Si të bëhet fëmija i zgjuar?

Rritja e fëmijëve në një ambient të ngrohtë, plot dashuri dhe një edukim cilësor ndikon pozitivisht në zgjuarsinë e tij. Është shumë e dobishme që prindërit të kujdesen për fëmijën, të lexojnë libra bashkë me të. Përveç kësaj nuk duhen nënvlerësuar edhe aktivitetet sportive të cilat ndihmojnë në zhvillimin e trurit. Kaloni kohë me të

Përveç nevojave fizike të fëmijës duhet t’u kushtohet rëndësi e madhe edhe nevojave shpirtërore të tij. Prandaj për t’i dhënë siguri fëmijës dhe për ta bërë të ndihet i veçantë duhet të luani me të. Kalimi i kohës me të dhe interesi i shfaqur duke luajtur do të ndikojë pozitivisht në zhvillimin akademik dhe social të fëmijës.

Lëreni t’ju bëjë pyetje

Fëmijët janë në zbulim e sipër të botës që i rrethon. Prandaj është e nevojshme që t’i nxisim ndjenjat e tyre kureshtare. Sa herë që fëmija t’ju bëjë një pyetje duhet t’i përgjigjeni në një mënyrë tolerante dhe të durueshme dhe t’i jepni mundësinë e shprehjes së mendimeve të tij. Sa më shumë që të flisni me të aq më shumë do të zhvillohet edhe aftësia e të kuptuarit dhe përdorimit të fjalëve.

Caktoni një orë leximi

Duke u nisur nga fakti që libri ndikon në mënyrë aktive në zhvillimin e trurit, fëmijës duhet t’i merren libra në përputhje me moshën. Si një familje, në fund të ditës mund të caktoni një orë ku do të lexoni bashkë libra.

Zgjidhni lojëra të përshtatshme

Gjatë lojës realizohen disa procese të ndryshme mendore, si: klasifikimi, vendosja, zgjidhja e problemit. Prandaj duhet të zgjidhen lojëra të përshtatshme edukuese që të mundësojnë zhvillimin dhe përqendrimin e tyre.