Eli Fara.

nga **Morena** Mon Jan 17, 2011 6:03 pm

Eli Fara, mbretëresha e këngës popullore, me sharmin e një gruaje
rrëzëllitëse vazhdon të sfidojë kohën, por njëherësh të na mrekullojë sa
herë që ngjitet në skenë. E padyshim këngëtarja mbetet një idhull për
korçarët e vendlindjes së saj dhe jo vetëm.

Kush është Eli Fara para dhe pas 10 vitesh në raport me Korçën?
Edhe pse kam 10 vjet që jam larguar nga vendlindja ime, unë e kam çuar Korçën në të gjithë botën dhe e kam gjithmonë me vete.
Eli 20-vjeçare dhe Eli 40-vjeçe, Eli e dashuruar dhe Eli nënë, ç’mund të na thoni për këto Eli?
Sa e vështirë kjo përgjigje! Të dyja janë të bukura edhe 20 vjeç,
edhe 40 vjeç, edhe e dashuruar, edhe nënë. Por jam e bindur se në këtë
përzgjedhje përgjigja do të ishte nënë. Nuk ka dashuri më të madhe se të
qenit nënë.
Po brenda dashurisë tjetër, si ndihet Eli Fara?
Dashuria është një tempull dhe duhet të dish të hysh atje. Të
dashurosh është fjalë e madhe. Jam idealiste dhe kërkoj idealen në
dashuri. E padashuruar ndihem keq, dua që dikush të më dojë dhe ta dua.
Është bosh jeta pa një dashuri shpirtërore.
Po dashuria fizike ç’është për ju?
Është ushqimi kryesor i dashurisë për të cilën fola më lart. Ajo përjetohet dhe shprehet e ndryshme te gjithkush.
A jeni ndierë ndonjëherë e braktisur?
Jo, asnjëherë.
Po e dëshpëruar?
Shumë herë?
Cilin moment do veçonit si më të dhimbshëm në jetën tuaj?
“Në përgjithësi jam natyrë e fortë. Por dhimbjes nuk mund t’i
shmangesh. Si një moment tepër të dhimbshëm të jetës sime mund të veçoja
divorcin nga ish-bashkëshorti im kur isha vetëm 19 vjeç dhe për më
tepër me një vajzë 9-muajshe. Ishte tepër e vështirë të jetoja në një
shtëpi me prindërit e ish-bashkëshortit. Ndjehesha në vendin më të
paduhur dhe në kushte shumë të vështira. Në këtë situatë jetova rreth dy
vjet.
Si i ke përballuar momentet e vështira në jetë?
Motoja ime është “Mos u dorëzo”. Me këtë moto kam luftuar të gjitha
vështirësitë që nuk kanë qenë të pakta në jetën dhe karrierën time. Kur u
divorcova isha në qendër të vëmendjes dhe me forcë përballova çdo gjë.
Cili është raporti me ish-bashkëshortin tuaj?
Normal. Thjesht një përshëndetje. Është babai i vajzës.
Korçën e sheh si vend ku mund të rikthehesh?
Jo. E quaj Korçën pjesë të pandashme të jetës sime, por jo për të jetuar aty.
Çfarë të ka larguar përgjithmonë nga Korça?
Metropoli ka diapazon shumë më të gjerë se provinca. Në metropol mund
të suportosh suksesshëm fuqinë e talentit tënd. Metropoli është larg
paragjykimeve, për më tepër për rastin tim si grua e divorcuar. Në
metropol jeton lirshëm pa bezdisjen e paragjykimeve.
Cili është raporti juaj me vajzën?
Kemi një lidhje të thellë shpirtërore me njëra-tjetrën. Marrëdhëniet
nënë-bijë i kemi kthyer në marrëdhënie nënë-shoqe. Marina, jeton atje ku
jetoj dhe unë. Vazhdon studimet në vitin e III-të të universitetit
“Luarasi” në degën e jurisprudencës. Marina është një kritike e mirë
muzikore, ka shije të mira në mënyrën se si e sheh muzikën. Vajza është
kthyer në këshilltaren time më të mirë.
Shtëpia juaj e parë është Drenova, shtëpia e bukur mes manave aty ku keni lindur. Ç’është Drenova për ju?
Drenova është vendi më i dashur për mua, që gjithmonë më fton të
kthehem aty. Drenova është vendi i Asdrenit të madh, vendi i
këngëtarëve, i kitarave, vendi i manave të mrekullueshme, por dhe i
rakisë së famshme të manit. Për asnjë çast në gojën time nuk është
larguar shija e frutit unikal që ka privilegjin ta ketë vetëm Drenova.
Aty jetojnë aktualisht prindërit e mi. Të gjitha këto për mua nuk janë
pak.
Cili është sekreti i bukurisë tuaj?
Së pari genet që ua dedikoj prindërve të mi. Së dyti kënga. Kur atë e
këndon bukur, ajo ta kthen me të njëjtën monedhë, të bën akoma më të
bukur. Këngës i jep dhe të jep shpirt dhe pse jo dhe bukuri.
Përveç këngës, a keni ndonjë pasion tjetër?
Më pëlqen të lexoj. Adhuroj librin. Por nëse mund të quhet pasion më pëlqen të ri në shtëpi, të gatuaj...
Cili është gatimi juaj i preferuar që del nga duart tuaja?
Dikur gatuaja më shumë, kurse tani kohën e kam më të kufizuar.
Gjithsesi arrij të gatuaj çdo gjë. Preferoj ushqime të lehta, perime
fruta.
Po ndonjë tjetër gjë që të bën të ndihesh mirë?
Kënaqësia ime është e madhe kur udhëtoj. Më pëlqen shumë të drejtoj
makinën, gjë që e bëj prej shumë vjetësh. Zakonisht preferoj të udhëtoj
vetëm. Edhe rrugën Korçë-Tiranë e bëj vetë dhe ec shumë mirë.
Sikur natyra të mos të të kishte dhuruar talentin, çfarë do kishe realizuar në jetë?
Iu siguroj që do isha bërë diçka tjetër, por e suksesshme. Do
preferoja të isha një psikologe shumë e mirë. Po iu them dhe një
sekret.(Qesh). Shpeshherë mendoj të kem dhe unë një biznesin tim. Për
shembull, një butik ose një sallon bukurie. Megjithatë tani për tani i
jam kushtuar vetëm këngës.
Cili është albumi juaj i fundit?
Albumi im i ri i shtëpisë diskografike “Elrodi” titullohet “Të dua për vete”.
Kur do ju shohim përsëri?
Tani do të vonohem pak. Nesër udhëtoj drejt New York, ku edhe atje ndihem mirë.

nga Mona Mon Jan 17, 2011 6:11 pm

E kam takuar një her para tre vjetësh, në një kafe këtu në tiranë, pronarin e të cilës e kishim mik të pëbashkët.
I afrohem tavolinës ku ishte ulur mikesha ime me një vajzë , të paktën kështu mu duk mua në shikimin tim të parë, kthehem të përshëndes mikeshën e re, kur shikoj upssssssss Eli Fara, e bukur, e bukur, e bukur, sa se përshkruaj dot, reagimi im ishte goxha idiot, Uauuuuuuuuuuuuuu
U mata disa her ta pyesja je ti Eli Fara, pastaj u ktheva nga mikesha ime ,,mos është Eli,,,,,, ajo është ajo - më thot mikesha ime, dhe pasi u ula pyes ,,- uaa më falni mund të ulem?
Gati një orë ndenjëm duke biseduar, e mbyta me pyetje, në përfundim arrita të krijoj mendimin më të mirë që mund të krijohet për një femër

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Eli Fara.

Eli Fara.

Re: Eli Fara.

MENU

SHTYPI I DITES

REVISTA

FAQET PARTNER