Çaji nga jashtëqitja e pandës - më i shtrenjti në botë!

Kinezët dëshirojnë të thyejnë rekordin për çajin më të shtrenjtë në botë, të cilin planifikojnë ta përfitojnë nga jashtëqitja e pandës.
Kinezi An Yanshi mblodhi pesë tonelata jashtëqitje pande, prej të cilave dëshiron të krijojë një lloj të ri çaji. Yanshi beson se jashtëqitja do t’ia përmirësojë aromën çajit dhe do ta bëjë shumë të popullarizuar në treg.

Ai shpreson se për një kilogramë të përzierjes së këtij çaji mund të fitojë deri në 60.000 euro.

“Pandat kanë sistem shumë të dobët të tretjes, që absorbon vetëm 30 për qind të asaj që hanë. Kjo do të thotë se në jashtëqitjet e tyre ka një sasi të madhe të materieve ushqyese. Jashtëqitja ka shije të arrave të pjekura dhe një erë karakteristike”, deklaroi Yanshi.

Ai mblodhi jashtëqitjet në qendrën për rritjen e pandave “Giant Panda”, në Chengduu të Kinës. Qëllimi i tij është të prodhojë një përzierje për çaj e cila do të jetë më e shtrenjta në botë.