Jahtet më luksoze në botë (Foto)

Oligarkët rusë dhe sheikët arabë kanë njohur një rritje marramendëse të pasurisë së tyre në vitet e fundit. Rritja e pasurisë ka rritur mirëqenien e tyre dhe plotësimi i tekave qindra-milionë euroshe është bërë më i thjeshtë. Ndër pasionet e miliarderëve janë edhe super-jahtet luksoze me porosi.
Sipas Top-Channel, jahti “Eclipse” i oligarkut rus Roman Abramovich qëndron në vend të parë dhe pas tij vijnë me radhë jahtet luksoze të sheikëve arabë. “Eclipse” është i gjatë 163 metra dhe mendohet se i ka kushtuar pronarit të Chelseat mbi 300 milionë euro.



Në vendin e dytë renditet super-jahti “Al Said Larssen”, 155 metra i gjatë dhe në pronësi të sulltanit të Arabisë Saudite, Abdul Aziz.

Vendi i tretë, i katër dhe i pestë shkon për tre super-jahte të familjes së sheikut të Katarit, Hamad Bin Jabor Al Thani, njëkohësisht kryeministër dhe ministër i Jashtëm i atij vendi.



Në vendin e gjashtë renditet “Salamah”, 150 metra i gjatë, sërish në pronësi të sheikëve arabë. Vendi i shtatë shkon për jahtin e familjes mbretërore saudite, “Prince Abdulaziz", 147 metra i gjatë. I teti radhitet “Rising Sun” në pronësi të Larry Ellison i “Oracle” e që ka kushtuar diku 200 milionë euro.



Në vendin e nëntë radhitet një prodhim italian, “Serena di Fincantieri”. Ende në kërkim të një pronari. Top 10 e super-jahteve mbyllet me “Abu Dhabi Swift", 141 metra i gjatë dhe në pronësi të emirit arab. /Telegrafi/