Vajza, përdoreni trupin për të çmendur meshkujt

Nina Agdal mund të jetë një emër jo aq i njohur për ju, por gjithsesi ajo gjithnjë e më shumë po bën emër në botën e modelimit. Padyshim se në këtë drejtim i ndihmojnë format e jashtëzakonshme të trupit, të cilat ajo nuk ngurron t’i ekspozojë në veshje të ndryshme, sidomos me kostume të larjes.

Bukuroshja me prejardhje daneze, tashmë është e rregullt në prezantimin e koleksioneve të veshjeve të brendshme dhe kostumeve të larjes, ndërsa fotot e saj nuk mungojnë as në revistat e ndryshme për meshkuj. Dhe pikërisht gjatë një interviste për një revistë të tillë, ajo ka zbuluar edhe detaje tejet të nxehta rreth jetës së saj seksuale dhe mënyrat se si ajo i josh meshkujt.

Dhe këshilla e saj kryesore për femrat, është që ato duhet të përdorin trupin e tyre në mënyrën sa më të mirë, për të pushtuar meshkujt që duan.
“Motoja ime është që për ta pushtuar një mashkull që të pëlqen, nuk duhet kursyer asgjë, duke përfshirë edhe format e trupit, të cilat janë edhe arma jonë kryesore në këtë drejtim. Unë nuk ngurroj ta bëj një gjë të tillë, pra të josh me trupin tim dhe më besoni se kam sukses në këtë”, ka deklaruar ajo duke qeshur.

Duhet shmangur rutinën në shtrat

Ajo ka këshilla edhe rreth asaj se si duhet shmangur që seksi të shndërrohet në rutinë, sepse kjo shkatërron shumë shpejt një lidhje.

“Të qenit kreative dhe imagjinare në dhomën e gjumit, është mjeti më i mirë për ta mbajtur jetën tuaj seksuale në nivel të lartë. Nëse je në lidhje me një person që e do, atëherë nuk ka asgjë të keqe që ti të marrësh iniciativën në shtrat dhe t’i ofrosh atij gjëra të cilat do t’i mbajë gjatë në mend. Asnjëherë mos përdorni gjëra të ngjashme, por gjithmonë sillni ide dhe eksperimente të reja”, janë’ këshillat e Nina-s.

Nina thotë se nuk ka pasur aq shumë lidhje, pasi mundohet që të jetë sa më gjatë me një person, por asnjëherë nuk do të pranojë që të jetë e bllokuar në një romancë e cila nuk ka perspektivë.