Demografet: Botes i mungojne 160 milione femra

Ne momentin kur popullsia boterore kalon pragun prej shtate miliarde banoreve, disa eksperte shfaqin drojen se jo balanca mes gjinive mund te çoje deri te paraqitja e “vendeve te vetmuara” jo stabile, te gatshme per beteje te pa kompromis per t’i gjetur vetes partneren. Pasojat e verteta te fenomenit, te cilin disa e quajne “alarmant per gjinine mashkullore”, eshte i veçante ne vendet ku kryhen aborte selektive, sikurse Kina dhe India. Nje numer i madh ekspertesh mendon se brenda 50 vjetesh “mungesa” e femrave ne shoqeri do te kete pasoja te ngjashme sikurse ngrohja globale.

Paralajmerimet e eksperteve vijne paralelisht me statistikat per lindje e femijeve, sipas te cileve mesatarisht ne bote lindin ndermjet 104 dhe 105 djem dhe 100 vajza, ndersa çdo ndryshim ne kete raport mund te shpjegohet vetem me faktoret jonormale. Ne Indi dhe Vietnam ky raport eshte 112 djem me 100 vajza, ne Kine 120 me 100, ndersa ne disa rajone shkon edhe deri ne 130 me 100. Kjo tendence gjithnje e me shume ka kapluar edhe vendet tjera - Azerbajxhanin, Gjeorgjine, Armenine dhe Shqiperine.

I pari qe ka terhequr vemendjen ndaj ketij fenomeni ka qene ekonomisti indian dhe nobelisti Amarti Sen, i cili ne vitin 1990 ka publikuar artikullin, ku ka paralajmeruar “mungesen e 100 milione femrave”. Demografet thone se kjo shifer sot eshte rritur ne 160 milione, si rezultat i favorizimit te gjinise mashkullore, renies se fertilitetit, mundesise se lehte per te ditur gjinine e femijes ende pa lindur, gje qe ndikon ne aborte sidomos kur behet fjale per vajza. Madje, edhe sikur raporti ndermjet gjinive per 10 vjet do te kthehej ne normal, meshkujt ne Kine dhe Indi edhe me dekada te tera do ta kene problem te gjejne partneren e jetes. Disa eksperte besojne se nje situate e tille mund te nxise poliandrine (nje grua me shume meshkuj), si dhe seks turizmin, derisa te tjeret parashohin skenare katastrofike, ku dhuna dhe perleshjet do te jene normale per shoqerine e re.

Sipas mendimit te tyre, shoqeria me “teprice” meshkujsh, ngjashem me vendet aziatike, mund te kontrollohen vetem me regjime autoritare, te afta qe te parandalojne dhunen brenda bashkesive, transmeton Alsat-M shkrimin e agjencise Kosovapress. Agjencite e Kombeve te Bashkuara kane paralajmeruar per nderlidhjen e mungeses se femrave me shtimin e trafikimit te femrave qe shfrytezohen per seks dhe migrimit te popullsise per shkak te martesave, por shume pak opsione jane ofruar deri me tash per zgjidhjen e ketyre problemeve.