Dita më e mirë për të bërë seks? E Enjtja

Merreni si një ditë pushimi, fshini ndonjë angazhim që keni planifikuar gjatë saj. Sepse të enjten duhet të jeni në shtëpi, duke bërë dashuri. E kjo, pasi sipas një studimi nga “London School of Economics”, e enjtja duket se është dita më e mirë për të përfituar nga nivelet e larta të potencialit sinkron erotik dhe hormonal.

Dhe brenda së enjtes si e tillë, momenti më ideal për ta bërë këtë, është mëngjesi, kur dëshira seksuale thuhet se është në nivelin e saj më të lartë.

Por nëse e enjtja është ditë e mirë për të bërë seks, përse mund të jetë e mirë pjesa tjetër e javës?

Sipas një studimi tjetër britanik, e hëna është dita më e mirë për të hequr qafe stresin. Motivimi për këtë, lidhet me të qenit si dita e parë e javës dhe e para pas fundjavës. Në këtë fazë, thuhet se trupi është më i përgatitur për të dëbuar toksinat dhe stresin.

Ndërsa e marta, vlerësohet se është dita më e mirë për të përfunduar një punë të pambaruar dhe e të qenit më produktive.

Pas kësaj, të mërkurën është koha më e mirë për të trajtuar kokën nga ngarkesat që nisin të grumbullohen ngadalë, me afrimin e mesjavës.

Të premten, thuhet se është koha më e mirë për të lënë duhanin, kurse e shtuna është dita më në rrezik për alkoolin.

Për ta përmbyllur, e diela, është dita me qëllimet më të mira, veçanërisht ato personale.