JE E VARUR NGA I DASHURI ??

„Nuk mund të jetoj pa ty”! Shumë njerëz duan t’i dëgjojnë këto fjalë. është një shprehje e zakonshme, e përdorur nga partnerët për të treguar dashurinë, dëshirën, vlerësimin dhe respektin e tyre ndaj partnerit. Duke dëgjuar këto fjalë, me siguri do mendosh që lidhja jote shkon shumë mirë dhe është e qëndrueshme (e fortë). Këtë beson deri sa e kupton se është më shumë se sa një mënyrë për të shprehur dashurinë, është një mënyrë varësie që ka për ty. Secili prej nesh dëshiron një lidhje në të cilën mund të bazohet tek njeriu që është dashuruar, dhe e kundërta ( partneri të mund të bazohet tek ne). Kur ndjenjat janë të përbashkëta dhe të ndërsjella janë baza e një lidhjeje ideale, plot me harmoni dhe ekuilibër. Të jesh e varur nga partneri në një far mase, është gjë e mirë, por nëse e ekzagjeron atëherë është me vërtetë një problem. Ka një diferencë të rëndësishme midis një niveli normal varësie dhe një nivel i cili mund të krijojë probleme. Në një lidhje normale, partnerët mund të bazohen tek njëri-tjetri. Por kjo nuk domethënë që nuk janë në gjendje të kenë preokupime personale, pasione të ndryshme, miq të veçantë të cilët të mos kenë lidhje me partneren/partnerin.

Si njihet një lidhje e varur?

Xhelozia ekstreme është shenja më e rëndësishme, me pak fjalë është sinjali alarmit. Në një lidhje të varur, partneri i varur bënë kriza xhelozie ekstreme, por pa asnjë arsye. Për shembull, vetëm prezenca e një personi qe mund të jetë konkurrent, shkakton krizat e xhelozisë.

Gjithë kohën bashkë

Është e qartë që në të njëjtën mënyrë si një individ i varur nga drogat, ka nevojë për dozën e përditshme, ashtu edhe partneri i varur do të bëjë çdo gjë për të pasur afër njeriun që do. Në qoftë se në fillim teknikat e përdorura duken të „pafajshme”, me kalimin e kohës bëhen më të rrezikshme. Shantazhi emocional është një mënyrë shpesh herë e përdorur, dhe „Nuk mund të jetoj pa ty”! mund të transformohet kollaj në një kërcënim.

Faji

Në qoftë se je në një lidhje të tillë dhe partneri jot ka krijuar një varësi të fortë për ty, atëherë do e njohësh kollaj ndjenjën e fajit që ai të bën ta ndjesh.

„Qe një vit, që kur fillova lidhjen me të dashurën time, besoj qe kam dal me miqtë e mi vetëm 2 herë. Përpara, dilja më shpesh, çdo fundjavë, ose edhe më shpesh se kaq. E kuptova që e pengon të ngeli vetëm në shtëpi, por është ajo që do të mbetet në shtëpi…ndërkohë që mund të bënte kaq shumë gjëra… Sepse nuk kam dashur ta lëndoj, i kam rralluar takimet me miqtë e mi, por edhe pse takohemi aq rrallë ajo prapë nuk është e kënaqur… E pengon në qoftë se unë bëj çdo lloj aktiviteti në të cilin ajo nuk është e implikuar. Më bën të ndihem fajtor sa herë që unë ndihem mirë…dhe ajo JO. E dua shumë, por ndonjëherë më duket sikur më merr frymën dhe s’i duroj më krizat që bënë … Se di sa do mund të rezistoj në një lidhje të tillë edhe pse e dua…”

Depresioni

Partneri i varur ka tërë kohën nevojë për vëmendjen e njeriut që do, edhe kur kjo (vëmendja) mungon, atëherë depresioni shfaqet me një shpejtësi të madhe. Është e kollajshme për prindërit ose për miqtë të vënë re mungesën e interesit para çdo aktiviteti që nuk e implikon edhe njeriun për të cilin kanë nevojë. Në mungesën e „drogës”( partnerit), këta njerëz hyjnë në një gjendje depresioni. „Shumë njerëz vuajnë nga kjo „sëmundje’, por shumë pak e pranojnë, e edhe më pak e trajtojnë. Dashuria në këtë rast nuk mund të ndihmojë, sepse secili prej nesh ka nevojë për një vend personal… Nuk ke si të pretendosh të bëhesh pronar i partnerit.

Për shembull në qoftë se ai do të dalë me djemtë në darkë, të pinë një birrë ose të shohë një ndeshje… vendi jot si femër nuk është atje sepse ata kanë tjetër liri në fjalor mes djemve, mbase dhe një fjalor më banal (që s’do të bënte shumë kënaqësi), por dhe duan të flasin për gjëra/probleme mes tyre, që një femër s’duhet t’i dëgjojë…

E njëjta gjë ndodh, në qoftë se partnerja jote do të dali me shoqet nëpër dyqane, të pijë një kafe ose të vejë në masazh/kozmetikë. Ti si mashkull s’ke çfarë të kërkosh midis ca femrave që hyjnë nëpër dyqane, e flasin gjëra të ndryshme (çka i rri mirë X, çfarë i pëlqen Y, e gjëra të tjera femërore). Si do ndiheshe ti mashkull midis një grupi me femra… tamam si „polic” i të dashurës tënde… gjë që do e pengonte dhe atë aq kohë sa shoqet e saja do ishin vetëm.„

Të jesh në një lidhje nuk domethënë të mbyllesh mes 4 mureve me partnerin, e mos keni më asnjë aktivitet tjetër vetëm…

Çdo njeri ka nevojë të ketë një vend personal, të mos ndihet i ndjekur, të ketë mundësi të bëj gjërat që bënte para lidhjes/martesës pa ndjerë asnjë faj. Pastaj në qoftë se kaloni 24 h nga 24 bashkë… s’keni më kohë t’ju marrë malli për njëri-tjetrin… dhe në këtë mënyrë ka më shumë mundësi të mërziteni nga njeri-tjetri, dhe të ndërhyjë monotonia…

Vlerësojeni dashurinë dhe lëreni të marrë frymë !
_________________