Arrestohet nëna e cila u përpoq të shesë fëmijët e saj në Facebook për 4000 dollarë

Nuk dihet ende sesi e shkoi nëpër mend një vendim kaq të paimagjinueshëm, por ja që ajo e vuri në zbatim atë. Vetëm e vetëm për të nxjerrë paratë e nevojshme, për nxjerrjen e burrit të saj nga burgu.
Fjala është për nxjerrjen në shitje të dy fëmijëve të saj, nga një nënë amerikane, respektivisht të moshave 10 muaj dhe 2 vjeç.
Duket se ajo ka qenë në dëshpërim të thellë për të gjetur paratë e duhura, teksa ka publikuar një reklamë në rrjetin social për shitjen e dy fëmijëve të saj.
Përfundimisht, pas një negocimi të vështirë, marrëveshja u arrit mes saj dhe dikujt tjetër për t’i shutur që të dy me një çmim skandaloz, vetëm prej 4.000 $, ku 1.000 do paguheshin vetëm për fëmijën 10 muajsh.
Marrëveshja kjo e cila nuk u vu dot në zbatim, pasi ndërhynë menjëherë shërbimet sociale, të cilët sa janë vënë në dijeni të saj, kanë alarmuar policinë.
Ndërsa fëmijët u transferuan në strukturat e shërbimeve sociale, larg dhe të sigurt nga një nënë mizore si kjo.