Pse fle ai pas marrëdhënies seksuale?

Shumë shpesh shkak mund të jetë fakti se ai veç është lodhur në kohën sa bënit dashuri – me ritmin ultra të shpejtë të jetës, siç jetojnë shumica e njerëzve sot, nuk është aspak çudi që janë shpesh të dërrmuar. Seksi ndihmon në relaksim, andaj është krejtësisht e mundur që ky lloj relaksimi i ndihmon atij të vije deri tek ajo që i duhet trupit të tij më së shumti -te gjumi.

Arsyeje tjetër janë hormonet të cilat rrjedhin tek meshkujt dhe femrat, hormone të cilat ju shtynë që, pas seksit, të shtriheni dhe të kënaqeni dhe, thjesht, të ndjeheni shkëlqyeshëm. Këto hormone mund të nxisin relaksim të organizmit dhe gjumë, si tek meshkujt, ashtu edhe tek femrat.

Gjatë marrëdhënies seksuale trupi i mashkullit është bukur i tendosur, i shtrënguar, muskujt zgjaten... ejakulimi, në vete, mund të sjellë ndjenjën e lodhjes së tepërt, e kjo të ndërlidhet me relaksimin e trupit, paraprakisht të tendosur, ja arsyeja për zhytje të ëmbël në gjumë.



Arsyeja e katërt: frymëmarrja. Shumë meshkuj dhe femra nuk ia vënë mendjen ritmit të frymëmarrjes gjatë seksit – e mbajnë frymën apo marrin shpejt o ngadalë. Kjo sjellë deri tek mungesa e oksigjenit në tru, që nxit gjumin. Në raste të rralla ndodhë që ky gjumë të zgjatë edhe ditën e nesërme.

Arsyeja kryesore është kombinimi i disa gjërave që i përmendëm, veçanërisht ajo që para seksit ka qenë i lodhur, andaj seksi i cili, kur bëhet me personin e dashur, mund ta dërrmojë edhe në mënyrë emocionale, e jo vetëm fizike (kjo nuk është gjë negative, vetëm konstatim) – i ka shërbyer si mënyrë e shkëlqyer që të relaksohet dhe përfundimisht të mund të pushojë. Në disa raste më të rralla mund të ndodhë që mashkulli, i cili vazhdimisht është i dërrmuar pas seksit, ka edhe ndonjë problem mjekësor – nëse dyshoni që diçka nuk është në rregull me të dashurin tuaj, në aspektin mjekësor, këshillojeni atë që të vizitojë mjekun.

Ekziston një zgjidhje e shpejtë (por nuk është afatgjate dhe nuk duhet të zbatohet gjithmonë) nëse vërtetë dëshironi që i dashuri juaj të mbetet edhe pak i zgjuar pas seksit: një filxhan kafe, para se të çoni dashuri. Kjo do të duhej të mjaftonte që ta mbajë zgjuar atë, sadopak.

Por, ju mundeni që, edhe nëse ai veç ka qenë i lodhur kur keni filluar të bëni dashuri, të shtriheni pranë tij dhe së bashku me të të flini. Kjo, madje, është mënyrë e mirë dhe e përshtatshme që të thellohet edhe më shumë afërsia në mes të partnerëve.