Është 73-vjeç dhe ka katër të dashura

Themeluesi i CNN-it dhe miliarderi, Ted Turner, ka thënë se ka katër të dashura dhe me secilën prej tyre kalon nga një javë brenda muajit.

Para dhjetë vitesh, 73-vjeçari u shkurorëzua nga aktorja Jane Fonda, ndërsa prej asaj kohe ai është bërë i njohur në publik për lidhjet e shumta me femra, përkundër moshës së shtyrë.

Moguli mediatik gjatë një interviste për Hollywood Reporter ka thënë se jeta e tij romantike është e komplikuar, por funksionale, meqë të gjitha femrat e dinë për njëra-tjetrën.

Për Turner thuhet se akoma nuk e ka harruar ish-gruan e tij, Jane Fonda, ndërsa nga femrat aktuale, vetëm njërës i dihet emri. Ajo është Elizabeth Dewberry, e cila ka qenë e martuar me shkrimtarin Robert Olen Butler. /Telegrafi/