Gruaja shqiptare në foto

nga Eri dr Wed Mar 09, 2011 10:44 am

Një konkurs fotografie vë në fokus gjendjen e gruas në Shqipëri. Përkujdesja ndaj fëmijëve, racizmi, homoseksualiteti, kushtet e vështira sociale dhe ekonomike. Një lexim anembanë vendit

Në ekspozitën "Zeta" u prezantuan dje 31 fotografi të zgjedhura për konkursin
"Ellas.PhotoArtProject", që Ambasada Spanjolle zhvilloi për Ditën Ndërkombëtare të Gruas. Pakkush mund ta kishte mendjen dje te ekspozita ku nën entuziazmin e festës, gratë mbushnin baret dhe restorantet, ose ishin pjesë e shoët politik.

Te ky konkurs morën pjesë 150 individë, profesionistë dhe amatorë. Fituesin ishin dy. Juria me përfaqësues nga Shtëpia e Spanjës, Ambasada e Spanjës dhe fotografin Armando Babanin vlerësoi me çmimin e parë fotografinë "Nëna" të Ared Taganit dhe me çmim të dytë, "Kohë për dashuri" nga Olsi Qazimi.

Fotoja fitues paraqet një grua të bardhë dhe një fëmijë me ngjyrë ulur përdhe. Portreti i gruas mezi shquhet nga tymi i cigares. Po e pi para fëmijës që rri ngjitur më nënën dhe ka afër një kuti nga ku duket një reklamë që "propagandon" mbrojtjen e fëmijëve. Autori, Ared Tagani bën ironi me çështje si përkujdesja ndaj fëmijëve dhe një apel kundër racizmit. Ai tha dje se është "një nga ato foto që do t'i shkonte shumë për shtat temave të UNICEF-it, për mbrojtjen e fëmijëve".

Fituesi është student, viti I në Fakultetin Ekonomik. Fotografia i lindi si pasion dhe më vonë iu kthye në nevojë, një nevojë për "të zbrazur emocionet". Gjendjen e gruas shqiptare Aredi e shikon në kuadër të emancipimit. "Gruaja po shkollohet më shumë dhe kjo i bën që të jenë më të pavarura jo vetëm nga ana financiare, por edhe nga kushtet e tjera të cilat kufizohet".

Fotografia fituese e vendit të dytë e Olsi Qazimit quhet "Kohë për dashuri". Dy vajza të reja, kanë të njëjtën prerje flokësh, të njëjtën ngjyrë të zezë, të dyja mbajnë piercing në hundë dhe të japin përshtypjen se janë binjake. Por nuk është kështu.

Njëra prej tyre është australiane, tjetra shqiptare. Autorin e tyre e ka tërhequr kjo lloj dëshire e tyre për të qenë afër njëra-tjetrës. "Më tërhoqi pikërisht ky lloj subjekti, dashuria e dy njerëzve që nuk njihen, që janë gjeografikisht në dy kahe të kundërt dhe dy sekse të njëjta".

Olsi është 28 vjeç, ka bërë 6 muaj kurs në shkollën Projekt 5.6 dhe pasioni e ka shtyrë të perfeksionohet më tej.

Për të komentuar gjendjen e gruas shqiptare ai i referohet librave të shenjtë ku thuhet: "Parajsa është nën këmbët e Nënës. Këtu në Shqipëri nuk është kështu. Besoj se realiteti për shumicën e nënave, është pak i dhimbshëm. Vetëm nëna ime e di si më ka rritur. Besoj edhe nënat e tjera si ajo."

Në një ciklin të dytë fotografish të ekspozitës, plagët e gruas duken më të thella.
Në fotografinë "Pa titull" të Arian Vyshkës, një grua shet rroba të përdorura përpara shtëpisë së saj.

Qeset e tregtimit rrinë në një karrocë dore që transporton llaç e tulla, rrobat më pak të kushtueshme rrinë përdhe mbi një rrobë të bardhë, kurse xhaketat dhe palltot janë varur në degët e një peme. Ndërkohë gruaja me shami të bardhë në kokë është e përqendruar te puna e dorës.

Në moshë të shkuar është edhe gruaja në fotografinë e Marseda Petrajt, e veshur me një fund deri te këmbët dhe me xhuboks meshkujsh, me shami koke, i buzë aparatit prezantohet: "Im shoq quhet Pashk".

Në disa prej fotove, dëshmi të kushteve të jetës së grave shqiptare është ambienti ku rrojnë dhe punojnë. Në të tjera janë portretet e tyre të drobitura.

Gruaja në foton "Pa titull" të Albert Cmetës, është e vështirë t'i gjesh moshën. Shpinën ia kërrus një deng kashte, ndërsa ajo ecën në një terren të vështirë.

Në fotografinë e Zhujeta Cimës, në vështrim të parë duket portreti i një bariu që kullot bagëtinë në natyrë. Në atë fytyrë të përvëluar nga dielli nuk arrin të shquash asgjë femërore.

Por Cima të vë në dyshim me shpjegimin që i vendos fotografisë: "Jam babai yt, jam vëllai yt, djali yt dhe kam lindur grua", Virgjëresha e Betuar ("Im your father, your brother, your son and i ëas born a ëoman" (Sëorn Virgin). Është rasti kur gruaja është veshur burrë, në zonën e Dukagjinit, në ato familje ku mungojnë meshkujt dhe ajo merr rolin e gjinisë tjetër.

Ambienti ku jetojnë dhe punojnë këto gra ka joshur edhe spanjollin Sergio Varas. Ai e ka fokusuar objektivin në fushat e mbjella me jonxhë ku një grua me duart e lyera me baltë, kërruset për të shkulur fidanët.

Duart e nxira dhe me gunga, lëkura e rënë dhe e rrudhur, portretet e menduara, të lodhur, të vrarë, kanë bërë për vete autorë si Holta Cika, Edlira Danaj, Ardit Hamzai, Alba Canaj, Florinda Zonja, Sara Çapaliku. Nëna dhe gra të veshura me të zeza, të tjera të mallëngjyera, të vetmuara dhe të lodhura.

Gruaja nga fotoja e Florinda Zonjës përveçse të rrëfen për lodhjen e saj, duket sikur ka një vështrim akuzues. E veshur me një xhaketë dhe pulovër burri, me flokët e lëshuar në fytyrën e vrarë, duket se nuk mundet më të vazhdojë më punën me xhaketën që pret të hekuroset. Dhe fotografia është bërë vetëm pak ditë para se të hapej ekspozita...

"Kohë për dashuri", fotoja fituese e vendit të dytë
Fotografia e çmimit të dytë "Kohë për dashuri" është realizuar në verën e vitit 2010-ën tek një hotel. Dy vajza, njëra nga Melburni dhe tjetra nga Ndroqi kërkojnë të duken njësoj. As vetë autori, Olsi Qazimi nuk ua di emrat. I ka takuar në një hotel, aty ku punonte vajza shqiptare. Tjetra ishte një shtegtare, që lëvizte në të gjithë botën. Olsin e ka bërë për vete dëshira e tyre për t'u dukur njësoj dhe dashuria për njëra-tjetrën.

"Nëna" fotoja fituese e vendit të parë
Janë të afërm të autorit të fotografisë. Gjatë një feste familjare që zhvillohet në Peshkopi, e kushërira bashkë me të bijën veçohen në një dhomë gjumi. Nëna tymos, e bija i rri pranë. Një foto që erdhi natyrshëm për Aredin 18-vjeçar, që nuk është e kompozuar. Por, që përmban mesazhi të fuqishme mbi përkujdesjen dhe racizmin. Tema që i prekin të rinjtë sot. "Ka shumë prindër të papërgjegjshëm që mund të quhen aksidentalisht prindër. Nga ana tjetër ka shumë njerëz që nuk mund ta pranojnë martesën e një çifti ndëracial", thotë fituesi i vendit të parë.

nga Vizitor Tue Jan 29, 2013 3:55 pm

jam e sigurt se po te krahasojm fotot e dikurshme te gruas shqiptare do kishte shum ndryshime me ate te sotshmes edhe mund te themi se edhe ne at koh femrat shqiptare kan qen tbukra jemi rrac e bukur me thon tdrejten

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Gruaja shqiptare në foto

Gruaja shqiptare në foto

Re: Gruaja shqiptare në foto

MENU

SHTYPI I DITES

REVISTA

FAQET PARTNER