Dëshira më e fshehtë e njeriut

Instikti për të kryer marrëdhënie seksuale është më i forti që zotërojmë. Ky është jetësor nëse duam të krijojmë brezin tjetër.
Instinktet tona na nxisim ne të gjithëve të kryejmë marrëdhieve seksuale. Por mënyra se si gratë dhe burrat cyten drejt kësaj është krejt e ndryshme.



Dy aktorë u dërguan në kompleksin universitar të Londrës me kamera të fshehta për të bërë një pyetje të thjeshtë: "A don të flësh me mua?". Njëri prej aktorëve është femër që pyet meshkujt dhe tjetri është mashkull që pyet femrat.
Rezultati dihet. Asnjë femër nuk tha po por tre në katër meshkujve u dukej ideja e mirë.

Ndryshimi tek qasja e meshkujve dhe femrave ndaj marrëdhënies seksuale ka një themel evolucionar. Çdo muaj një grua çliron vetëm një vezë. Nëse kjo vezë pllenohet atëherë asaj do t'i duhet të bartë fëmijën përgjatë nëntë muajsh shtatzënësie.

Ky është një investim i madh. E kundërta ndodh me burrin i cili ka të gatshme pothuaj një numër të pafundtë spermash dhe mund të bëhet atë i qindra fëmijëve brenda këtyre nëntë muajve. Kështu që nuk është befasuese përse gratë kanë prirje të jenë më nazeqare kur vjen puna për të zgjedhur se me kë të kryejnë marrëdhënie seksuale.


shenjat e pjellorisë

Kur janë në kërkim të një partneri njerëzve u flet instinktivisht një varg i madh sinjalesh. Më i thjeshti prej tyre është forma trupore. Për gratë, një bel i hollë dhe këllqe të gjera janë shenja të pjellorisë dhe prandaj është vërtetuar se këto i tërheqin shumë burrat.

Gratë tërhiqen instinktivisht pas formash trupore që tregojnë gjene të mira. Kështu që gruaja do të parapëlqente më tepër një burrë me shpatulla të gjera dhe bel të hollë - një shenjë e sigurtë e si forcës fizike ashtu edhe e një sistemi të mirë imunitar.

Por ne i zbulojmë partnerët e mundshëm në një mënyrë më të zhdërvjellë. Në Newcastle University (Universiteti i Njukastëllit) iu kërkua femrave të mbanin për disa ditë të tëra një fanellë me mëngë të shkurtër. Meshkujt u ftuan pastaj të zgjidhnin atë fanellë që ata mendonin se mbante erën më të mirë.

Pothuajse pa ndonjë ndryshim meshkujt parapëlqyen erën e grave që kishin një sistem imunitar krejt të ndryshëm nga i tyri. Kjo është kuptimplotë nga ana evolucionare - fëmijët e lindur prej prindësh që kanë sisteme të ndryshme imunitare kanë gjasat më të mira t'i luftojnë vetë sëmundjet.

Ian Penton-Voak i Stirling University dhe David Perrett i University of St Andrews kanë pyetur femrat të zgjedhin meshkujt tërheqës, me rezultate magjepsëse.

Ato që ishin në periudhën e vezëçlirimit parapëlqenin më tepër fytyrat tipike mashkullore. Qafë të trasha, nofulla dhe mjekra të gjera - treguesit tipikë të fuqisë dhe shëndetit - të gjitha këto, cilësi të dëshirueshme gjenetike.

Kjo tregon se femrat jo qe nuk duan, por jane me te kujdeseshme...