Tre hapa deri te një rrugëdalje më e lehtë nga lidhjet e këqija

Në takime të para me meshkuj, analizoni sesi ata meshkuj sillen me ju, si hanë, si sillen me kamerierët...

Ish të dashurit janë ‘ish’ me arsye, pa marrë parasysh a kanë qenë tradhtarë, xhelozë, apo vetëm ‘të këqij’.

Por, nëse analizoni të gjitha lidhjet tuaja deri tani dhe konstatoni se ekziston një lloj njerëzish me të cilët zakonisht krijoni lidhje, atëherë ndoshta ka ardhur momenti që të ndryshoni sjelljet tuaja, në mënyrë që, në të ardhmen, të keni një lidhje më të suksesshme.

Sa për fillim fokusoheni në vetitë që ju tërheqin te meshkujt.

Pastaj, mendoni se në ç’masë ish të dashurit tuaj të mëparshëm kanë pasur këto veti.

Bëjeni edhe një listë të karakteristikave të cilat nuk ju kanë pëlqyer dhe që kanë çuar deri te ndarja.

Shikojeni listën e vetive të mira dhe kur ta keni reduktuar atë në dhjetë veti, jeni e gatshme për veprim.

Në takime të para me meshkuj, analizoni sesi ata meshkuj sillen me ju, si hanë, si sillen me kamerierët, çka flet për të tjerët, a lëvdohet, a i përqesh të tjerët.

Nëse vëreni ndonjë të metë të cilën nuk mund ta duroni, mos e zgjatni dhe mos filloni fare atë lidhje.

Por, duhet ditur se, nëse kërkoni një mashkull ideal, atëherë edhe ju duhet të jeni ideale.

Prandaj, meqë nuk jeni ideale, duhet të jeni e gatshme për kompromis.