Dëshira për seks – Meshkuj vs. Femra

Dëshira për seks është misterioze, veçanërisht tek femrat. A keni menduar ndonjëherë pse kërkesat seksuale të partnerit tuaj jo gjithmonë përkojnë me epshin tuaj? Pse ai kërkon të ketë marrëdhënie seksuale në mëngjes, dhe ju adhuroni të njëjtën gjë vetëm disa ditë të caktuara të një muaji? Nëse jeni duke kërkuar “fajtorin” e kësaj disbalanse në kërkesat tuaja seksuale, atëherë fajësoi hormonet.
Te femrat niveli hormonal ndryshonë gjatë ciklit menstrual, dhe dëshira për seks poashtu është variabile gjatë gjithë muajit. Nga ana tjetër, epshet e meshkujve varen nga niveli i ndryshimit të testosteronit gjatë ditës.
Kërkesat seksuale të një femre gjatë një muaji

Sigurisht herë pas here keni dëgjuar apo lexuar se epshi seksual i femrës është i varur nga cikli menstrual i saj. Ja si dhe pse ndodh kjo:
* Dita 1-7: Në ditën e parë të ciklit menstrual, niveli i estrogjenit dhe testosteronit është në fund, por vetëm disa orë pas ardhjes së menstracioneve, estrogjeni fillon të rritet. Përderisa java kalon, paralelisht rritet niveli i estrogjenit dhe testosterogjenit, dhe në relacion me këtë rritet edhe dëshira e femrës për seks. Nëse keni marrëdhënie seksuale derisa menstruacionet janë në përfundim, duhet të keni kujdes për masat mbrojtëse, sepse në atë kohë jeni më të prirur ndaj infeksioneve.
* Dita 8-14: Pas kalimit të një jave, rritja e estrogjenit dhe testosterogjenit, ka bërë që ju të jeni më të disponuar për seks. Në fund të kësaj periudhe, dëshira për marrëdhënie seksuale është në kulminacion dhe seksi është shumë pasionant dhe orgazma është më intensive. Mos harroni se në këtë periudhë poashtu jeni edhe më e riprodhueshme (fertile).
* Dita 15-21: Në fund të periudhës së lartpërmendur, pas fillimit të kësaj shfaqet ovulacionit. Pas ovulacionit, nivelet e estrogjenit dhe testosterogjenit fillojnë të ulen dhe niveli i progesteronit të rritet. Në ditën tretë apo të katërt të kësaj periudhe, estrogjeni fillon të rritet përsëri, por jo edhe për shumë kohë. Kurse progesteroni rritet gjatë gjithë javës, kështu që do t’ju ulet epshi seksual dhe do ta keni më të vështirë për të arritur orgazmë.
* Dita 22-29: Gjatë javës së fundit, nivelet e estrogjenit, testosterogjenit dhe progesteronit, ulen. Reduktimi i estrogjenit do të thotë ulje e hormonit të lumturisë – serotonini, dhe në këtë periudh ndoshta do të ndiheni e pa disponueshme. Megjithatë, shumë femrave i’u rritet epshi gjatë kësaj periudhe, sepse endometriumi bëhet më i lëngshëm dhe në këtë mënyrë bënë një stimul nervorë.
Tani me siguri e keni më të lehtë ta kuptoni, se si dhe përse në periudha të ndryshme kohore, reagoni ndryshe edhe seksualisht në relacion me partnerit tuaj.
Kërkesat seksuale të një mashkulli gjatë një dite

Dëshirat seksuale të një mashkulli, kryesisht varen nga hormoni i testosteronit.
* Në mëngjes: Në këtë kohë, niveli i testosteronit është më i lartë, që do të thotë se dëshira për seks është në kulminacion. Kjo është arsyeja pse meshkujt duan e seksin e mëngjesit, dhe epshi i tyre zakonisht fillon edhe para se ai të zgjohet nga gjumi.
* Pasdite: Gjatë pasdites, niveli i testosteronit mund përkohsisht të rritet, veçanërisht nëse stimulohet nga fitorja e ekipit të tij të zemrës në futboll, nga ndonjë lojë në kompjuter, apo nga ushtrimet fizike. Edhe pse në këtë periudhë rritja e testosteronit nuk zgjat shumë (rreth gjysmë ore), por është e mjaftueshme për një aventurë të shkurtër me dyer të mbyllura.
* Në mbrëmje: Niveli i testosteronit bie dhe në këtë kohë meshkujt i bën të ndihen të lodhur dhe pasiv.
Koha e përkryer për seks të përkryer
Teorikisht, për të patur marrëdhënie të mirë seksuale, duhet ta bëni në mëngjesin e ditës së 13 të ciklit tuaj, kur të dy do të ndjeheni në kulminacionin më të lartë të dëshirës seksuale.
Këshilla nga ekspertë
Femrat më shpesh vuajnë nga mungesa e dëshirës për seks. Në këtë drejtim, shumica e ekspertëve besojnë se ju duhet të keni marrëdhënie seksuale, madje edhe në qoftë se në atë kohë nuk jeni në kulminacionin e epshit.
Bëni krahasim me ditët kur pas një dreke të shijshme, ju servohet përpara një tortë me çokollatë. Pas ngrënies së atij ushqimi të shijshëm, ju mund ta keni një ndjenjë se nuk doni ta provoni edhe tortën, por pasi e ndërmerni hapin e parë për ta shijuar atë, më pas nuk mund të ndaleni deri në fund.