Leoreta Xhaferi

nga Eri dr Wed Feb 23, 2011 8:22 pm

Shpirtin lashë të lirë

Të lirë e lashë shpirtin
mbijetuar kërcënimit të rrufeve
kaltërsive endet ai i harruar
sikur të qe hyjni qiellin hap.

Ëndrrat nuk flenë më me mua,
ikën pa pyetur,më lanë braktisur
kërkoj prehje,sytë mbyll me pahir
të zhduk panikun e netëve të pagjuma.

Përpiqem të zbut dëshirat e mia
që shpesh me mua sillen rrebele,
strukem në kepin e shpresës
ndëshkuar pa bërë asnjë mëkat

Luftoj me fatin e zemëruar,
sërish adhuroj qetësinë e brishtë
e heshtur shtrëngoj qënien time
me frikën se mos më rrëmbejë turma

Leoreta Xhaferi 185654_197381720289229_100000522088517_710820_3364049_n

Leoreta Xhaferi 185654_197381720289229_100000522088517_710820_3364049_n

nga Eri dr Wed Feb 23, 2011 8:23 pm

Liqeni im

Liqen,ku ëndrrat,gëzimet
si thesar i kam fshehur,
nëpër dallgët e tua
që s’dinë kurrë të tërbohen.
Kur përlotur bregut jam e trishtuar
lotët m’i than si me magji
si fëmija pranë nënës aty,
përkundem e qetësohem.
Guacka midhjesh përfundi
të rrinë prej shekujsh ,
rëra me skorje kurorë bregut,
guzat mbi ty fluturojnë,
peshqit,algat rrënjëve
të barishtave të tua ngecin.
Në ty kam mbytur
dhimbjet,brenga dhe halle,
liqen që më bën të dua më shumë
qytetin tim Pogradecin !

Leoreta Xhaferi 182609_197233026970765_100000522088517_709686_3292053_n

Leoreta Xhaferi 182609_197233026970765_100000522088517_709686_3292053_n

nga Eri dr Wed Feb 23, 2011 8:24 pm

Rrethi i unazës

Rrethi i unazës me patën thënë,
është simboli i vetë lumturisë
si lum ata që në dorë e kanë vënë
dhe provuan shijen e lumturisë.

Një rreth i ftohtë skllavërie
është unaza dikur më patën thënë
nuk sjell asnjë cast lumturie
për ata që në dorë e kanë vënë.

Shumë fjalë për rrethin e unazës
disa njerëz më kanë thënë dikur
por çfarë është në të vërtetë ajo
nuk munda ta kuptoj dot kurrë

Leoreta Xhaferi 180172_196971090330292_100000522088517_707771_1276573_n

Leoreta Xhaferi 180172_196971090330292_100000522088517_707771_1276573_n

nga Eri dr Wed Feb 23, 2011 8:25 pm

Dhe vjen një ditë

Dhe vjen një ditë
braktisjen nuk e sheh pranë teje,
ke dikë që të tregon se kush je,
netëve ëndrra të bardha ti ke.

Dhe vjen një ditë
kur ti sheh veten të dashuruar,
më këngën në buzë nis ëndërron,
për herë të parë sheh se ekziston

Dhe vjen një ditë
buzëqeshja sërish t’ë kthehet,
trishtimin,vetminë ti braktis
lumturinë kërkon,një jetë të re nis

Leoreta Xhaferi 184988_196687413691993_100000522088517_705649_8143837_n

Leoreta Xhaferi 184988_196687413691993_100000522088517_705649_8143837_n

nga Eri dr Wed Feb 23, 2011 8:27 pm

Shkruar me lote

duke ua kushtuar vëllezërve të mi,më të mirët në këtë univers.Fal për ata jën,jap shpirtin,jap zemrën time,më besoni e them këtë sepse e meritojnë.Dashuria ime për ata nuk njeh asnjë limit…………….............................................................................

Sërish Niagara !

Sërish më shfaqesh para syve Niagar...ë,me ujërat që të stërzgjaten si flokët e një zane,shoh duart e tua që shtrihen të hapin dyert për njerëzit e mi më të dashur.Rritet pesha e mallit,shtohet lumi i lotëve që shkakton largësia!Ndonjëherë nuk e dua bukurinë tënde,nuk më tundon aspak ajo bukuri,kërkoj t’i shmangem asaj magjie që ti shpërndan.Këtë herë ke bërë kompromis me ne,nuk merr pranë gjirit tënd klandestinë nga familja ime,por sërish emrin mbajnë emigrantë.Një tjetër vëlla i imi dhe familja e tij do të shkelë mbi brigjet e tua,trishtimin dhe lotët e mallit ndoshta do t’i derdhin mbi ty.Gjysmën e gjakut tim po merr mbi ujërat e tua,ndërsa tani me vijnë ndërmend fjalët e tij,fjalë që do më mungojnë me shumë se ajri.Kur hallet si lak me kapnin në fyt gjithmonë më qetësonte duke më thënë me maturi.- Pse e mërzit jetën Lori?Lere të rrjedhë.Ku e di ti se çfarë mund të sjellë ajo?Mos e lodh veten ,lere të lodhet jeta për ty.- E unë mendoja mos e kishte lexuar diku atë që më thoshte edhe pse e dija që libri i tij ishte ‘’jeta’’Nuk studionte,puna e tij s’kishte asnjë lidhje me librat,mureve te ftohta u jepte ngjyra me penelin dhe duart e tij të arta.Sërish një shirit do të na ndajë me njerëzit zemrës në aeroport,shumë lotë që nuk shmangen,njerëz që do të më mungojnë si drita,një avion që ngrihet reve,sy të përlotur përkunden mbi djepin e mallit,përqafime të gjata,mall që përvëlon,largësi!Sërish Niagara! …I uroj atyre fat dhe i përqafoj me mall që nga larg !!!
Leoreta Xhaferi 181606_196348573725877_100000522088517_703047_7686985_s

Leoreta Xhaferi 181606_196348573725877_100000522088517_703047_7686985_s

nga Eri dr Wed Feb 23, 2011 8:28 pm

Po iki…!!!

Po iki me këmbët tërhequr zvarrë
ketu asgjë nuk më ka mbetur,
nuk kam pse rri,
...braktisur po shkoj sa më larg gjithçkaje,
që pa mëshire mundimshëm më torturon
Trishtimi si lak ne grykë frymën po ma merr.
Mbi grumbuj gërmadhash nxitoj,
fundosur ne puset e pikëllimit, të braktisjes,
e harruar, si pasagjer i vetmuar,
hipur mbi largimin,
Nota këngësh, që dikur bashkë kemi kënduar.
në një zë,në një kohe
dhe sot dy zëra te largët
nuk di perse kemi mbetur.
Dhimbshëm po iki
me sakrificat shteruar,
si hije stërgjatur rrugëve ne zbrazëti.
Larg, shumë larg ,por jo gjer ne varr.
Penduar mos me kërko,
s’do kthehem me kurre.
Po iki, e pafajshme,
brengat rëndojnë në shpirt,
bashkë me sakrificën time,tashmë të shterur,
që ti s’u përpoqe ta njohësh kurrë,
Po iki....
me trenin tim ndonse te vonuar...

nga Eri dr Thu Mar 03, 2011 11:20 pm

Lotë prej burri

Kështu qan një burrë kur i thyhet zemra,
nuk i shkon për mend se rrotull ka femra!
Nuk i mban dot lotët,shembet në fytyrë,
kur bëhet viktimë në këtë botë të ndyrë.

Vajtojnë edhe burrat s’është ndonjë çudi,
lotojnë kur largohen nga grua dhe fëmijë.
Kur shkon dashuria edhe më nuk vjen
nuk pyet për askënd,veten nuk e gjen.

As vetminë gangrenë një burrë s’e duron,
vdekja si shigjetë zemrën krejt i’a shpon.
Në fundin e shpirtit rezervë ca lot mban
sa here i dhemb shpirti nis,e qan,e qan!!

nga Vizitor Tue Jan 29, 2013 3:26 pm

Eri dr shkruajti:Rrethi i unazës

Rrethi i unazës me patën thënë,
është simboli i vetë lumturisë
si lum ata që në dorë e kanë vënë
dhe provuan shijen e lumturisë.

Një rreth i ftohtë skllavërie
është unaza dikur më patën thënë
nuk sjell asnjë cast lumturie
për ata që në dorë e kanë vënë.

Shumë fjalë për rrethin e unazës
disa njerëz më kanë thënë dikur
por çfarë është në të vërtetë ajo
nuk munda ta kuptoj dot kurrë

shum tbukura te gjitha p;or mu kjo me beri me shum pershtypje e me pelqeu me shum sesa te tjerat