Vizitat nga turistët në Shqipëri, sivjet priten të jen në Veri

Edhe “Financial Times” zgjedh Shqipërinë për turizëm
Parashikimet për atë që do të ndodhë në vitin 2011 janë të shumta, por ajo që është e sigurt për prestigjiozen “Financial Times” është se këtë vit perspektiva më intriguese për turizmin është Shqipëria.

Në artikullin e saj për destinacionet më të preferuara turistike të këtij viti që shumë presin të jetë i begatë, “Financial Times” thotë se ndonëse evropianët kanë zgjedhur të kursejnë, ajo që ofrohet në Shqipëri, është një përzierje e këndshme e argëtimit, qetësisë, burimeve të mrekullueshme natyrore për të cilën ia vlen barra qeranë ta vizitosh.

Stina e verës mund të jetë disa muaj larg, por “Financial Times” këshillon planifikimin që tani të pushimeve duke ofruar Shqipërinë në rradhët e disa vendeve shumë ekzotike si destinacion intrigues për të gjithë. Pushimet në këtë vend thotë gazeta janë të përballueshme.
Është një vend i qetë, me një panoramë mbresëlënëse të bregdetit. Turistët aventurierë, edhe ata kanë ç’të gjejnë në Shqipëri. Bjeshkët e Namuna në veri të vendit ofrojnë atë që çdo aventurier që ka shëtitur botën duhet të shohë patjetër; Pyjet e mrekullueshme, kafshët e rralla dhe fshatrat e pasur në folklor. Ky është rekomandimi i radhës që vjen për turistët, pas këshillave të shumta që kanë ardhur nga mediet më prestigjioze botërore si për shembull CNN të cilat pa kursyer aspak kanë portretizuar Shqipërinë ashtu siç është, një vend i bukur që nuk duhet lënë pa prekur nga afër.

E Merkure, Janar 12, 2011 Gazeta Jonë

sa keq me kujtohen keto lendina .. po ky ti gjej tani