Në vitin 2045 arrihet pavdekshmëria

Në vitin 1965, një njeri i quajtur Raymond Kurzweil, u shfaq në një program amerikan që quhej “I’ve Got a Secret”. Atëherë ai pati fituar 200 dollarë pasi askush nuk mund të gjente se çfarë ishte pajisje e mbuluar, e cila u quajt “kompjuter” prej krijuesit.

Ajo që në vitin 1965 nuk konceptohej prej askujt, tashmë është shndërruar në realitet. I njëjti krahasim mund të bëhet edhe me artikullin e sotëm të revistës “Time”, e cila pretendon se pas 35 vjetësh përafërsisht, njeriu do të jetë bërë i pavdekshëm.

Çelësi për të arritur këtë do të gjendet përsëri tek kompjuterët, të cilët do të bashkohen me trurin e njeriut në një të ardhme të afërt, për ta bërë atë shumë më të aftë në zgjidhjen e çdo problemi.

Duke u bazuar tek artikulli fantastik-shkencor i Time, avancimi i vazhdueshëm i kompjuterëve do të bëjë të mundur që fytyra e njerëzimit të ndryshojë tërësisht. Ata ose do të krijojnë një lloj shoqërie të re njerëzore ose do të ndihmojnë për të gjetur ilaçin e pavdekshmërisë.

Nëse avancimet në botën e teknologjisë dhe sidomos teknologjisë mjekësore do të përparojnë, truri i njeriut duhet të bëhet i manipulueshëm prej kompjuterëve në mesin e vitit 2020.

Kjo do të thotë se të gjitha sëmundjet dhe çrregullimet e sistemit nervor mund të shërohen apo vetëshkaktohen. Njëkohësisht, kjo do të thotë se, duke manipuluar funksionet e tij, mund të prishet balanca natyrore për të krijuar njerëz që do të kenë aftësitë e një gjenie në një fushë të caktuar, transmeton TCH.

Duke vazhduar me hapat e sotëm të shkencës, në vitin 2045, ose të paktën rreth tij, do të bëhet e mundur që të manipulohet edhe kodi gjenetik i njeriut.

Kjo do të thotë se gjenet që shkaktojnë plakjen, do të jenë në gjendje të lokalizohen dhe të eliminohen apo modifikohen për ta bërë njeriun të pavdekshëm nga shkaqet natyrore.