Nusja mungon në dasmë sepse ishte e dehur

Siobhan Watson gjithmonë kishte ëndërruar se si do të ishte dita e saj e martesës, por një ditë para ditës së madhe ajo ka shkatërruar gjithçka me një festë beqarie që doli jashtë kontrollit.
24-vjeçarja nuk është paraqitur në kishë sepse kishte pirë aq shumë sa është zgjuar në një hotel vetëm rreth mesditës, në një kohë që në mëngjes duhej të ishte në altar.

“Ndihesha shumë keq kur u zgjova dhe kisha të vjella. Kur pashë orën ishte 13.30 dhe kuptova që kisha humbur dasmën”, shprehet vajza angleze.

“Familja ime kishte harxhuar rreth 15 mijë euro atë ditë dhe unë mungova. Në përgjithësi pi vetëm një gotë shampanjë për Krishtlindje ose kur kam ditëlindjen, por nuk e di se çfarë ndodhi atë ditë. Duhet të kisha kontrolluar veten. Më vjen keq që lashë Aronin të më priste në altar”, shton Siobhan.

Meqë ra fjala tek Aron, djali menjëherë ka përfunduar marrëdhënien me atë që duhej të ishte nusja e tij.

“Unë jam ende e dashuruar me të, por ai tashmë nuk më flet më. Ndihet i turpëruar dhe nuk arrin të më falë atë që bëra”, përfundon Siobhan Watson.