Ngjyra e veshjes së brendshme zbulon pasionin e femrave

Herën tjetër kur do të doni që t’i bëni një surprizë ekskluzive grave ose të dashurave tuaja dhe nuk keni ndonjë ide konkrete se çfarë t’u dhuroni, kjo dhuratë le të jetë veshje e brendshme. Dhe kështu të përzgjedhurës suaj do t’ia bëni me dije sa jeni të afërt, ndërkaq nëse arrini t’ia qëlloni edhe shijen, ajo atëherë do ta kuptojë se sa i afërt jeni ju për të.
Megjithatë, para se të shkoni në shoping lexoni këtë tekst, sepse përveç modelit të duhur me rëndësi është edhe ngjyra e veshjes të cilën do ta zgjidhni. Në fakt, ngjyra e preferuar e suitave dhe të kilotave të të dashurës suaj zbulojnë se çfarë pasioni ka ajo gjatë seksit. Mos, harroni se edhe shijet ndryshojnë, në qoftë se lidhja juaj bëhet akoma më intime dhe partnerja juaj bëhet akoma më e zjarrtë, me siguri që do t’i pëlqente ngjyrat më të theksuara, “më të zjarrta”.

Para se gjithash para se të bëni dhuratën intime, pa marrë parasysh se cila është arsyeja, bëni një hulumtim të vogël. Në mënyrë diskrete zbuloni se cilat janë ngjyrat e saj të veshjes së brendshme, të koleksionit të saj ose bisedoni rreth e përqark se ç’ngjyrë do dëshironte ta ketë veshjen e saj të brendshme. Psikologët pohojnë se ngjyra e kuqe tregon pasionin energjik, e zeza forcën, e bardha pafajësinë, çiltërsinë, ndërsa refuzimi i të brendshmeve (lakuriqësia) tregon relaksim dhe komoditet.