Masakrohet në bagazhin e makinës 17-vjeçari, arrestohen 2 persona në Tiranë .

nga **Tironcja_omel** Wed Feb 02, 2011 6:10 pm

TIRANE – Policia e Tiranës ka hedhur dritë mbi pengmarrjen e ndodhur sot në kryeqytet ku një 17-vjeçar është rrahur dhe është mbajtur në bagazhin e një makine nga dy persona.
“Rreth orës 11.50 në Sallën Operative të DPQ Tiranë, ka telefonuar një qytetar i cili ka informuar se ne fshatin Feraj, dy persona pasi kanë keqtrajtuar një shtetas e kanë futur atë në bagazhin e një automjetit tip Benz 250, ngjyre e bardhë, dhe po lëviz në drejtimin e Kafes së Remës”, thanë burimet e policisë.
Sipas tyre, menjëherë nga shërbimet e Komisariatit te Policise nr.4, Qarkullimit Rrugor dhe Sektorit Kundër Krimeve të Rënda në DPQ Tirane, u bllokuan hyrje-daljet e kësaj zone.
“Pas krehjes së menjëhershme të zonës dhe një pune intensive, rreth orës 12.05 u bë e mundur kapja e mjetit të dhënë në kërkim policor, ku në bagazhin e të cilit u gjend i dëmtuari, shtetasi A. Hoxha, vjec 17.
Gjithashtu, në momentin e ndalimit të mjetit, u bë e mundur edhe kapja në flagrance e autorëve, të cilët janë shtetasit:
Arben Myslim Doka, vjec 43, banues ne Tirane
Islam Lefter Bajrami, vjec 23, banues ne Tirane”, njofton policia.
Sipas saj, strukturat e Hetimit dhe Parandalimit të Krimeve, te Policisë së Tiranës po punojnë për dokumentimin e plotë dhe ligjor të kësaj ngjarje.
Materialet proceduriale ne ngarkim të tyre do t`i kalojnë Prokurorise se Rrethit Gjyqesor Tiranë.