Kur mashkulli nuk është i interesuar për seks

Nëse keni vërejtur se burri juaj shpesh nuk është i interesuar për seks, e ju tmerron edhe fakti që, menjëherë pas lojës seksuale, ai ia krisë gjumit, mos u brengosni – ndoshta fajin nuk e keni ju.

Në bazë të studimeve më të reja, shkencëtarët kanë ardhur deri te përgjigjja e pyetjes që i mundon shumë femra, e që ka të bëjë me seksualitetin e meshkujve.
Libidoja e meshkujve herë forcohet, e herë dobësohet. Niveli i tij më i lartë dhe më i ultë varet nga niveli i testosterinit.

I flihet pas seksit

Hormonet e kanë fajin që mashkulli, menjëherë pas kryerjes së seksit, bie në gjumë, thotë Billy Goldberg, urolog dhe seksolog, koautor i bestsellerit „Pse mashkulli fle pas seksit”. Substancat, sikur oksitocina, prolaktina, acidi gama amino butirik (GABA) dhe hormonet e tjera ndikojnë dukshëm që mashkulli mezi pret të flejë, meqë ato kanë ndikim direkt në gjumë.

Pas orgazmës, në organizmin e mashkullit vjen deri te një ndryshim dramatik i proceseve. Lirohet prolaktina, e cila ndikon në aftësinë e tij për përqendrim, duke krijuar ndjenjën e lodhjes dhe molisjes. Lëvizjet gjatë marrëdhënies seksuale dhe pas orgazmës shterin nga muskujt substancën e quajtur glukogjen, e cila luan rol në krijimin e energjisë, për çka te mashkulli paraqitet lodhja. Meqë meshkujt kanë një masë muskulore më të madhe sesa femrat, për këtë shkak ata ndihen më shumë të përgjumur.

Kur ka një libido të dobët

Sipas studimeve më të reja, është parë se libidoja e mashkullit herë forcohet, e herë dobësohet. Kjo varet nga niveli i testosteronit, hormonit mashkullor, i cili ndikon në disponim, libido, nivel të energjisë dhe, ajo që ka më shumë rëndësi, në numrin dhe kualitetin e spermatozoideve.

Problemet me ereksion

Mekanizmi i cili dërgon gjakun në tru, zemër dhe veshka, po ashtu ‘mbushë’ edhe indin sungjeror të penisit. Nëse nuk arrin ereksion të plotë, ka shumë mundësi që mashkulli ka probleme me qarkullimin arterial. Çdo mosinteresim i mashkullit për seks është shenjë për alarm se diçka nuk është në rregull.

Sipas disa të dhënave, rreth 25% e meshkujve ndjejnë një nevojë të vogël, apo kurrfare për seks. Ka të ngjarë që kjo përqindje të jetë edhe më e madhe, meqë meshkujt nuk kanë dëshirë që të flasin për problemet e tyre seksuale. Shkaktarë të mundshëm të këtij problemi mund të jenë diabeti, çrregullimet e gjëndrave endokrine, problemet me zemër dhe veshka, etj. Por, nuk duhet harruar as lodhjen dhe molisjen, problemet në marrëdhëniet midis partnerëve, faktorët psikologjikë, të ushqyerit e dobët, pagjumësinë dhe mungesën e aktivitetit fizik.