Afrimi i kometës ISON, nis marrja e masave nga NASA !

Afrohet kometa ISON e bashkë me të edhe pritshmëritë e mëdha mbi atë që duhet të bëhet një nga kometat më brilante të vërejtura ndonjëherë në shekujt e fundit. Në pritje të “spektaklit” të programuar për në vjeshtë, NASA ka mbledhur një grup ekspertësh për të organizuar një fushatë vrojtuese, me synimin për të koordinuar detyrat përmes instrumenteve tokësore dhe hapësinore që disponohen. “Eshtë një mundësi e rrallë që na jepet, sidomos pasi mund ta planifikojmë me shumë avancë. Ndërkohë që mund të vjelim shumë informacione shkencore nga ky event”, thotë Karl Battams, një shkencëtar. I zbuluar në shtator të 2012-s nga astronomët rusë, ISON është një kometë që do të afrohet në “vetëm” 1.1 milionë kilometra nga sipërfaqja e Diellit.