Femrat hetojnë se kush është gej, e kush jo

Gjatë periudhës së ovulimit, femrat më së miri mund ta dinë se cili mashkull është homoseksual, e cili heteroseksual, për shkak se gjatë kësaj periudhe ato konsiderojnë partnerët e mundshëm për marrëdhënie seksuale.

Vetëm duke shikuar fytyrën e mashkullit, femrat mund ta dinë se a është ai person homoseksual, apo heteroseksual, thonë shkencëtarët nga Universiteti i Torontos.

Ky instinkt i lindur është më i fuqishmi gjatë ovulimit, respektivisht gjatë periudhës fertile të femrës.
Në studimin e ri, vullnetare heteroseksuale kanë shikuar fytyrat e 80 meshkujve në fotografi. Shprehja e fytyrës ishte thuajse e njëjtë, kurse femrat me saktësi të madhe kishin qëlluar orientimin seksual të tyre.

Në studimin e njëjtë, meshkujt ishte parë se gabonin dy herë më shumë se femrat, në lidhje me përcaktimin e orientimit seksual të femrave.

Gratë vlerësonin edhe orientimin seksual të femrave të tjera, por vlerësimet më të sakta i kishin dhënë sa u përket meshkujve – thotë udhëheqësi i studimit, profesor Nicholas Rule.

Ai përfundon se fertiliteti orienton vëmendjen e grave heteroseksuale kah partnerët potencialë.

Ato, me atë rast, vlerësojnë se a ekziston gjasa për lidhje seksuale – të dashurisë.

Me rastin e shikimit të meshkujve homoseksualë, femrat nuk marrin ‘sinjalin’ nga ta, për realizimin e marrëdhënies.