Re: Kuriozitete te ndryshme

nga **Morena** Mon Mar 21, 2011 6:58 pm

Vertet intresante dhe e bukur flm flori!

nga bigbeng Mon Mar 21, 2011 7:05 pm

Nje vjedhje klasike qe ndodh kudo.

Kuriozitete te ndryshme - Faqe 14 1cent

Mund të duket joreale, por bizneset në Kosovë prej 1 cent, kusur të pakthyer ndaj konsumatorit, fitojnë 30 milionë euro në muaj. Në vend të këtij kusuri, e tëra që mund të merrni është një çamçakëz. E, qytetarët thonë se kjo është një plaçkitje.

Ndërkaq, Selatin Kaçaniku, nga organizata joqeveritare "Konsumatori", tha se kjo çështje është një problem i madh për konsumatorin.

Sigurisht, secilit prej jush ju ka ndodhur që, kur bëni një blerje, të hasni në produkte që kanë çmime si 0.99 euro ose 4.99 euro. Dhe për atë produkt paguani 1 euro ose 5 euro, por nuk e merrni kusurin prej një centësh. E tëra që mund të merrni në vend të centëve është një çamçakëz. Gjatë një muaji, në Kosovë, llogariten se bëhen rreth tre miliardë blerje.

Nga kjo del se fitimi i bizneseve gjatë një muaji prej një centi është tre miliardë centë ose 30 milionë euro.

Selatin Kaçaniku, nga organizata Konsumatori, tha se kjo çështje është një problem i madh për konsumatorin, raporton Lajm.

“Kemi ardhur në përfundim se në Kosovë brenda muajit bëhen tre miliardë blerje të konsumatorit. Nëse atë e vlerësojmë me shmangie nga kusuri prej një centësh, atëherë janë tre miliardë centë apo 30 milionë euro në muaj fitime për bizneset me ata centë. Dhe të gjitha këto merren nga xhepi i konsumatorit”, thotë Kaçaniku. Mirëpo, kjo nuk është e vetmja mënyrë e fitimit të bizneseve.

Sipas Kaçanikut, nëpërmjet këtyre çmimeve gënjeshtër, bizneset i ikin tatimit që u ngarkohet me çmime fikse, por e vjedhin edhe konsumatorin.

nga **Morena** Tue Apr 12, 2011 4:32 pm

Mrekullitë e kanellës

Aroma e saj e njohur për ne gjendet në parfume, sapunë, kremëra e
shampo. Përdorimi i saj është gjithashtu i gjerë edhe në kuzhinë, por jo
të gjithë ia njohin vlerat terapeutike bimës që ne e përdorim në formë
pluhuri.

Në botë ekzistojnë dy lloj pemësh kanelle, të cilat i përkasin familjes
Lauracee. Njëra është kanella e Ceylo-it, tipike për Indinë, dhe e dyta
ajo e Kinës, e gjendur edhe në Indonezi, Vietnam dhe Laos.

Vaji dhe esenca e dalë nga kanella janë shumë të mirë për stomakun. Vaji
esencial i kanellës ka një sërë përbërësish me veti antispazmike,
antidiare, antibakteriale, stimulojnë tretjen dhe ndihmojnë në procesin e
eliminimit të parazitëve në aparatin e tretjes.

Gjithashtu, të dyja llojet e kanellës kanë veti antivirale, antipiretike
dhe antioksidante. Studimet kanë treguar se kanella ndihmon tek të
sëmurët me gastrit dhe ulçera.

Kanella ndikon edhe në kontrollin e diabetit dhe yndyrnave në gjak

Gjysmë luge të vogël me kanellë është e mjaftueshme për të reduktuar
sasinë e sheqernave në gjakun e atyre që vuajnë nga diabeti e
kolesteroli.

Ekspertët arritën në përfundimin se një substancë që gjendej tek
kanella, një polifenol i quajtur MHCP, aktivizonte receptorët dhe
punonte në sinergji me hotmonin në brendësi të qelizave.

Ndërsa në Pakistan, një seri testesh të kryera tek të sëmurë me diabet
të tipit 2 (i cili karakterizohet nga ndjeshmëria e ulët ndaj insulinës,
çuan në përfundimin se konsumimi i 2-3 gramëve kanellë pluhur pas
vakteve, arrinte të reduktonte me 20 për qind brenda pak javëve nivelin e
sheqerit në gjak.

Ndërkohë, u vu re se kanella kishte edhe një tjetër efekt shtesë, uljen e
nivelit të kolesterolit të keq dhe triglicerideve në gjak respektivisht
me 27 dhe 30 %.

Kundërindikacionet
Ekspertët nuk e këshillojnë përdorimin e kanellës gjatë shtatzënisë dhe ushqyerjes me gji.

nga **Morena** Wed Jul 06, 2011 10:01 pm

Ora më e saktë e botës - gabon një sekondë në 200 milion vjet.

Shkencëtarët në Universitetin e Kolorados në qytetin Boulder, në bashkëpunim me Institutin Kombëtar të Standarteve dhe Teknologjisë, kanë krijuar një orë e cila gabon vetëm një sekondë në 200 milion vjet. Kjo është dy herë më e saktë se ora matëse zyrtare e përdorur në Shtetet e Bashkuara, e cila kontribuon në saktësinë e orës zyrtare botërore.

Në një dyqan të mbushur me orë të vjetra, asnjëra prej tyre nuk rreh njëlloj. Kjo sepse minutë pas minute, javë pas jave, shumica e pajisjeve që masin kohën e humbin saktësinë.

Por me ritmin të shpejtë që lëviz bota sot, për shumë procese duhet më shumë saktësi. Në një laborator në Universitetin e Kolorados, profesori i fizikës, Xhun Ji thotë se ora eksperimentale e ekipit të tij mund të bëhet një nga orët më të mira. Kjo për arsye se ajo rreh miliona herë më shpejt se një orë e vjetër.

Është më e saktë edhe se ora standarte zyrtare e Shteteve të Bashkuara, një orë e sofistikuar atomike që gabon me një sekondë në 80 milion vjet. Zoti Ji thoyë se ora e re është me shumë se dy herë e saktë sepse ajo punon me rrahje më të shpejta. “Parimi i përgjithshëm është se kur prodhon një orë, duhet që lëkundja bazë të jetë sa më e shpejtë që të jetë e mundur, gjë që të krijon mundësinë për të gjetur shumë më shpejt gabimet.”

Sa e shpejtë është një dridhje? Një orë e vjetër bën tik-tak një herë në sekondë. Orët më ekzakte që janë sot në përdorim numërojnë rrahjen natyrale brenda një atomi që vjen nga luhatjet e energjisë me miliarda herë në sekondë. Fizikani Andru Ludlou, i cili është duke punuar me Xhun Ji, thotë se ora e re e ekipit të tij gjithashtu varet nga një atom. “Atomi, që zëvendëson pendulin e një ore të vjetër, lëviz para-mbrapa dhe duke numëruar lëvizjet ashtu siç ndodhin, në atë mënyrë kontrollon dhe kohën. Në të njejtën mënyrë, atomi ka një frekuencë lëkundjeje natyrale. Ne po mundohemi të numërojmë këto dridhje, për të parë se si po përparon atomi dhe që në fund të fundit është orë.”

Zoti Ludlou thotë se ajo që ndryshon në orën e re është se si ajo numëron lëkundjet. Një nga orët më ekzakte në ditët e sotme është ora standarte amerikane në Insitutin Kombëtar të Standarteve dhe Teknologjisë në Boulder. Ajo punon nëpërmjet shpërthimeve radioaktive të mikrovalëve për të bërë numërimin.

Por, ndërsa këto mikrovalë lëvizin me një shpejtësi të jashtëzakonëshme, ato humbasin shumë rrahje. Zoti Ludlou thotë se ora e re eksperimentale përdor diçka që lëviz edhe më shpejt dhe që kap më shumë rrahje: rrezen lazer.

Për të përdorur këtë orë me precizion super të lartë duhen një numër i jashtëzakonshëm pajisjesh. Në laborator janë katër tavolina, secila në madhësinë e një kamioni të vogël, të mbuluara me tela, pompa vakumi, lazër, pasqyra, kuti metalike dhe xhama zmadhues. Andru Ludlou thotë se kjo është diçka e pritshme. “Nuk do ta vëmë që nesër në dorë, natyrisht.”

Por, komjuterat e parë në botë zinin një dhomë të tërë dhe sot disa pajisje komjuterike mund të vihen në kyçin e dorës. Kështu, zoti Ludlou thotë se orët më të sakta do të përmirësojnë sistemin e komunikimit pa kabllo dhe sitemet satelitore në anijet kozmike që do të shërbejë për zbulimin e botëve të tjera.

nga **Morena** Sat Jul 23, 2011 8:35 pm

Qeni me i madh ne bote!
Kur qeni George ishte i vogël, dukej një këlysh normal me përjashtim të
putrave të tij, të cilat ishin paksa të mëdha. Por askush nuk e mendonte
se ky qen në dukje “normal” do të bëhej qeni më i madh në botë.
Pronarët e tij nuk e mendonin se qeni i tyre i vogël do të arrinte një
gjatësi prej 2.1 metër dhe të peshonte 114 kilogram.
Dave Nasser, pronari i qenit tha se George-n e kishte marrë në vitin 2006, pak muaj pasi u martua.

nga **Morena** Sat Jul 23, 2011 8:38 pm

Mbyllja
e një pjese të autostradës në Los Angeles të Shteteve të Bashkuara të
Amerikës bëri që tre personave t’i lindte një ide e çmendur.
Matt Corrigan, së bashku me bashkëshorten dhe një mik të familjes
vendosën që të shfrytëzonin hapësirën bosh të një prej autostradave me
më shumë trafik në botë për të ngrënë një darkë të qetë.

nga **Morena** Sat Jul 23, 2011 8:40 pm

Adoleshentja më e gjatë në botë sipas librit të rekordeve, 19-vjeçarja Malee Duangdee nga Tajlanda, është e lartë 2.12 metra dhe 127 kilogramë e rëndë, por akoma vazhdon të rritet, pasi që prindërit e saj nuk mund të përballojnë injeksionin, që duhet ta marrë çdo tre muaj.

nga **Morena** Mon Sep 12, 2011 8:07 pm

Kuriozitete te ndryshme - Faqe 14 Cherrja

Një grua angleze, e cila ka këmbë shumë të mëdha që peshojnë rreth 60 kg, tashmë ka një jetë të re pasi iu amputua një nga gjymtyrët gjigande.

Mandy Sellers lindi me një trup normal, por me këmbë shumë të mëdha dhe rritja e tyre vazhdoi me kalimin e viteve. Ky çrregullim e ka bërë shumë të vështirë jetën për të sepse i ka shkaktuar sëmundje të njëpasnjëshme.

Operacioni për amputimin e këmbës së majtë është kryer në janar të vitit 2010 dhe tani Mandy thotë se jeta e saj “është më e mirë se kurrë më parë”.

“Jeta ime ka ndryshuar rrënjësisht sepse nuk sëmurem si më parë”, shprehet gruaja angleze.

Gjithsesi, ky operacion nuk garanton mosrritjen e gjymtyrës tjetër.

Vetëm në vitin 2007 doktorët zbuluan se Mandy vuante nga sindroma Proteus, sindromë që e kanë vetëm 200 njerëz në të gjithë botën dhe që shkakton rritje jo të rregullt të pjesëve të ndryshme të trupit.

nga **Ylli** Wed Jan 29, 2014 8:27 am

Ligje të pazakonshme
Publikuar: 7:33 / 29.01.2014
Kuriozitete te ndryshme - Faqe 14 Ligje-t-euml-pazakonshme_hd

Kur t’i mbushni 65 vjeç, do të lejoheni të martoheni me kushërirën ose do të përfundoni në burg, nëse jeni puthur në vende publike.

Nëse ju kapin në shtrat me bashkëshorte të huaj, dënimin nuk do të mund ta shmangni. Viheni në siklet derisa shikoni se si pa kurrfarë ngurrimi dy të rinj këmbejnë puthje në vende publike, ndërkaq ju vazhdoni të ecni tutje. Puthja në publik në vendin tonë nuk është e pazakonshme, transmeton Telegrafi, mirëpo disa shtete të botës kanë ligje tepër rigoroze, kur është fjala shfaqja e ndjenjave në vende publike. Disa shtete kanë shkuar aq larg sa që kanë paraparë dënime të ashpra, ndërsa disa madje i lejojnë martesat me kushërirat.

Emiratet e Bashkuara Arabe
Nëse shkoni në Dubaj, përmbahuni edhe nga prekjet. Me të dashurën apo madje edhe me bashkëshorten (kjo s’ka fare rëndësi) vetëm nëse përkëdheleni, do të “shpërbleheni” me 10 ditë burg. Nëse deheni në vend publik mund t’ju burgosin deri në një vit!

Utah
Në këtë shtet të Shteteve të Bashkuara ligji lejon të martoheni me kushërirën. Mirëpo kushti është që t’i keni mbushur 65 vjeç. Nipit apo mbesës mund t’i thoni “po” te ofiqari edhe sapo t’i keni ngushur 55 vjeç, por vetën në rast se të dytë jeni sterilë...

Uruguai
Nëse ju kapin në shtrat me bashkëshorte të huaj, duhet patjetër të pajtoheni me dënim të ashpër. Bashkëshorti i tradhtuar ka të drejtë që të dy t’ju vrasë, apo mbase do të vendosë që mashkullin ta bëjë të paaftë seksualisht, ndërkaq gruas tradhtare t’ia presë hundën!

Estoni
Në kryeqytetin e Estonisë është e ndaluar që gjatë aktit seksual të luhet një parti e shpejtë shahu...

Spanjë
Seksi në vend publik mund t’ju kushtojë shtrenjtë. Nëse ju kapin, do të gjobiteni deri në 75 mijë euro. Nuk ia vlen të rrezikoni.

Teksas
Në Teksas ju lejohet t’i keni vetëm gjashtë vibratorë. Më shumë se gjashtë do t’ju kushtojë nga 4000 dollarë për secilin vibrator apo dënim me burg deri në një vit.

Londër
Ndalohet seksi mbi motorin e parkuar, ndërkaq nuk ju lejohet as joshja për të bërë seks me femrën e panjohur në pab.

Miçigan (Flint)
Pantallonat e veshura më ulët se beli, të cilat zbulojnë se çfarë brekësh keni veshur, konsiderohen rroba ofenduese, andaj do të “shpërbleheni” me 93 ditë burg dhe me gjobën deri në 500 dollarë.

Kaliforni
Mbase nuk mund ta besoni, mirëpo në këtë shtet me ligj është e ndaluar të përjetoni orgazëm gjatë paralojës...
E pra, si mund ta dimë se kush na kontrollon.../Telegrafi/