Qyteti me vetëm një banor !

Nëse ndonjëherë mbeteni vetëm, mendoni për Don Sammonsin nga Bufordi në shtetin federal amerikan Wyoming. Për këtë vend thuhet se ka pak popullatë, pasi ka vetëm një banor, 60-vjeçarin Sammons.

Edhe pse jeton në një lartësi mbidetare prej 2 400 metrave, Samons thotë se nuk ndjehet i vetmuar. Rregullisht hap pompën e tij dhe një shitore të vogël, transmeton “Daily Mail”.
Për t’i ikur jetës së zhurmshme të qytetit të madh, Sammons së bashku me gruan u largua nga Los Angeles më 1980 dhe u vendos në Buford. Atëherë këtu jetonin vetëm 7 persona dhe punonin në hekurudhën që kalon nëpër këtë zonë, por në mes të viteve ’90 u shpërngulën në qytete më të mëdha.
Para 15 vjetëve i vdiq gruaja, ndërsa djali, i cili sot ka 26 vjet, u largua para tre vjetëve në Colorado. Kështu, Sammons mbeti në Buford i vetëm. Gjatë verës nëpër qytet kalojnë 1 mijë vizitorë në ditë, por verës ky numër bie në disa qindra.