Shumica e femrave aktrojnë orgazëm, por pse?

Shumica e femrave aktrojnë orgazëm së paku një herë në jetën e tyre. Kjo nuk është ndonjë gjë e re dhe të njejtën e kanë treguar me qindra hulumtime, por pak prej tyre kanë për qëllim të zbulojnë se cilat janë arsyet nga të cilat femrat “gënjejnë” se e kanë arritur kënaqësinë kulmore.
Një hulumtim i ri Amerikan e kishte pikërisht këtë detyrë – të zbulojë pse femrat aktrojnë orgazëm, kurse rezultatet sigurisht se nuk do t’i pëlqejnë përfaqësueseve të gjinisë më të butë.
Sipas shkencëtarëve, femrat nuk aktrojnë orgazëm për ta mbrojtur egon e pratnerit të tyre, por për shkak të frikës nga intimiteti dhe për shkak të jo-sigurisë së tyre.

Erin Kuper nga Temple University në Philadelphia i kishte studiuar zakonet seksuale të 366 femrave nga mosha 18 deri 32 vjeç, që kishin pranuar se aktrojnë orgazëm.
Shumë prej këtyre femrave thanë se aktrojnë orgazëm sepse kanë frikë nga intimiteti, disa të tjera sepse nuk janë të sigurta për reaksionet e trupit të tyre gjatë seksit, e disa të tjera për shkak se dëshironin që seksi të mbarojë më shpejtë.

Ata që frikësohen nga intimiteti aktrojnë orgazëm që emocionalisht ta ruajnë partnerin pak më larg prej tyre, kurse disa të tjera e bëjnë atë për ta mbuluar turpin e tyre të shkaktuar nga fakti se nuk janë seksualisht të ngacmuara.
Femrat që duan shpejt të mbarojnë aktin seksual është e mundur ta bëjnë atë sepse e kanë të vështirë që të lejojnë që dikush të jetë shumë “afër”, është e mundur të ndjehen të lidhura me partnerin e tyre dhe është e mundur që të mos ndjejnë kënaqësi gjatë seksit.

Një pjesë e vogël e pjesëmarrëseve kishin aktruar orgazëm për ta përmirësuar përvojën e tyre seksuale, dmth për më shumë eksitim.
Ekspertët paralajmërojnë se këto arsye mund të kenë afekt negativ në lidhje dhe se partnerët duhet çdo herë të përpiqen të kenë komunikim të hapur ndërmjet veti.

Megjithatë, aktrimi i orgazmës nuk duhet të lidhet vetëm me femrat. Rreth 25% e meshkujve kishin pranuar se kanë gënjyer partneren e tyre se kanë arritur kënaqësi seksuale kulmore.