Dashuritë dhe seksi pa obligime

Dashuritë dhe seksi pa obligime për një natë apo dashuria në krevat pamenduar për ndarje dhe pa dhënë premtime nuk lë pasoja të dëmshme psikike, as atëherë kur bëhet fjalë për tinejxherët. Shkencëtarët amerikanë kanë realizuar një anketim me 1300 të rinj, seksualisht aktivë, të moshave ndërmjet 18 dhe 24-vjeçar. 1/5 e të anketuarve gjatë kohës së studimit kishin qenë në lidhje joformale seksuale dhe nuk kishin pasur asnjë problem.

Pjesëmarrësit në studim u janë përgjigjur pyetjeve për përjetimet e fundit, simptomat e depresionit dhe vetrespektit, ndërsa rezultatet kanë treguar se seksi pa obligime nuk lë pasoja të dëmshme. Vetë ekspertët nga Minnesota kanë mbetur të befasuar me këto rezultate, duke qenë se deri më tani ka ekzistuar mendimi se “kjo marrëdhënie nuk mund të jetë lidhje e shëndoshë, sipas kuptimit njerëzor”. Sidoqoftë, shkencëtarët kanë paralajmëruar se megjithatë mund të ketë disa pasoja fizike, ndërsa më të rrezikshme janë infeksionet nga sëmundjet seksualisht të transmetueshme dhe shtatzënia e padëshiruar.