët biologjik gjenetik të ADN-së tonë të cilat japin instruksione për të ndërtuar organizmin tonë.
Për të kontrastuar shenjat e kohës që kalon, është mirë që t'i sigurojmë epidermës një hidratim deri në 30-35 vjeç. Pastaj shtohet edhe ushqyerja për të stimuluar formimin e kolagjenit dhe të elastinës.
Plakja e lëkurës fillon që ditën kur lind, por sigurisht shenjat e para duken rreth moshës 30 vjeç, me daljen e rrudhave të para që krijohen nga mimika, parregullsi të vogla rreth syve, anës buzëve dhe gojës të cilat mund të maskohen lehtësisht me truk.
Përdor produkte antioksidues dhe hidratantë dhe zgjidh trajtime sipas moshës tënde.
Por mbas të 30-ve një herë në vit duhet të bësh një vizitë dermatologjike për të vlerësuar gjendjen e lëkurës tënde (e cila mund të jetë më e re ose më e vjetër se ti) dhe kështu të individualizosh kurat e duhura.

Stresi dhe ndikimi i tij në lëkurë
Nëse je duke kaluar një periudhë të vështirë, mos u çudit nëse lëkura jote humbet shkëlqimin dhe butësinë. Truri reagon dhe stresi prodhon disa substanca të quajtura neurotransmetues të cilat shtrëngojnë enët e gjakut duke shkaktuar një ngadalësim të qarkullimit.
Rezultati? Epiderma bëhet opake dhe rrudhëzat rreth syve, buzëve dhe gojës theksohen më tepër duke e bërë lëkurën tuaj që të ngjajë më e plakur. E nëse stresit i shtohet edhe një ambient i ndotur qyteti, plakja është padyshim e parakohshme.
Më të rrezikuarat janë femrat e reja nga 20 deri në 30 vjeç.
Sugjerimet më të çmuara: Kushtoji çdo ditë një gjysmë ore kohë vetes tënde, lexo një libër, bëj joga ose bëj ushtrime të frymëmarrjes së thellë.
Pra kaloje kohën ashtu siç të pëlqen ty, por dhe pasuro kozmetikën me trajtime rivitalizuese.

Pasojat e duhanit
Cigarja e rëndon pamjen e lëkurës tënde, aq sa specialistët thonë "fytyrë tym" për të treguar atë bashkësi rrudhash rreth syve, buzëve dhe gojës që krijohen mbas dhjetë vjet pirje e rregullt cigaresh.
Cigarja bën keq, sepse nikotina krijon një lloj tape që pengon oksigjenin që të hyjë në inde. Dhe pa oksigjen qelizat mbeten të uritura dhe nuk arrijnë që të jenë të shëndetshme.
Në këtë mënyrë lëkura humbet shkëlqimin, epiderma thahet dhe irritohet plotësisht. Përveç kësaj nikotina prish mikroqarkullimin duke penguar prodhimin e kolagenit dhe të fibrave elastike. Kështu lëkura humbet elasticitetin dhe plaket më shpejt.
Nëse je vajzë e re dhe lë cigaren, dëmet e saj mund të riparohen dhe në mënyrë mjaft efikase. Ndërsa për një 40-vjeçare që ka 10 vjet që e pi cigaren, dëmet janë më të vështira për tu eliminuar…Dhe nganjëherë të pakthyeshme.
Kërko t'u thuash lamtumirë cigareve dhe ndërkohë shto konsumin e vitaminës A. Gjendet sidomos në vezë, në domate, në spinaq dhe është vitamina e preferuar si një element toksik ndaj duhanit. Kremi i duhur është ai antirrudhë.

Dielli
Bukuria jote e ardhshme varet edhe nga raporti që ti ke me diellin sot. Me kalimin e viteve epiderma reagon ndaj agresorëve diellorë dhe shtresa e jashtme e saj humbet elasticitetin.
Mbroju gjithmonë nga rrezet e diellit dhe jo vetëm në verë ose kur je në mal. Edhe dielli që merr kur je në qytet, bilës edhe në dimër, e vë në provë të fortë lëkurën tënde. Duhet të përdorësh kremra me filtra Uv, bile edhe fondotintën blije me këtë cilësi.

Ndotja

Nëse jeton në qytet, çdo ditë je e detyruar të bësh llogaritë me ndotjen. Ajri që të rrethon dëmton shtresën mbrojtëse të lëkurës tënde dhe në të njëjtën kohë depozitohen mikrograme dhe substanca toksike në formë pluhurash metalikë të padukshëm.
Në këtë fushë beteje padyshim që fytyra jote është në rradhë të parë: ndotet dhe merr një ngjyrë gri në kaf.
Pa llogaritur këtu rreziqet e zhvillimit të alergjisë. Në epidermat më të ndjeshme, akumulimi i substancave të jashtme mund të shkaktojë irritime të bezdisshme antiestetike.
Mosha më kritike janë të rriturit dhe jo fëmijët që vuajnë më shpesh nga irritimet e shkaktuara nga ndotja.
Të vegjlit zakonisht kanë një jetë më të mbrojtur dhe më pak të ekspozuar në krahasim me shtëpiaket ose punëtoret që çdo ditë janë në kontakt me substanca alergjike si detersivë, spray, dhe ozoni që është prezent në disa fotokopje.
Sistemi imunitar i të rriturve është më delikat dhe gati që të shpërthejë në reagime alergjike në prezencë të substancave irrituese. Pastroje gjithmonë lëkurën me kujdes me detergjent delikatë.
Nëse e ke të irrituar ose sensibël, evito ato që përmbajnë sodiolaurilsolfato (substancë kimike që rrit irritimin) si dhe produktet që bëjnë shumë shkumë. Ato kanë një efekt të madh në heqjen e yndyrës deri në thellësi dhe e lënë lëkurën më të ekspozuar nga pluhurat alergjizues.