Estetika e muzikës!!!

nga **Adea** Sat May 05, 2012 7:34 pm

Estetika e muzikës!!! Artisticmetaphormoodmusicmusicsheetmusicalnotesrose-cd2899acc256b6f07748056c563c13b9_m1

Arti në përgjithësi dhe muzika në veçanti, ndikojnë për edukimin dhe formimin e individit dhe tek shijet e tij. Ato ndikojnë direkt në shpirtin dhe mendjen njerëzore dhe kanë një rëndësi të madhe edhe në zhvillimin psiko-social.

Arti dhe muzika i japin individit kënaqësi dhe gëzim, i krijojnë një situatë qetësie, i krijojnë ndjenja të ndryshme, ia vënë në lëvizje imagjinatën.

Nëpërmjet edukimit dhe formimit artistik, krijohen edhe shijet e caktuara artistike, të cilat janë të ndryshme si pasojë e një seri faktorësh psikikë, shoqërorë dhe kulturorë. Estetika e muzikës ka një rëndësi të madhe, sepse teorikisht jep zgjidhje për shijen, bukurinë, kënaqësinë, komunikimin artistik, kuptimin e muzikës dhe artit në përgjithësi.

Shoqëria dhe individi i shoqërisë sonë në përgjithësi, ka paqartësi estetike, të cilat lidhen me një seri faktorësh që i përmendem më lart. Muzika është një formë arti dhe mediumi i saj është tingulli. Elementet bazë të muzikës janë toni, ritmi, dinamika dhe cilësitë sonore, timbri dhe tekstura. Muzika ka një rëndësi shumë të madhe edhe për vetë ekzistencën njerëzore, të qenurit.

Estetika është degë e filozofisë që ka të bëjë me natyrën e së bukurës, artit dhe shijes dhe me krijimin dhe vlerësimin e të bukurës. Studimi i së bukurës dhe i kënaqësisë, estetika e muzikës i ka dhënë kuptim vetë artit muzikor.

Estetika e muzikës tradicionalisht koncentrohet në cilësinë dhe studimin e së bukurës dhe kënaqësisë së muzikës.

Shumë filozofë kanë studiuar rëndësinë e të bukurës dhe kënaqësisë në art dhe në muzikë. Studimet e Baumgarten për estetikën janë konsideruar shpesh si moment kyç për zhvillimin e filozofisë estetike. Ai zhvilloi estetikën, që do të thotë studimi i shijes së mirë dhe të keqe. “Kështu arti i mirë dhe i keq, lidh shijen e mirë me bukurinë”. Baumgarten e lidh estetikën e muzikës direkt të ndikuar nga perceptimi shqisor. Nëpërmjet shkrimeve të këtyre filozofëve, termi antik estetik, do të thotë perceptim shqisor, ka marrë konotacionin, domethënien e tij aktuale. Tek estetika e muzikës lozin një rol të rëndësishëm edhe komunikimi, gjuha, antropologia dhe kibernetika.

Psikologjia kulturore ka një rol për zhvillimin e personalitetit të njeriut dhe natyrisht luan rol edhe tek estetika e muzikës. Psikogjenetika e Frojdit dhe Arketipet e Jungut kanë vendin e tyre për rëndësinë e zhvillimeve estetike. Teoria e Geshtaltit, trajtat, ndikojnë në të kuptuarit dhe rëndësinë estetike. Zhvillimet shoqërore kulturore ndikojnë jo vetëm për zhvillimin e personalitetit, por ata kanë ndikim edhe në perceptimin njerëzor dhe për estetikën e muzikës. Është menduar shpesh se muzika ka aftësinë të ndikojë emocionet, intelektin dhe psikologjinë tonë.

Ajo mund vetminë tonë edhe nxit pasionet. Muzika ndikon direkt mbi emocionet tona. Emocioni është një përvojë komplekse psikofiziologjike të një gjendjeje mendore të një individi. Inteligjenca është termi që përshkruan pasurinë e mendjes, me aftësi të tilla si mendimi abstrakt, kuptimi, komunikimi, planifikimi dhe zgjidhja e problemeve. Pikërisht këto procese përcaktuese psikike ndikojnë në zhvillimin e estetikës. Arti i muzikës

Psikologjia është shkenca e mendjes dhe e sjelljes dhe janë pikërisht mendja dhe sjellja që ndikojnë në krijimin edhe të artit të muzikës. Gjithashtu, mund të themi se imagjinata ka një rol të rëndësishëm për estetikën muzikore dhe vetë artin muzikor.

Që prej kohëve antike, muzika është përdorur për të përhapur dhe shprehur ndjenja.

Platoni mendonte gjithashtu se një dozë e përditshme me muzikë mund të përmirësonte mirëqenien e përgjithshme të individëve.

Gjithashtu, vlen te theksohet se karakteri i muzikës nuk ka qenë thjesht argëtues, por ka shërbyer edhe si ilaç për trupin dhe shpirtin. Apeli i estetikës së muzikës duket i varur prej kulturës në të cilën praktikohet. Një individ nga veriu ka një perceptim të ndryshëm për muzikën kundrejt një personi që është nga jugu. Ky perceptim ndikon edhe tek të shijuarit të muzikës. Shija për muzikën ndikohet edhe nga kushtet klimatike dhe pozita gjeografike, por ajo është e lidhur edhe me faktorë psikologjikë madje dhe parapsikologjikë.

Megjithatë, është backgroundi fizik i cili përcakton, nëse tingulli është i hijshëm apo i pahijshëm. Pikërisht ky element i muzikës siç është tingulli, ka edhe ndikim për estetikën e muzikës.
Estetika e muzikës!!! Solfezh