Në kujtim të piktorit të famshëm Rembrandt

Në kujtim të piktorit të famshëm Rembrandt



Rembrandt lindi më 15 korrik 1606 në Laiden, Holandë dhe vdiq më 4 tetor 1669 në Amsterdam. Ishte një piktor dhe gdhendës holandez. Ai konsiderohet si një nga piktorët më të mëdhenj në historinë e artit europian dhe më të rëndësishmit në historinë holandeze.
Kontributi i tij në art erdhi në një kohë, që historianët e quajnë Periudha e Artë Holandeze. Duke arritur sukses në rini si një piktor portreti, vitet e tij të mëvonshme u shënuan nga tragjedi personale dhe vështirësi financiare. Megjithatë, vizatimet dhe pikturat e tij ishin të njohura gjatë gjithë jetës së tij, reputacioni i tij si një artist u ruajt dhe për njëzet vjet ai ishte mësues gati i çdo piktori të rëndësishëm holandez.

Fitoret më të mëdha krijuese të Rembrandit janë të ilustruar sidomos në portretet e bashkëkohësve të tij, në autoportretet dhe ilustrimet e skenave nga Bibla.
Autoportretet e tij formojnë një biografi unike dhe intime, ku artisti e vështron veten pa zbukurime dhe shumë sinqeritet. Në të dyja fushat, si në pikturë, edhe në printmaking ai shfaqi njohuri të plota të ikonografisë klasike. Kështu, përshkrimi i një skene biblike krijohej nga njohuritë e Rembrandit mbi një tekst të veçantë, nga asimilimi i një kompozicioni klasik dhe vrojtimet e tij mbi popullsinë hebraike të Amsterdamit. Për shkak të ndjeshmërisë së tij për gjendjen e njeriut, ai është quajtur “një nga profetët e mëdhenj të civilizimit”.