I bien me tullë në kokë bashkëshortit të dyja gratë, mori për grua motrën e tyre të tretë

Nje burrë pakistanez u rrah nga dy ish bashkëshortet e tij, të cilat ishin motra, pasi e akuzonin se u kishte rrëmbyer motrën e tyre të tretë dhe ishte martuar me të.

Rrahja ndodhi jashtë një salle gjyqi në Gujranwala, në veri-lindje të Punjabit në Pakistan, ku Adnan u rrah nga ish gratë e tij.

Vetëm pak para incidentit gjykatësi Ahmed Mansoor Khan, vendosi në favor të Adnan, pavarësisht kërkesës kundërshtuese të babait të grave, Muhammad Riaz.

Riaz pretendonte se dhëndri i cili ishte martuar fillimisht me dy vajzat e mëdha, kishte rrëmbyer vajzën e tretë të tij Anum, dhe ishte martuar me forcë me të.

Në përballjen mes pretendimeve, gjykatësi dëgjoi edhe deklaratën e Anum e cila kundërshtoi babanë e saj, duke thënë se ishte martuar me Adnan me vullnetin e saj të lirë.

Pavarësisht vendimit të dhënë, Muhammad dhe dy vajzat e tij u përpoqën të merrnin Anum nga Adnan jashtë sallës së gjyqit, ku dy motrat e nuses së re rrahën ish-burrin e tyre duke e qëlluar edhe me tullë në kokë.

Adnan arriti të shpëtojë nga dhuna e grave të inatosura vetëm falë ndërhyrjes së policisë dhe të afërmve të tij.